MinnesotaCare

နဆဲးလီၤမံၤကသ့ဒ်လဲၣ်အဂ့ၢ်

• ဆဲးကျိးမ့တမ့ၢ်လဲၤထံၣ်လိာ်သးဒီးကီၢ်ရ့ၣ်ပှၤတ၀ၢတၢ်တိစၢၤမၤစၢၤ အ၀ဲၤကျိၤလၢနလီၢ်က၀ီၤပူၤန့တက့ၢ်  
• ကိးဘၣ် Minnesota Health Care Programs ဖဲ (651) 431-2670 (လၢ metro လီၢ်ကဝီၤအပူၤ) မ့တမ့ၢ် တၢ်ဆဲးကျိးကလီ 1-800-657-3739, TTY 711, မ့တမ့ၢ် ခီဖျိ Minnesota တၢ်ဖီၣ်န့ၢ်ဟ့ၣ်ခီတၢ်ကစီၣ် လိၤလိၤ ဖဲ 1-800-627-3529, TTY/TDD, တၢ်ဖီၣ်တၢ်ကလုၣ်, ASCII, တၢ်ဒိကနၣ်ဆှၢခီ, မ့တမ့ၢ်1-877-627-3848 (တၢ်ကတိၤ-ဆူ-တၢ်ကတိၤ)
  တၢ်ဆဲးကျိးတဖၣ်အံၤမ့ၢ်ဒၣ်အကလီလီၤ.
• ထၢနုာ်လီၤနမံၤလၢအ့ထၢၣ်နဲးအဖီခိၣ် လၢ Minnesota Department of Human Services (ပှၤကူပှၤကညီတၢ်တိစၢၤမၤစၢၤတၢ်မၤဝဲၤကျိၤ)  

မတၤဆဲးလီၤအမံၤသ့လဲၣ်

MinnesotaCare လၢ Blue Plus တကပၤန့ၣ် တၢ်ဒိးန့ၢ်အီၤဖဲ Minnesota ခိခိၣ်တၢ်လီၢ်ခဲလၢာ်အပူၤသ့ သနာ်က့ Ramsey ဒီး Scott တပာ်ဘၣ်လီၤ.

တၢ်ဂ့ၢ်အါထီၣ်ဘၣ်ဃးတၢ်ကြၢးဝဲဘၣ်ဝဲလၢကန့ၢ်အခွဲး

တၢ်ဟ့ၣ်အဘူးအလဲတလါအဂီၢ်

လၢ ပှၤလၢအအိၣ်ဒီး OTC တၢ်ဘၣ်ဘျုးလၢအပၣ်ဃုာ် လဲၢအဆူၣ်ချ့တၢ်တိာ်ကျဲၤအပူၤအဂီၢ် ကဘၣ်ဟ့ၣ်အါထီၣ်တၢ်အုၣ်ကီၤအဘူးအလဲတအိၣ်ဘၣ်. ဘၣ်တဘၣ်နကလိၣ်ဟ့ၣ် တၢ်ဟ့ၣ်သဃဲၤ(တဒီလၣ်အတၢ်ထဲအံၤထဲနုၤ) လၢတၢ်တိစၢၤမၤစၢၤ မ့တမ့ၢ် ဖဲနဒိးန့ၢ်ဘၣ်နကသံၣ်ကသီန့ၣ်လီၤ.

MinnesotaCare ဟ့ၣ်စၢၤနၤအဘူးအလဲလၢ -

• ဆူၣ်ချ့တၢ်ကွၢ်ထွဲ - တၢ်ထံၣ်လိာ်သးဒီးကသံၣ်သရၣ်, ကသံၣ်ကသီ, တၢ်ထီၣ်တၢ်ဆါဟံၣ်, ဒီးအဂၤ
• မဲအတၢ်ကွၢ်ထွဲ - တၢ်သမံသမိးမၤကွၢ်, တၢ်ထူးမဲ, တၢ်မၤပှဲၤမဲ*
• တၢ်ကူဆါယါဘျါတၢ်ဘၣ်ဃးဒီးနီၢ်သးဆူၣ်ချ့တၢ်ဂ့ၢ်ကီတဖၣ်ဒီးတၢ်စူးကါကမၣ် ကသံၣ်မူၤဘှီး ဒီးသံး
• တၢ်ဒီသဒၢအတၢ်ကွၢ်ထွဲ - ကသံၣ်ဆဲးဒီသဒၢတိးကွ့တၢ်ဆါ, တၢ်သမံသမိးတဖၣ်
• မဲာ်ချံအတၢ်မၤကွၢ်တဖၣ် ဒီးမဲာ်ဒိး
• ဂ့ၢ်ဂီၢ်အူတၢ်ကွၢ်ထွဲ

ဘၣ်သ့ၣ်သ့ၣ်တၢ်ဟ့ၣ်သဃဲၤဒီးတၢ်ပာ်ပနီၣ်အဂၤ ကဘၣ်ထွဲဒီးတၢ်တိစၢၤမၤစၢၤတနီၤလီၤ. လၢကကွၢ်တၢ်တိာ်ကျဲၤအံၤတၢ်ဟ့ၣ်အဘူးအလဲအဂ့ၢ်အဂီၢ်, ကွၢ်လၢကရူၢ်ဖိ လံာ်စိာ်စုအပူၤန့ၣ်တက့ၢ်. ကရူၢ်ဖိ လံာ်စိာ်စုန့ၣ်မ့ၢ်ဒၣ်လံာ်လၢအတဲနၢ်ပၢၢ်နဆူၣ်ချ့တၢ်တိာ်ကျဲၤ ဒီးတၢ်ဘူးတၢ်လဲလၢနတၢ်တိာ်ကျဲၤကဟ့ၣ်လီၤ၀ဲဒၣ်န့ၣ်လီၤ.

ကွၢ် 2024 ကရူၢ်ဖိ လံာ်စိာ်စု- အဲကလံးကျိာ်

ကွၢ် 2024 ကရူၢ်ဖိ လံာ်စိာ်စု- စပ့ၣ်ကျိာ်

ကသံၣ်သရၣ်ပှာ်ဘျးစဲကရူၢ်

ပှာ်ဘျးစဲကရူၢ်တဖုန့ၣ် မ့ၢ်ဝဲကသံၣ်သရၣ်ဒီးကသံၣ်ကျးကရူၢ်တဖု လၢအဘၣ်တၢ်အၢၣ်လီၤဟ့ၣ်ဃာ်အခွဲးလၢ ဆူၣ်ချ့တၢ်တိာ်ကျဲၤန့ၣ်လီၤ. Blue Plus ပှာ်ဘျးစဲကရူၢ်န့ၣ်အိၣ်ဒီးကသံၣ်သရၣ်, ကသံၣ်သရၣ်တီၤထိစဲၣ်နီၤ ဒီးကသံၣ်ဒၢးလၢအိၣ်၀ဲအကထိတဖၣ် လၢ Minnesota အပူၤန့ၣ်လီၤ.

ဃုထံၣ်န့ၢ်ကသံၣ်သရၣ်တဖၣ် လၢပှာ်ဘျးစဲကရူၢ်အပူၤ

ဃုထၢပာ်နနီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ်

နဆဲးလီၤဃာ်နမံၤလၢတၢ်တိာ်ကျဲးအပူၤအံၤမ့ၢ်၀ံၤ၀ဲန့ၣ်, နဃုထၢကသံၣ်သရၣ်မ့တမ့ၢ်ကသံၣ်ဒၢး လၢ Blue Advantage/MinnesotaCare ပှာ်ဘျးစဲကရူၢ် ဒ်သိးကကဲ နနီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ်န့ၣ်လီၤ. ကသံၣ်သရၣ်လၢနဃုထၢပာ်အီၤတဂၤန့ၣ် ကသ့ၣ်ညါနၤဒံးယံးဒံးအါထီၣ် ဒီး ဟံးဃာ်နတၢ်ကွဲးနီၣ်ကွဲးဃါလၢတၢ်လီၢ်တတီၤဃီန့ၣ်လီၤ.

ကသံၣ်သရၣ်တီၤထီစဲၣ်နီၤတဖၣ်

ကသံၣ်သရၣ်တီၤထီစဲၣ်နီၤတဖၣ်န့ၣ် မ့ၢ်ကသံၣ်သရၣ်လၢအကူစါယါဘျါတၢ်လီၤလီၤဆီဆီ ဒ်သိး သွံၣ်ထံတဘၣ်လိာ်ဘၣ်စးတဖၣ် မ့တမ့ၢ်ဆံၣ်ဆၢတၢ်ဆါလီၤ. နတလိၣ်ဘၣ်လၢကသံၣ်သရၣ်တၢ်ဆှၢဃီၤနၤလၢကထံၣ်လိာ်သးဒီးအီၤဘၣ်သံၣ်သရၣ်လီၤဆီတဂၤဖဲအဝဲမ့ၢ်ပၣ်ဃုာ်လၢနကသံၣ်သရၣ်အဘျးစဲတဖုန့ၣ်အကျါန့ၣ်လီၤ. ဘၣ်တဘၣ်နကဘၣ်ဟ့ၣ်တၢ်ဘူးတၢ်လဲကအါထီၣ်ဖဲနမ့ၢ်သူဝဲကသံၣ်သရၣ်လၢတပၣ်ဃုာ်လၢနကသံၣ်သရၣ်လၢအဘျးစဲအပူၤန့ၣ်လီ.

တၢ်ကူစါယါဘျါအကျိၤအကျဲတနီၤန့ၣ်လိၣ်ဘၣ်နတၢ်ဟံးန့ၢ်ဆိတၢ်အခွဲးလၢ နနီၢ်ကစၢ်ဆူၣ်ချ့ပှၤကွၢ်ထွဲတၢ်ကသံၣ်သရၣ်ဒီးမ့တမ့ၢ်ဆူၣ်ချ့တၢ်တိာ်ကျဲၤ တချုးလၢနဒိးန့ၢ်ဘၣ်အီၤကန့ၢ်အဂီၢ်န့ၣ်လီၤ. အအံၤဘၣ်တၢ်ကိးအီၤလၢ တၢ်ဟ့ၣ်စိဟ့ၣ်ကမီၤအဆိလီၤ.  အဝဲအံၤမၤစၢၤနၤလၢကမၤလီၤတံၢ်ဝဲလၢတၢ်တိာ်ကျဲၤကဟ့ၣ်က့ၤတၢ်ကူစါယါဘျါန့ၣ် အဘူးအလဲသပှၢ်တၢၢ် ဒီးလၢနတဒိးန့ၢ်ဘၣ်တၢ်လၢာ်ဘူၣ်လၢာ်စ့ၤစရီလၢနတပာ်သူၣ်ပာ်သးဘၣ်န့ၣ်လီၤ.

ဃုထံၣ်န့ၢ်မဲကသံၣ်သရၣ်

တၢ်တိာ်ကျဲၤအံၤ ကျၢၢ်ဘၢ ဂံၢ်ခီၣ်ထံးမဲတၢ်အိၣ်ဆူၣ်အိၣ်ချ့အဂီၢ်, လၢအပၣ်ဃုာ်ဒီးတၢ်သမံသမိးကွၢ်မဲတဖၣ်အတၢ်အိၣ်သး, တၢ်မၤကဆှဲကဆှီဒီး တၢ်မၤပှဲၤက့ၤမဲအတၢ်လီၤဟိတၢ်ဖံးတၢ်မၤတဖၣ်အဂီၢ်လီၤႉ

လၢမဲတၢ်ကွၢ်ထွဲအဂီၢ်, သူ Delta Dental မဲကသံၣ်ဝဲၤဒၢးအမံၤကွဲးရဲၣ်လၢအ့ထၢၣ်နဲးဖီခိၣ်တက့ၢ်. လၢကထံၣ်န့ၢ်မဲကသံၣ်သရၣ်လၢနတၢ်တိာ်ကျဲၤဘျးစဲပူၤတဂၤကသ့အဂီၢ် ဆီၣ်လီၤ “Minnesota Select Dental Network” တက့ၢ်.

ဃုကွၢ်မဲကသရၣ်အမံၤကွဲးရဲၣ်(PDF)

မ့တမ့ၢ် ကိးတၢ်ဆဲးကျိးကလီ ဖဲ 1-800-774-9049, TTY 711
မုၢ်ဆၣ် − မုၢ်ဖီဖး ဂီၤခီ 8 နၣ်ရံၣ် တုၤဟါခီ 5 နၣ်ရံၣ် လီၢ်ခၢၣ်သး တၢ်ဆၢကတီၢ်.

ဃုထံၣ်ဘၣ်ကသံၣ်ကျးလၢအအိၣ်ဖဲ ပှာ်ဘျးစဲအပူၤတက့ၢ်

ကသံၣ်ကျးအပှာ်ဘျးစဲတခါန့ၣ်မ့ၢ် ကသံၣ်ကျးတဖၣ် (ကျးလၢအဆါကသံၣ်ဖီၣ်တဖၣ်) အလံာ်ကွဲးရဲၣ်လၢ နမၤန့ၢ်ကသံၣ်ကသီအပှ့ၤဘၣ်ဘၣ်သ့န့ၣ်လီၤႉ ဃုထၢကသံၣ်ကျးအါတီၤလၢအအိၣ်လၢပတၢ်ဘျးစဲပူၤအကျါန့ၣ်တက့ၢ်.

နမ့ၢ်တစူးကါကသံၣ်ကျးလၢပပှာ်ဘျးစဲအပူၤဘၣ်န့ၣ် နကဘၣ်ဟ့ၣ်အါထီၣ်ကသံၣ်ကသီအပှ့ၤလီၤႉ

ကွၢ်ဃုကသံၣ်ကျးတဖၣ် လၢပှာ်ဘျးစဲအပူၤ

မ့တမ့ၢ်ကိး တၢ်ဆဲးကျိးကလီ ဖဲ1-844-765-5939, TTY 711
တနံၤ 24 နၣ်ရံၣ်, တနွံနွံသီလီၤ.

ကသံၣ်ကသီအမံၤကွဲးရဲၣ် လၢကသံၣ်သရၣ်မၢပှၤဆါအီ

ကသံၣ်ကသီတဖၣ်လၢ Blue Plus ဟ့ၣ်မၤစၢၤဝဲဖျါ၀ဲအမံၤကွဲးရဲၣ်. အဝဲအံၤဘၣ်တၢ်ကိးအီၤလၢ ကသံၣ်မံၤကွဲးရဲၣ်လၢအဖိးသဲစးလီၤ. ဘၣ်တဘၣ်နတၢ်ဘူးတၢ်လဲကအါထီၣ်၀ဲလၢကသံၣ်လၢတပၣ်ဃုာ်လၢကသံၣ်မံၤကွဲးရဲၣ်လၢအဖိးသဲစးအပူၤဘၣ်န့ၣ်လီၤ. ကိးဘၣ်တၢ်တိာ်ကျဲၤအလီတဲစိနီၢ်ဂံၢ်လၢအအိၣ်လၢ ကရူၢ်ဖိ (ID) ခး အလီၢ်ခံတဖျၢၣ်န့ၣ် လၢကဃုသ့ၣ်ညါတၢ်ဂ့ၢ်အါထီၣ်အဂီၢ်တက့ၢ်.

ဃုကွၢ် ကသံၣ်မံၤကွဲးရဲၣ်လၢအဖိးသဲစး(ကသံၣ်ကသီ အမံၤကွဲးရဲၣ်)

ကွၢ် 2024 ကသံၣ်မံၤကွဲးရဲၣ်လၢအဖိးသဲစး (ကသံၣ်ကသီအမံၤကွဲးရဲၣ်)

ဆဲးအိၣ်ဆူၣ်အိၣ်ချ့လၢတၢ်ပူၤဖျဲးအပူၤ: ကသံၣ်ဆဲးဒီသဒၢတဖၣ်ဒီးအိၣ်မုာ်အိၣ်ပၢၤအတၢ်ထံၣ်လိာ်သးတဖၣ်

တယံးဒံးဘၣ်န့ၣ်ဘၣ်သ့ၣ်သ့ၣ်နကတူၢ်ဘၣ်လၢ နၤမ့တမ့ၢ်နဖိမ့ၢ်တဆိးက့နးနးဘၣ်န့ၣ် နလဲၤထံၣ်လိာ်သးဒီးကသံၣ်သရၣ်တဘူၣ်ဘၣ်. တၢ်အိၣ်မုာ်အိၣ်ပၢၤအတၢ်ထံၣ်လိာ်သးတဖၣ်န့ၣ် မၤစၢၤကသံၣ်သရၣ်တဖၣ်လၢ ကဃုထံၣ်န့ၢ်ဆိတၢ်ဂ့ၢ်ကီတဖၣ်လီၤ. တၢ်ဒိးန့ၢ်ဘၣ်ကသံၣ်ဒီသဒၢတဖၣ်(ကသံၣ်ဆဲး) ဘၣ်ဆၢဘၣ်ကတီၢ်န့ၣ် တြီဆၢမုၢ်ဆ့ၣ်မုၢ်ဂီၤတၢ်ဆူးတၢ်ဆါတဖၣ်သ့ဝဲလီၤ. တဲတၢ်ဒီး န မ့တမ့ၢ် နဖိ အကသံၣ်သရၣ်ဘၣ်ဃးဒီးဘၣ်ဃးကျဲအဂ့ၤကတၢၢ်တဘိလၢနကပိာ်ထွဲသ့ၣ်နံၤဖးသီတၢ်အိၣ်မုာ်အိၣ်ပၢၤတၢ်ထံၣ်လိာ်သးဒီးဒိးန့ၢ်ဘၣ်ကသံၣ်ဒီသဒၢတဖၣ်လၢဘၣ်ဆၢဘၣ်ကတီၢ်န့ၣ်တက့ၢ်. နနီၢ်ကစၢ်ဆူၣ်ချ့ပှၤကွၢ်ထွဲတၢ်ဖိ (PCP) ဘၣ်တၢ်ပာ်ဖျါန့ၢ်အမံၤလၢနကရူၢ်ဖိ (ID) ခးဒီးနဂ့ၢ်နကျိၤလၢအ့ထၢၣ်နဲးအဖီခိၣ်န့ၣ်လီၤ.

နုာ်လီၤ ဒ်သိးကကွၢ် မ့တမ့ၢ်ကဆီတလဲနနီၢ်ကစၢ်ဆူၣ်ချ့ပှၤကွၢ်ထွဲတၢ်ဖိ

Healthy Rewards တၢ်ကွၢ်ထွဲတုၤလီၤ အတၢ်ရဲၣ်တၢ်ကျဲၤ

ဖဲနဃုထၢလၢ နကနုာ်လီၤဆူ Healthy Rewards အပူၤအခါ, နၤဒီး နဟံၣ်ဖိဃီဖိ ကဒိးန့ၢ်ဘၣ် တၢ်ဟ့ၣ်ကနၢၤတဖၣ် ဖဲလၢနမၤဝံၤနဲ တၢ်သမံသမိးကွၢ်တၢ်ဆါဒီးတၢ်ဆဲးကသံၣ်ဒီသဒၢ ဒီး ဆူၣ်ချ့ တၢ်ဟူးတၢ်ဂဲၤတဖၣ် န့ၣ်လီၤ.

မၤလိအါထီၣ်ဒီး ဆဲးလီၤမံၤ

တၢ်ကွဲးကျိာ်ထံ

နတဲအဲကလံးကျိာ်မ့ၢ်တဘၣ်ဘၣ်န့ၣ် ကိးန့ၢ်ပှၤတဲကျိာ်တၢ်တဂၤ လၢကလဲၤဒီးနၤ ဖဲနထံၣ်လိာ်သးဒီးကသံၣ်သရၣ်အခါန့ၣ်တက့ၢ်.

ကိးဘၣ် 1-800-711-9862, TTY 711တက့ၢ်.
တၢ်ကိးအံၤ ကမ့ၢ်ဘူးလဲကလီလီၤ.

မၤလိအါထီၣ်ဘၣ်ဃးဒီးပှၤတဲကျိးထံတၢ်အတၢ်မၤစၢၤ

တၢ်ရဲၣ်တၢ်ကျဲၤလီၤဆီတဖၣ်

• တၢ်တိစၢၤမၤစၢၤလၢပှၤတ၀ၢအပှာ်ယဲဘျးစဲ- နဘၣ်လဲၤဖဲလဲၣ်ဖဲလဲၣ်ကီ၀ဲလၢနကသ့ၣ်ညါ၀ဲဒၣ် ဖဲနလိၣ်ဘၣ်တၢ်မၤစၢၤအါန့ၢ်ဒံးအခါလီၤ. သူပတၢ်တိစၢၤမၤစၢၤလၢပှၤတ၀ၢအပှာ်ယဲဘျးစဲ လၢကဃုထံၣ်န့ၢ်တၢ်တိစၢၤမၤစၢၤဘူးဒီးနၤလၢအပှ့ၤစှၤ၀ဲအဂီၢ်န့ၣ်လီၤ.
• မၤလိထီၣ်လၢကအိၣ်မူ  - အအိၣ်မူဒီးသးတၢ်ဃၢတၢ်စံာ်,တၢ်မံတန့ၢ်,တၢ်သးဟးဂီၤ,တၢ်သူကသံၣ်မူၤဘှီး မ့တမ့ၢ် တၢ်သူၣ်ကိၢ်သးဂီၤဘၣ်ဃးတၢ်ရ့လိာ်မၤသကိးတၢ်ဧါ? မၤလိလၢကအိၣ်မူ(Learn to Live) န့ၣ်မ့ၢ်၀ဲ တၢ်ရဲၣ်တၢ်ကျဲၤလၢအ့ထၢၣ်နဲၣ်အဖီခိၣ် လၢအအိၣ်ဝဲဒၣ်ကိးဆၢကတီၢ်ဒဲးလၢကမၤစၢၤနၤ လၢနကကွၢ်ဆၢၣ်မဲာ်တၢ်န့ၣ်လီၤ.
• တၢ်ပတုာ် တၢ်စူးကါညါသူး တၢ်ရဲၣ်တၢ်ကျဲၤ - ကိးဘၣ် 1-855-552-2583, TTY 711တက့ၢ်. တၢ်အဆၢကတီၢ်း မုၢ်ဆၣ်တုၤ-မုၢ်လ့ၤဧိၤ8:ဂီၤခီ30-5:ဟါခီ30နၣ်ရံၣ် ကီၢ်မုၢ်နုာ်တၢ်ဆၢကတီၢ်, မုၢ်ဖီဖးဂီၤခီ8-ဟါခီ6နၣ်ရံၣ် ကီၢ်မုၢ်နုာ်တၢ်ဆၢကတီၢ်လီၤ.နကိးတၢ်န့ၣ် တလၢာ်၀ဲတၢ်ဘူးတၢ်လဲဘၣ်.
• Blue Plus ဆူၣ်ချ့ နီၢ်ကစၢ်-တၢ်မၤကွၢ် - မၤပှဲၤ ဆူၣ်ချ့ တၢ်မၤကွၢ်လၢ အ့ထၢၣ်နဲးအဖီခိၣ် ဒ်သိး ပဘျးစဲနၤဒီး တၢ်ရဲၣ်တၢ်ကျဲၤတဖၣ်လၢ ကမၤစၢၤ တၢ်ရဲၣ်ကျဲၤက့ၤ နတၢ်ကွၢ်ထွဲကသ့အဂီၢ်တက့ၢ်. နကဒိးန့ၢ်နီၢ်တဂၤတၢ်ဒုးသ့ၣ်ညါလၢ အပာ်ဖျါဝဲတၢ်ဘၣ်ယိၣ်တၢ်ဂ့ၢ်တခါဘၣ်တခါအတၢ်လုၢ်ဘၢ လၢနတၢ်အိၣ်ဆူၣ်အိၣ်ချ့အလိၤန့ၣ်လီၤ.

• ကီၢ်ရ့ၣ်ကါဒီးဖိသၣ်အဂီၢ်ကါလီၢ်ဆ့ၣ်နီၤအတၢ်ရဲၣ်တၢ်ကျဲၤ-Blue Plus မၤသကိးတၢ်ဒီးကီၢ်ရ့ၣ် ဒီးကရၢခၢၣ်စးတဖၣ်လၢပကီၢ်စဲၣ်ဒီဘ့ၣ်ညါ လၢကဟ့ၣ်လီၤအ၀ဲသ့ၣ်လၢ ကါလီၢ်ဆ့ၣ်နီၤ, လီၢ်ဆ့ၣ်နီၤထီၣ်ထီလၢဖိသၣ်အဂီၢ်ဒီးတၢ်ပူၤဖျဲးတၢ်ဂ့ၢ်တၢ်ကျိၤလၢ Blue Plus ကရူၢ်ဖိတဖၣ်အဂီၢ်လီၤ.

  ဖိသၣ်လၢအသးနံၣ်အိၣ် 9 ဆူအဖီလာ်တဖၣ်န့ၣ် ဃုာ်၀ဲစ့ၢ်ကီးဒီးမိၢ်ဒၢတဖၣ်လၢမ့ၢ်ဝဲ Blue Plus ကရူၢ်ဖိလၢကြၢး၀ဲဘၣ်၀ဲတဖၣ်လၢတၢ်ဘၣ်ဘျုးတခါအံၤတဖၣ်မၤန့ၢ်သ့၀ဲဒၣ်န့ၣ်လီၤ. ဖိသၣ်တဂၤန့ၣ်ဒိးန့ၢ်ဘၣ်ကါလီၢ်ဆ့ၣ်နီၤ 1 ဘ့ၣ် ဒီး လီၢ်ဆ့ၣ်နီၤထီၣ်ထီတဂၤ1ဘ့ၣ်လၢအတၢ်အိၣ်မူတစိၤစုာ်စုာ်န့ၣ်လီၤ.  
   
  ကရူၢ်ဖိအိၣ်၀ဲဒၣ်လၢကီၢ်ရ့ၣ် Anoka, Dakota, Hennepin ဒီး Washington ကြၢး၀ဲဘၣ်၀ဲတဖၣ်န့ၣ် နုာ်လီၤကွၢ်တၢ်လီၤလးကိးနံၤဒဲး (Everyday Miracles) လၢကဆဲးလီၤအမံၤလၢ Blue Plus ကါလီၢ်ဆ့ၣ်နီၤမ့တမ့ၢ်လီၢ်ဆ့ၣ်နီၤထီၣ်ထီအဂီၢ်န့ၣ်လီၤ.
   
  ကရူၢ်ဖိလၢကီၢ်ရ့ၣ်အဂၤ ကြၢး၀ဲဘၣ်၀ဲတဖၣ်န့ၣ် ကဘၣ်ဆဲးကျိးကီၢ်ရ့ၣ်ကမျၢၢ်ဆူၣ်ချ့အ၀ဲၤကျိၤ(County Public Health)လၢတၢ်မၤစၢၤအဂုၤဂၤတဖၣ်အဂီၢ်

• လီတဲစိစိာ်စုကလီ - ဒိးန့ၢ်လီတဲစိစိာ်ကလီစုကလီဃုာ်ဒီးအအ့ထၢၣ်နဲး3GB, 350မံးနံး ဒီးတၢ်ကွဲးလၢနဆှၢန့ၢ်၀ဲလၢတပာ်ပနီၣ်အီၤဘၣ်န့ၣ်လၢတလါစုာ်စုာ်အဂီၢ်ခီဖျိ SafeLink န့ၣ်တက့ၢ်. Blue Plus ကရူၢ်ဖိတဖၣ်န့ၣ် ကမၤန့ၢ်အါထီၣ်200မံးနံးဖဲအ၀ဲသ့ၣ်ဆဲးလီၤအမံၤလၢ တၢ်တိာ်ကျဲၤအပူၤဒီးန့ၢ်ကဒီး100မံးနံးဖဲအအိၣ်ဖျဲၣ်အလါလၢတနံၣ်စုာ်စုာ်န့ၣ်လီၤ.

ဆူၣ်ချ့အတၢ်မၤစၢၤ

• နၢး(စ) လီတဲစိကျိၤ-တဲတၢ်ဒီးနၢး(စ)24 နၣ်ရံၣ်လၢကိးနံၤဒဲး , ကိးနွံဒဲးနွံသီန့ၣ်လၢကစံးဆၢနတၢ်သံၣ်ကွၢ်တဖၣ်ဘၣ်ဃးဒီးနဆူၣ်နချ့အဂ့ၢ်န့ၣ်လီ. ကိးဘၣ် တၢ်ဆဲးကျိးကလီ 1-888-275-3974, TTY 711တက့ၢ်.
• တၢ်ကွၢ်ထွဲလၢအ့ထၢၣ်နဲးဖီခိၣ်- နမၤန့ၢ် ကသံၣ်သရၣ် တၢ်ကွၢ်ထွဲလၢအ့ထၢၣ်နဲးဖီခိၣ် လၢကစံးဆၢနတၢ်သံကွၢ်တဖၣ်အဂီၢ်, ဃုသ့ၣ်ညါတၢ်ဆူးတၢ်ဆါယိယိဖိ ဖဲနကိၢ်နဆူၣ်နချ့အခါ (ဒီးမ့ၢ်သ့)န့ၣ် နဲၣ်လီၤန့ၢ်နၤကသံၣ်ကသီန့ၣ်လီၤ. မၤလိဘၣ်ဃးဒီးတၢ်ကွၢ်ထွဲစီၤစိလၢအ့ထၢၣ်နဲးဖီခိၣ်အဂ့ၢ်
• တၢ်ဂ့ၢ်ကဲထီၣ်အဂီၢ်တၢ်ပၢဆှၢရဲၣ်ကျဲၤ - နမ့ၢ်အိၣ်ဒီးတၢ်ဆါယံာ်ယံာ်ထၢထၢ, တၢ်ဆူးတၢ်ဆါဒိၣ်ဒိၣ်မုၢ်မုၢ် မ့တမ့ၢ်တၢ်ဘၣ်ဒိးဘၣ်ထံနးမးမ့ၢ်အိၣ်ဝဲန့ၣ် ပကဃုစၢၤန့ၢ်နၤတၢ်ကွၢ်ထွဲအကျိၤအကျဲ ဒီးပိာ်ထွဲဒ်နတၢ်ကွၢ်ထွဲအကျိၤအကျဲအိၣ်အသိးန့ၣ်လီၤ. ပှၤပၢဆှၢသဲစးတၢ်ဂ့ၢ်တဂၤကဆဲးကျိးနၤဖဲနမ့ၢ်ကြၢး န့ၢ်ဘၣ်တၢ်မၤစၢၤအံၤန့ၣ်လီၤ.
• တၢ်ကွၢ်ထွဲပၢၤဆှၢတၢ်ဆူးတၢ်ဆါ (PDF) ပှၤပၢဆှၢသဲစးတၢ်ဂ့ၢ်တဖၣ် ကကိးလီတဲစိဆူနအိၣ် လၢကကူၣ်ထီၣ်ဖးလီၤစၢၤန့ၢ်နၤလၢ ဆူၣ်ချ့အဖီတၢၣ်, သိၣ်လိနဲၣ်လိန့ၢ်နၤ လၢနတၢ်အိၣ်သး ဒီး မၤစၢၤနၤလၢ နကပၢၤလီၤနတၢ်အိၣ်သးအဂီၢ်န့ၣ်လီၤ.
• သကဲာ်ပ၀းဆူၣ်ချ့ (သးသ့ၣ်ညါဆူၣ်ချ့ ဒီးတၢ်စဲကသံၣ်မူၤဘှိးတၢ်ဆါ တၢ်တိစၢၤမၤစၢၤတဖၣ်) - ကိးဘၣ် (651) 662-5545 မ့တမ့ၢ် တၢ်ဆဲးကျိးကလီ 1-800-711-9862, TTY 711, ဂီၤ 8 နၣ်ရံၣ်တုၤ ဟါ 5 နၣ်ရံၣ် Central time, မုၢ်ဆၣ် တုၤ မုၢ်ဖီဖး လၢတၢ်ကစီၣ်ဂ့ၢ်ကျိၤဘၣ်ဃး သးသ့ၣ်ညါဆူၣ်ချ့ဒီး တၢ်စဲ ကသံၣ်မူၤဘှီး ဒီးသံး တၢ်တၢၣ်ပီၣ်ဟ့ၣ်ကူၣ်အဂီၢ်တက့ၢ်.
  
  နတၢ်န့ၢ်ဘျုးတဖၣ်န့ၣ် ပၣ်ဃုာ်ဝဲဒီး တၢ်ပာ်သူၣ်ပာ်သးမ့တမ့ၢ်နီၢ်သးဆူၣ်ချ့အတၢ်ဂ့ၢ်ကီတဖၣ် လၢအမ့ၢ်ဝဲ -
  • သကဲာ်ပဝးဆူၣ်ချ့ တၢ်တိစၢၤမၤစၢၤ လၢပှၤဆူးပှၤဆါလၢအထီၣ်ဒီးတထီၣ်ဘၣ်တၢ်ဆါဟံၣ်အဂီၢ်
  • တၢ်ထီၣ်တၢ်ဆါဟံၣ်ဘၣ်ဆၣ်တမံဖဲန့ၣ်ဘၣ်
  • တၢ်ကူစါယါဘျါဒီး တၢ်တိစၢၤမၤစၢၤလၢတၢ်ကူစါယါဘျါဝံၤအလီၢ်ခံ

ပဃုထံၣ်စၢၤန့ၢ်နၤ တၢ်ပာ်သူၣ်ပာ်သး မ့တမ့ၢ်နီၢ်သးဆူၣ်ချ့ကသံၣ်သရၣ်လီၤဆီတဂၤသ့စ့ၢ်ကီး လၢအကထံၣ်လိာ်သးဒီးနၤဒီးပှၤလၢနအဲၣ်ဘၣ်အီၤတဂၤန့ၣ်လီၤ. ဆဲးကျိးလီတဲစိနီၣ်ဂံၢ်လၢထး မ့တမ့ၢ်ဃုထံၣ်န့ၢ်အီၤလၢ နနီၢ်ကစၢ်ခီဖျိဃုဒိးန့ၢ်ကသံၣ်သရၣ်တဂၤအတၢ်ပီးတၢ်လီန့ၣ်တက့ၢ်. 

နမ့ၢ်ထံၣ်လိာ်သးဒီးသကဲာ်ပဝးဆူၣ်ချ့ကသံၣ်သရၣ်လၢနတၢ်တိာ်ကျဲၤဘျးစဲပူၤတဂၤန့ၣ် တလိၣ်လၢနနီၢ်ကစၢ်ဆူၣ်ချ့ပှၤကွၢ်ထွဲတၢ်ဖိ (PCP) ကဘၣ်ထွဲဆိနၤဒီးအီၤဃုာ်ဝဲဘၣ်န့ၣ်လီၤ. ဘၣ်ဆၣ်တချုးလၢနဒိးန့ၢ်ဘၣ်တၢ်ကူစါယါဘျါကျိၤကျဲ ဒီးတၢ်တိစၢၤမၤစၢၤတနီၤလၢ သကဲာ်ပဝးဆူၣ်ချ့ကသံၣ်သရၣ်လီၤဆီတဂၤအအိၣ်န့ၣ်ဒံးဘၣ် န့ၣ်အဝဲဘၣ်ဃ့ဆိအခွဲးလၢ Blue Plus အိၣ်န့ၣ်လီၤ. ကွၢ်နကရူၢ်ဖိ လံာ်စိာ်စု ဒ်သိးကမၤလိအါထီၣ်ဘၣ်ဃး နတၢ်န့ၢ်ဘျုးတဖၣ် ဒီးတၢ်တိစၢၤမၤစၢၤ လၢအလိၣ်ဘၣ်တၢ်ဟ့ၣ်ပျဲဆိအဂီၢ်န့ၣ်တက့ၢ်. မၤလိအါထီၣ်ဘၣ်ဃးဒီး သကဲာ်ပဝးဒီးနီၢ်သးဆူၣ်ချ့အတၢ်ဆူးတၢ်ဆါတဖၣ်အဂ့ၢ်န့ၣ်တက့ၢ်.

• ဆူၣ်ချ့အလံာ်နဲၣ်ကျဲ-ဃုထ့ၣ်န့ၢ်တၢ်ဂ့ၢ်ဘၣ်ဃးဒီးနဆူၣ်ချ့တၢ်တိာ်ကျဲၤ အတၢ်န့ၢ်ဘျုးတဖၣ် ဒီးဆူၣ်ချ့တၢ်ကွၢ်ထွဲအတၢ်တိစၢၤမၤစၢၤတနံၤ 24 နၣ်ရံၣ်, တနွံနွံသီ

တၢ်တိာ်ကျဲၤအံၤအတၢ်သံကွၢ်တဖၣ်:

• ကိးဘၣ် (651) 662-5545 မ့တမ့ၢ် တၢ်ဆဲးကျိးကလီ 1-800-711-9862, TTY 711, ဂီၤ 8 နၣ်ရံၣ် တုၤ ဟါ 5 နၣ်ရံၣ် မုၢ်ဆၣ်တုၤ မုၢ်ဖီဖး တက့ၢ်. နကိးတၢ်န့ၣ်တလၢာ်၀ဲတၢ်ဘူးတၢ်လဲဘၣ်.
• ဃုကွၢ်တၢ်ဂ့ၢ်တၢ်ကျိၤဘၣ်ဃးဒီးနတၢ်တိာ်ကျဲၤ လၢနကရူၢ်ဖိ လံာ်စိာ်စုအပူၤန့ၣ်တက့ၢ်.
• ကွၢ်တၢ်တိၤစၢၤမၤစၢၤလၢနဒိးန့ၢ်ဘၣ်အီၤလၢကီၢ်စဲၣ်တပူၤလၢ်လၢ်အဂ့ၢ် ဖဲ minnesotahelp.info

ကဆီတလဲဆူၣ်ချ့တၢ်တိာ်ကျဲၤတဖၣ်ဧါ?

ပမၤသကိးတၢ်ဒီးနဆူၣ်ချ့တၢ်တိာ်ကျဲၤ လၢညါတတီၤဘူးဘူးတံၢ်တံၢ် လၢကဆီတလဲက့ၤဝဲနတၢ်တိစၢၤမၤစၢၤ ဒီးတၢ်ကွၢ်ထွဲအဂီၢ်န့ၣ်လီၤ. ပဃုထံၣ်စၢၤန့ၢ်နၤလၢ ကသံၣ်သရၣ်ဘူးဒီးနၤ, မၤလီၤတံၢ်လၢနကသ့ၣ်ညါတၢ်အပတီၢ်တဖၣ်လၢနဘၣ်ဟံးန့ၢ်, ဒီးမၤစၢၤပှၤဟ့ၣ်နၤတၢ်ကွၢ်ထွဲတဖၣ်လၢကမၤသကိးတၢ်လၢကမၤပှဲၤထီၣ်နတၢ်လိၣ်ဘၣ်တဖၣ်တုၤလီၤတီၤလီၤအဂီၢ်န့ၣ်လီၤ.

ဆဲးလီၤနမံၤလၢကရူၢ်ဖိပှာ်ယဲၤသန့အပူၤ

• လၢကကွၢ်နနီၢ်ကစၢ်ဆူၣ်ချ့တၢ်တိာ်ကျဲၤ အဂ့ၢ်အကျိၤလၢ အ့ထၢၣ်နဲးအဖီခိၣ်န့ၣ် ဆဲးလီၤမံၤမ့တမ့ၢ်နုာ်လီၤဝဲဒၣ်လၢကရူၢ်ဖိပှာ်ယဲၤသန့အသီအဂီၢ်

စိာ်နကရူၢ်ဖိ (ID) ခး

ဖဲနလဲၤထံၣ်လိာ်သးဒီး ကသံၣ်သရၣ်အခါ စိာ်တၢ်ဖိတၢ်လံၤတဖၣ်အံၤတက့ၢ် -

• နဆူၣ်ချ့တၢ်တိာ်ကျဲၤ အကရူၢ်ဖိ (ID) ခး
• ID ခးတဖၣ်လၢနတၢ်အုၣ်ကီၤအဂၤအဂီၢ်

မၤသီထီၣ်က့ၤနလီတဲစိဒီးနအိၣ်တၢ်လီၢ်

လံာ်လၢနဒိးန့ၢ်လၢကီၢ်ရ့ၣ်ဒီးပ(Blue Plus) အိၣ်န့ၣ် မ့ၢ်တၢ်လၢအရ့ဒိၣ်လၢနကဖးအီၤအဂီၢ်လီၤ. ဘၣ်တဘၣ် ပကဃ့နဂ့ၢ်နကျိၤ လၢပလိၣ်ဝဲလၢကဆဲးပာ်နမံၤလၢတၢ်တိာ်ကျဲၤအပူၤအဂီၢ်န့ၣ်လီၤ.

နလီတဲစိနီၢ်ဂံၢ်မ့တမ့ၢ်တၢ်အိၣ်ဆိးလီၢ်ကျဲမ့ၢ်ဆီတလဲဝဲဒၣ်န့ၣ်ဆဲးကျိးနကီၢ်ရ့ၣ်ဝဲကျိၤတဘျီဃီတက့ၢ်. အဝဲသ့ၣ်မၤသီထီၣ်စၢၤန့ၢ်နဂ့ၢ်နကျိၤသ့ဝဲလီၤ.

နတၢ်ခွဲးတၢ်ယာ်ဒီးမူဒါတဖၣ်

မၤလိအါထီၣ်ဘၣ်ဃး နဆူၣ်ချ့တၢ်တိာ်ကျဲၤ လၢန ကရူၢ်ဖိ လံာ်စိာ်စု အပူၤတက့ၢ်. တၢ်နီၤဖး 3 ပၣ်ဃုာ်ဒီးတၢ်ဂ့ၢ်ဘၣ်ဃးဒီး နကရူၢ်ဖိအခွဲးယာ်တဖၣ်လီၤ. တၢ်နီၤဖး4 ပာ်ဖျါထီၣ်န့ၢ်နၤလၢ နမူနဒါအဂ့ၢ်လီၤ.

တၢ်ဃ့ကညးတဖၣ်

နသးမ့ၢ်တလီၤပလိာ်ဒီးပတၢ်ဆၢတဲာ် လၢတၢ်ဂ့ၢ်လိာ်, တၢ်မၤစှၤလီၤမ့တမ့ၢ်တၢ် မၤပတုာ်ကွံာ်နတၢ်တိစၢၤမၤစၢၤ န့ၣ် နအိၣ်ဒီးတၢ်ခွဲးတၢ်ယာ်လၢ နကပတံသကွံာ်ကညးသ့ဝဲလီၤ. တၢ်ပတံသကွံကညးတၢ်န့ၣ်မ့ၢ်ဝဲ ဖဲနမၢပကွၢ်ကဒါက့ၤ တၢ်ကွၢ်ထွဲလၢပသမၢတ့ၢ် ဒ်သိးကမၤလီၤတံၢ်လၢ ပဆၢတဲာ်တ့ၢ်တၢ်မ့ၢ်မ့ၢ်တီတီအဂီၢ်န့ၣ်လီၤ. မၤလိဘၣ်ဃး နတၢ်ပတံသကွံာ်ကညးခွဲးယာ်တဖၣ်