တၢ်ပာ်ဖျါထီၣ် ဆူၣ်ချ့တၢ်ကွၢ်ထွဲအဘူးအလဲတဖၣ်

အိၣ်ဝဲဒီး ကီၢ်စၢဖှိၣ်တၢ်ဒီသဒၢတဖၣ် လၢကဒီသဒၢပှၤစူးကါတၢ်ဖိတဖၣ် ဒီးသိၣ်ဝဲဆူၣ်ချ့တၢ်တိာ်ကျဲၤတဖၣ်ဒ်အမ့ၢ် Blue Cross and Blue Shield of Minnesota (Blue Cross) ဒ်သိးကပာ်ဖျါထီၣ် အဘူးအလဲတၢ်ဂ့ၢ်တၢ်ကျိၤ ဘၣ်ဃးဒီး တၢ်ဖိတၢ်လံၤဒီးတၢ်တိစၢၤမၤစၢၤတဖၣ် လၢတၢ်အုၣ်ကီၤကျၢၢ်ဘၢဃာ်လၢ နီၢ်တဂၤစုာ်စုာ် ဒီးကရူၢ်တၢ်တိာ်ကျဲၤတဖၣ် ဆူကမျၢၢ်အအိၣ်န့ၣ်လီၤ. Blue Cross န့ၣ်လၢပှဲၤထီၣ်ဘးဝဲဒၣ်ဒီး တၢ်လိၣ်ဘၣ်ဝဲန့ၣ်တဖၣ် ဒီးဂဲၤပျုၢ်လၢ ကမၤအါန့ၢ်အီၤ ဒ်သိးကမၤစၢၤပှၤစူးကါတၢ်ဖိတဖၣ် ဒ်သိးကပလၢၢ်ဘၣ်လၢ အဝဲသ့ၣ်မၤန့ၢ်ဘၣ် တၢ်ကစီၣ်ဂ့ၢ်ကျိၤအါထီၣ် ဖဲအဆူၣ်ချ့တၢ်ကွၢ်ထွဲတၢ်လဲၤကျဲအလိၤန့ၣ်လီၤ.  

ဃုထၢနဲ တၢ်အဂ့ၤကတၢၢ်လၢနဂီၢ်တက့ၢ်

အဘူးအလဲန့ၣ် တမ့ၢ်တၢ်ခဲလၢာ် ဘၣ်ဆၣ်မ့ၢ်တၢ်ဂ့ၢ်တမံၤလၢ အကါဒိၣ်န့ၣ်လီၤ. ပှၤမၤစၢၤဆီၣ်ထွဲတၢ်တဖၣ်န့ၣ် ဃ့အဘူးအလဲအကလုာ်ကလုာ် လၢတၢ်တိစၢၤမၤစၢၤတမံၤဃီအဂီၢ်န့ၣ် နသ့ၣ်ညါနဲဧါ. တၢ်န့ၣ်မ့ၢ်ဝဲလီၤ. ဘၣ်ဆၣ် တၢ်လီၢ်လၢနကလဲၤန့ၣ် နဃုထၢသ့လီၤ. 

ပဝဲ ဃုဒိးန့ၢ်ကသံၣ်သရၣ်တဂၤ အပီးအလီန့ၣ် မၤစၢၤနၤသ့လၢ နကဃုထံၣ်န့ၢ်ကသံၣ်သရၣ်တဖၣ် လၢတပှာ်ဘျးစဲအပူၤ လၢအကါဒိၣ်ထီဘိ ဒ်သိးကမၤစှၤလီၤ နတၢ်အဘူးအလဲလၢ တၢ်ဟ့ၣ်အီၤလၢနီၢ်ကစၢ်စ့တဖၣ်အဂီၢ်န့ၣ်လီၤ. အဝဲန့ၣ်ပၣ်ဃုာ်ဒီး တၢ်ဂ့ၢ်အဂၤတဖၣ်ဒ်အမ့ၢ် တၢ်လီၢ်တၢ်ကျဲဒီးကျိာ်, ဒီးနီၢ်ကစၢ်တၢ်လၢာ်ဘူၣ်လၢာ်စ့တၢ်ဒွးတယာ်တဖၣ် လၢတၢ်တိစၢၤမၤစၢၤအါမးအဂီၢ် ဒိးသန့ၤအသးလၢ စ့ပာ်ဖှိၣ်လၢနသူတ့ၢ်လံ လၢဒီနံၣ်ညါအတီၢ်ပူၤန့ၣ်လီၤ. အဝဲန့ၣ် မၤစၢၤနၤသ့ ဒ်သိးနကခံကွၢ်စီကွၢ်နတၢ်ဃုထၢတဖၣ် ဒီးဃုထၢတၢ်လၢအဘၣ်လၢနဂီၢ်န့ၣ်လီၤ. 

နုာ်လီၤလၢန ကရူၢ်ဖိပှာ်ဘျးစဲဒီးဃု ဃုဒိးန့ၢ်ကသံၣ်သရၣ်တဂၤ ဒ်သိးကန့ၢ်ဘၣ်တၢ်စံးဆၢ လၢအကြၢးအဘၣ်ကတၢၢ်လၢ နတၢ်အိၣ်သးအဂီၢ်န့ၣ်တက့ၢ်.

တၢ်ထိၣ်သတြီၤအဘူးအလဲတဖၣ်

ပတၢ်ဒွးတယာ်တၢ်ကွၢ်ထွဲအဘူးအလဲလၢ ဃုဒိးန့ၢ်ကသံၣ်သရၣ်တဂၤ အပူၤန့ၣ် မၤစၢၤနၤလၢ နကဆၢတဲာ်တၢ်တိစၢၤမၤစၢၤတမံၤအဘူးအလဲ ဒိးသန့ၤအသးလၢ နတၢ်တိာ်ကျဲၤအတၢ်အုၣ်ကီၤကျၢၢ်ဘၢ ဒီးနခဲအံၤတၢ်သူကျိၣ်စ့တၢ်အိၣ်သး (တၢ်ဟ့ၣ်ဆိအဘူးအလဲ, တၢ်အုၣ်ကီၤဟ့ၣ်သဃဲၤ မ့တမ့ၢ်တၢ်အုၣ်ကီၤကျၢၢ်ဘၢတၢ်နီၤဖးအလၢပှဲၤ)န့ၣ်လီၤ.

ဖဲနကွၢ်ဃုတၢ်မၤကျိၤကျဲတဖၣ်*အခါ တၢ်တိစၢၤမၤစၢၤတနီၤန့ၣ် ကပာ်ဖျါထီၣ် တၢ်လီၤဆီအါထီၣ်လၢ အဘူးအလဲအပူၤန့ၣ်လီၤ. အဒိ:

• ပှၤဆါအ MRI အဘူးအလဲလၢ ကသံၣ်သရၣ် A: $785
  ပှၤဆါအ MRI အဘူးအလဲလၢ ကသံၣ်သရၣ် B: $1,026
• ပှၤဆါအတၢ်ကွၢ်ကူစါပှံာ်ပူၤအဘူးအလဲလၢ ကသံၣ်သရၣ် A: $2,046
  ပှၤဆါအတၢ်ကွၢ်ကူစါပှံာ်ပူၤအဘူးအလဲအဘူးအလဲလၢ ကသံၣ်သရၣ် B: $2,390 

*စ့လၢပှၤဆါကဘၣ်ဟ့ၣ်လၢအအိၣ်လိၤလိၤန့ၣ် လီၤဆီဝဲလၢ တၢ်တိာ်ကျဲၤဒီးပှၤအဖီခိၣ်န့ၣ်လီၤ. အဝဲသ့ၣ်မ့ၢ်ဒၣ် တၢ်အဒိတဖၣ်န့ၣ်လီၤ.