တၢ်သမံသမိးကွၢ်တၢ်အိၣ်ဆူၣ်အိၣ်ချ့တၢ်မၤတဖၣ်လၢ ဖိသၣ်ဒီးသးစၢ်ဒိၣ်ထီၣ်သီအဂီၢ်
မၤလိသ့ၣ်ညါ ဘၣ်ဃးဒီး တၢ်သမံသမိးကွၢ်တၢ်အိၣ်ဆူၣ်အိၣ်ချ့တၢ်မၤတဖၣ်လၢ ဖိသၣ်ဒီး သးစၢ်ဒိၣ်ထီၣ်သီတဖၣ် (C&TC) အဂီၢ် လၢ Minnesota Health Care Programs ကရူၢ်ဖိတဖၣ် အဂီၢ်န့ၣ်တက့ၢ်.
တၢ်သမံသမိးကွၢ်တၢ်အိၣ်ဆူၣ်အိၣ်ချ့တၢ်မၤတဖၣ်လၢ ဖိသၣ်ဒီးသးစၢ်ဒိၣ်ထီၣ်သီအဂီၢ် န့ၣ်မ့ၢ်မနုၤလဲၣ်.
တၢ်သမံသမိးကွၢ်တၢ်အိၣ်ဆူၣ်အိၣ်ချ့တၢ်မၤတဖၣ်လၢ ဖိသၣ်ဒီးသးစၢ်ဒိၣ်ထီၣ်သီအဂီၢ် မ့ၢ်ဝဲဒၣ် ကတီၢ်ဆိ တၢ်သမံသမိးတၢ်ဆါ , တၢ်ဃုသ့ၣ်ညါတၢ်ဆါ, ဒီး တၢ်ကူစါယါဘျါ လၢအဆၢကတီၢ်ဒၣ်ဝဲ(EPSDT) တၢ်ရဲၣ်တၢ်ကျဲၤ အကူာ်အက့လၢ Minnesota အပူၤန့ၣ်လီၤ. တၢ်အံၤမ့ၢ်ဝဲ ထံကီၢ်တၢ်ရဲၣ်တၢ်ကျဲၤလၢ ဖိသၣ်ဒီးပှၤလိၣ်ဘိတဖၣ်အဂီၢ် စးထီၣ်လၢ အအိၣ်ဖျဲၣ်လံၤလံၤ တုၤလၢသးနံၣ် 20, ဒီး ပှၤလၢအအိၣ်ဒီး တၢ်ကြၢးဒိးန့ၢ် ဆူၣ်ချ့တၢ်မၤစၢၤခွဲးယာ် (လၢ Minnesota အ Medicaid တၢ်ရဲၣ်တၢ်ကျဲၤ) တဖၣ်အဂီၢ်န့ၣ်လီၤ. အဝဲမၤစၢၤမၤလီၤတံၢ်လၢ ဖိသၣ်တဖၣ်အံၤ ထီၣ်ဘး တၢ်ဒိၣ်ထီၣ်ဒီး တၢ်လဲၤထီၣ်လဲၤထီၣ် မံးလာ်အကါဒိၣ်တဖၣ် ဃုာ်ဒီး တၢ်မၤကွၢ်တၢ်ဆါ ညီနုၢ် ဒီး ကသံၣ်ဒီသဒၢ (တၢ်ဆဲးတဖၣ်) န့ၣ်လီၤ.
ဖဲ တၢ်သမံသမိးကွၢ်တၢ်အိၣ်ဆူၣ်အိၣ်ချ့တၢ်မၤတဖၣ်လၢ ဖိသၣ်ဒီးသးစၢ်ဒိၣ်ထီၣ်သီအဂီၢ် အခါ ယမုၢ်လၢ်ဆိပာ် တၢ်မနုၤကသ့လဲၣ်.
တၢ်လဲၤဒုးနဲၣ်သးတဖၣ်အံၤ မ့ၢ်တၢ်ခွဲးတၢ်ယာ်တမံၤလၢ နဂီၢ် လၢနကသံကွၢ်သံဒိးဘၣ်တၢ်ဒီး ဒိးန့ၢ် တၢ်စံးဆၢတဖၣ် ဘၣ်ဃးဒီး နဖိ မ့တမ့ၢ် နနီၢ်ကစၢ်ဒၣ်နဲ တၢ်အိၣ်ဆူၣ်အိၣ်ချ့ (သးစၢ်ဒိၣ်ထီၣ်သီတဖၣ်) အဂ့ၢ်န့ၣ်လီၤ. ဖဲ C&TC တၢ်လဲၤဒုးနဲၣ်သး အဆၢကတီၢ်, ကသံၣ်သရၣ် ကမၤဝဲတၢ်မၤ အဒိဒ်သိး-
- တၢ်မၤကွၢ် နီၢ်ခိ အထီ, အတယၢၢ်, တၢ်လဲၤထီၣ်လဲၤထီၣ် ဒီး တၢ်ဒိၣ်ထီၣ်
- ကမၤလီၤတံၢ်လၢ တၢ်ဆဲးကသံၣ်ဒီသဒၢတဖၣ်န့ၣ် လူၤထီၣ်တၢ်ဆၢကတီၢ်
- ဟ့ၣ် တၢ်သမံသမိးမၤကွၢ်တၢ် ဘၣ်ဃးဒီး မဲ, တၢ်နၢ်ဟူတၢ် ဒီး တၢ်ထံၣ်တဖၣ်
- တၢ်မၤကွၢ် သွံၣ်
- တၢၣ်ပီၣ်သကိး တၢ်အီၣ်န့ၢ်ဂံၢ်န့ၢ်ဘါလၢ ဂ့ၤလၢ တၢ်အိၣ်ဆူၣ်အိၣ်ချ့အဂီၢ်, တၢ်ဟ့ၣ်ကူၣ်ဘၣ်ဃးဒီး တၢ်ဘံၣ်တၢ်ဘၢတဖၣ် ဒီး ထီရီၤ ဆူၣ်ချ့တၢ်ကွၢ်ထွဲ အဂ့ၢ်
- တဲသကိး ကဘၣ်ပၢဆှၢ သးအတၢ်ဃၢတၢ်စံၢ်ဒ်လဲၣ်အဂ့ၢ်, ဃုာ်ဒီး တၢ်ရ့လိာ်ဘၣ်ထွဲဒီး တၢ်မၤလိမၤဒိး တၢ်ဂ့ၢ်ကီတဖၣ်
- တဲသကိး ကသံၣ်မူးဘှိး, သံး, ဒီးညါသူး တၢ်စူးကါ အတၢ်လီၤဘၣ်ယိၣ်အဂ့ၢ် (သးစၢ်ဒိၣ်ထီၣ်သီ)
- ဒီး လၢတၢ်န့ၣ်အမဲာ်ညါ, ဒိးသန့ၤထီၣ်သးလၢ နဖိ မ့တမ့ၢ် နတၢ်လိၣ်ဘၣ် ဒၣ်ဝဲ
Minnesota တၢ်အိၣ်ဆူၣ်အိၣ်ချ့ ဝဲၤကျိၤ အိၣ်ဒီး တၢ်ဂ့ၢ်တၢ်ကျိၤအါမးလၢ ဘၣ်ဃးဒီး တၢ်သမံသမိးကွၢ်တၢ်အိၣ်ဆူၣ်အိၣ်ချ့တၢ်မၤတဖၣ်လၢ ဖိသၣ်ဒီၤ သးစၢ်ဒိၣ်ထီၣ်သီအဂီၢ် ဒီး ဘၣ်မနုၤလၢ တၢ်တဖၣ်အံၤ အကါဒိၣ်လဲၣ်န့ၣ်လီၤ.
ဃုဒိးန့ၢ်ကသံၣ်သရၣ်တဂၤ
ဃုထၢကသံၣ်သရၣ် မ့တမ့ၢ် တၢ်ဟ့ၣ်ကသံၣ်ဒၢးတခါလၢ ပပှာ်ဘျးစဲအပူၤသ့ဒ်သိးကကဲထီၣ် ဂံၢ်ခီၣ်ထံးဆူၣ်ချ့တၢ်ကွၢ်ထွဲတၢ်ဟ့ၣ်ကသံၣ်ဒၢးလၢနဂီၢ်န့ၣ်တက့ၢ်. အဝဲသ့ၣ်န့ၣ် ကသ့ၣ်ညါနၤဒံးယံးဒံးအါထီၣ်ဒီး ဟံးဃာ်နဆူၣ်ချ့တၢ်မၤနီၣ်မၤဃါလၢတၢ်လီၢ်တတီၤဃီန့ၣ်လီၤ.
တၢ်ရဲၣ်တၢ်ကျဲၤလၢ တၢ်သမံသမိးကွၢ်တၢ် လၢဘၣ်ထွဲဒီး သးနံၣ် နီၣ်ထိၣ်တဖၣ် အဂီၢ်
ဖိသၣ်ဒီး သးစၢ်ဒိၣ်ထီၣ်သီ ကိးဂၤဒဲး လၢအမ့ၢ် Minnesota Health Care Programs ကရူၢ်ဖိတဂၤန့ၣ် ဘၣ်တၢ်ဟ့ၣ်ကူၣ်လၢ ကမၤ တၢ်သမံသမိးကွၢ်တၢ်အိၣ်ဆူၣ်အိၣ်ချ့တၢ်မၤတဖၣ်လၢ ဖိသၣ်ဒီး သးစၢ်ဒိၣ်ထီၣ်သီတဖၣ်အဂီၢ် တၢ်လဲၤဒုးနဲၣ်သး ဖဲသးနံၣ်တဖၣ်အံၤ-
|
|
ဖိသၣ်အိၣ်ဖျဲၣ်ထီၣ်သီတဖၣ်သးနံၣ်ကရူၢ်- 0-11 လါ |
ကတီၢ်ဆိ ဖိသၣ်ဆံးကတီၢ်သးနံၣ်ကရူၢ်- 12 လါ တုၤ 4 နံၣ် |
သးနံၣ်ဘၢၣ်စၢၤ ဖိသၣ်ဆံးကတီၢ်သးနံၣ်ကရူၢ်- 5-10 နံၣ် |
ပှၤလိၣ်ဘိတဖၣ်သးနံၣ်ကရူၢ်- 11-20 နံၣ် |
|
တၢ်သမံသမိးကွၢ်တၢ်အိၣ်ဆူၣ်အိၣ်ချ့တၢ်မၤတဖၣ် ခီဖျိ သးနံၣ် |
0, 1, 2, 4, 6, 9 လါ |
12, 15, 18, 24, 30 လါ 3-4 နံၣ် (တနံၣ်တဘျီ) |
5 -10 နံၣ် (တနံၣ်တဘျီ) |
11-20 နံၣ် (တနံၣ်တဘျီ) |
တၢ်ဆဲးကသံၣ်ဒီသဒၢတၢ်ဆါ
အကါဒိၣ်လၢနဖိ ကဆဲးဘၣ် ကသံၣ်ဒီသဒၢတၢ်ဆါ တချုးအဝဲသ့ၣ် အိၣ်ဒီး တၢ်ဘၣ်ဒွံးဘၣ်ဒွါဒီး တၢ်ဆူးတၢ်ဆါတဖၣ်လၢ အမၤပျံၤမၤဖုး သးသမူသ့ ဒံးဘၣ်တက့ၢ်. နကသံၣ်သရၣ် ကတဲဘၣ်နၤ ဘၣ်ဃးဒီး ကသံၣ်ဒီသဒၢတဖၣ်လၢ နတနံၣ်တဘျီ တၢ်မၤကွၢ် တၢ်အိၣ်ဆူၣ်အိၣ်ချ့ အပူၤန့ၣ်လီၤ.
ကွၢ်ကဒါက့ၤ တၢ်ပၢၤဃာ်ဒီး တၢ်ဒီသဒၢ တၢ်ဆူးတၢ်ဆါ အစဲထၢၣ် (CDC) တၢ်ရဲၣ်တၢ်ကျဲၤတဖၣ်လၢလာ်အံၤ ဒ်သိး ကသ့ၣ်ညါဘၣ် နဖိကဘၣ်ဆဲး ကသံၣ်ဒီသဒၢ ဒ်လဲၣ်အဆၢကတီၢ်လဲၣ်အဂီၢ်တက့ၢ်.
ဆူၣ်ချ့တၢ်ဟ့ၣ်ခိၣ်ဖးတၢ်ရဲၣ်တၢ်ကျဲၤ
ဖဲနဃုထၢလၢ နကနုာ်လီၤပာ်ဃုာ်တၢ်လၢ Healthy Rewards အပူၤန့ၣ်, နဒိးန့ၢ် ခိၣ်ဖးတဖၣ်သ့ဝဲ ဖဲ နမၤဝံၤ တၢ်သမံသမိးကွၢ်တၢ်ဆါတဖၣ်ဒီး တၢ်အိၣ်ဆူၣ်အိၣ်ချ့ တၢ်ဟူးတၢ်ဂဲၤတဖၣ် အခါန့ၣ်လီၤ.
တၢ်သံကွၢ်အိၣ်ဧါ. ပမၤစၢၤနၤသ့လီၤ
ကိးဘၣ် ကရူၢ်ဖိ တၢ်မၤစၢၤအတၢ်မၤတဖၣ်-
1-800-711-9862 (TTY 711)
ဂီၤ8 နၣ်ရံၣ်. တုၤ ဟါ5 နၣ်ရံၣ် လီၢ်ခၢၣ်သးတၢ်ဆၢကတီၢ် (Central Time)
မုၢ်ဆၣ်တုၤမုၢ်ဖီဖး
တၢ်ကိးအံၤ ကမ့ၢ်ဘူးလဲကလီလီၤ.
လီတဲစိနီၣ်ဂံၢ်အံၤ နဒိးန့ၢ်အီၤသ့ဖဲကရူၢ်ဖိ (ID) ခးအလီၢ်ခံ စ့ၢ်ကီးလီၤ.