BCBSMN လီတဲစိစိာ်စုအဲးပ် တၢ်ခူသူၣ်ကျဲသနူ

တၢ်ဒုးသ့ၣ်ညါဆိ

Blue Cross ဒီး Blue Shield လၢမံၣ်နံၣ်စိတၤ ("ခီပနံၣ်"မ့တမ့ၢ်"ပ၀ဲသ့ၣ်") န့ၣ် ပပာ်ကဲနတၢ်ဂ့ၢ်ခူသူၣ် ဒီးပအၢၣ်လီၤလၢပကဒီသဒၢတၢ်အံၤ ခီဖျိပတၢ်လူၤပိာ်မၤထွဲဃုာ်ဒီးကျဲသနူန့ၣ်လီၤ. ကျဲသနူအံၤပာ်ဖျါထီၣ် -

• တၢ်ဂ့ၢ်တၢ်ကျိၤအကလုာ်တဖၣ် လၢပကထၢဖှိၣ် မ့တမ့ၢ် လၢနကဟ့ၣ်ထီၣ် ဖဲနထုးန့ၢ်တၢ်ဂ့ၢ်, လဲၤနုာ်လီၤ, မ့တမ့ၢ်စူးကါ Blue Cross ဒီး Blue Shield လၢမံၣ်နံၣ်စိတၤလီတဲစိစိာ်စုအဲးပ်("App")န့ၣ်လီၤ.
• ပမၤတၢ်တဖၣ်လၢတၢ်ထၢဖှိၣ်, တၢ်စူးကါ, တၢ်ပာ်ဂၢၢ်ပာ်ကျၢၤ, တၢ်ဒီသဒၢဒီးတၢ်ပာ်အိၣ်ဖျါထီၣ်တၢ်ဂ့ၢ်တၢ်ကျိၤအဂီၢ်န့ၣ်လီၤ.

ကျဲသနူအံၤ ဘၣ်ထွဲထဲဒၣ်ဒီးတၢ်ဂ့ၢ်တၢ်ကျိၤလၢပထၢဖှိၣ်အီၤလၢအဲးပ်အံၤအပူၤ, လၢလီပရၢအပူၤ, တၢ်ကွဲးဆှၢလံာ်အပူၤ, ဒီးလီမ့ၣ်တၢ်ဆဲးကျၢဆဲးကျိးအဂၤတဖၣ် လၢတၢ်ဆှၢခီအီၤခီဖျိအဲးပ်အံၤန့ၣ်လီၤ.

ကျဲသနူအံၤတဘၣ်ဃးဒီးတၢ်ဂ့ၢ်တၢ်ကျိၤတဖၣ်လၢ:

• ပထၢဖှိၣ်တၢ်လၢတဘျးစဲလၢအ့ထၢၣ်နဲးအကျိၤ မ့တမ့ၢ် လၢ ခီပနံၣ်အဲးပ်တဖၣ် မ့တမ့ၢ် ပှာ်ယဲၤဘျးစဲတဖၣ်, ပၣ်ဃုာ်ဒီးပှာ်ယဲၤဘျးစဲတဖၣ် လၢနကလဲၤနုာ်လီၤခီဖျိအဲးပ်းအံၤန့ၣ်လီၤ.
• လၢနဟ့ၣ်ထီၣ် မ့တမ့ၢ် လၢဘၣ်တၢ်ထၢဖှိၣ်ခီဖျိပှၤသၢဖုတဖုတမံၤဂ့ၤတမံၤဂ့ၤန့ၣ်လီၤ.

ပပှာ်ယဲၤဘျးစဲတဖၣ်ဒီးအဲးပ်တဖၣ်, ဒီးပှၤသၢဖုတဖုတဖၣ်အံၤ ကအိၣ်ဒီးအနီၢ်ကစၢ် တၢ်ခူသူၣ်ကျဲသနူတဖၣ်, လၢပဟ့ၣ်ဂံၢ်ဟ့ၣ်ဘါနၤ ဒ်သိးကဖးတချုးနဟ့ၣ်န့ၢ်အီၤနတၢ်ဂ့ၢ်တၢ်ကျိၤ မ့တမ့ၢ် ခီဖျိအ၀ဲသ့ၣ်န့ၣ်လီၤ.

၀ံသးစူၤဖးကျဲသနူအံၤထံထံဆးဆး ဒ်သိးကနၢ်ပၢၢ်ပကျဲသနူၤတဖၣ် ဒီးတၢ်မၤတဖၣ်ဘၣ်ထွဲဒီးနတၢ်ဂ့ၢ်တၢ်ကျိၤဒီးပကမၤအီၤဒ်လဲၣ်န့ၣ်လီၤ. နမ့ၢ်တအၢၣ်လီၤတူၢ်လိာ်၀ဲပကျဲသနူၤတဖၣ် ဒီးတၢ်မၤတဖၣ်န့ၣ်, တဘၣ်ထုးန့ၢ်, ဆဲးလီၤမံၤဃုာ်ဒီး, မ့တမ့ၢ်စူးကါအဲးပ်အံၤန့ၣ်တဂ့ၤ. ခီဖျိထုးန့ၢ်,ဆဲးလီၤမံၤဃုာ်ဒီး, မ့တမ့ၢ် စူးကါအဲးပ်အံၤန့ၣ်, နအၢၣ်လီၤတူၢ်လိာ်တၢ်ခူသူၣ်ကျဲသနူၤအံၤန့ၣ်လီၤ. ကျဲသနူအံၤ ကဆီတလဲတဘျီတခီၣ်လီၤ. နမ့ၢ်ဆဲးစူးကါအဲးပ်အံၤ ဖဲပမၤတၢ်ဆီတလဲတဖၣ်၀ံၤအလီၢ်ခံန့ၣ် ဘၣ်တၢ်ထံၣ်ဆိကမိၣ်အီၤ ဒ်တၢ်တူၢ်လိာ်တၢ်ဆီတလဲတဖၣ်အံၤ, အဃိ၀ံသးစူၤသမံသမိးကျဲသနူၤဘၣ်ဆၢၣ်ဘၣ်ကတီၢ်တဘျီဘၣ်တဘျီလၢ တၢ်မၤဂ့ၤထီၣ်တဖၣ်အဂီၢ်န့ၣ်တက့ၢ်.

တၢ်ဂ့ၢ်တၢ်ကျိၤလၢပထၢဖှိၣ်ဒီးပထၢဖှိၣ်၀ဲတၢ်အံၤဒ်လဲၣ်

ပထၢဖှိၣ်တၢ်ဂ့ၢ်တၢ်ကျိၤ ဘၣ်ဃးပှၤစူးကါတၢ်ဖိတဖၣ်လၢပအဲးပ်:

• ဖဲနဟ့ၣ်ထီၣ်တၢ်အံၤဆူပအိၣ်တဘျီဃီန့ၣ်လီၤ.
• မၤတၢ်ဒၣ်အတၢ်ဒၣ်၀ဲဖဲနစူးကါအဲးပ်လီၤ.

တၢ်ဂ့ၢ်တၢ်ကျိၤလၢနဟ့ၣ်ထီၣ်ဆူပအိၣ်

ဖဲနထုးန့ၢ်, ဆဲးလီၤမံဃုာ်ဒီး, မ့တမ့ၢ် စူးကါအဲးပ်အံၤအခါ, ပကသံကွၢ်နဟ့ၣ်ထီၣ်တၢ်ဂ့ၢ်တၢ်ကျိၤ:

ခီဖျိတၢ်လၢနကပာ်ဖျါထီၣ်လၢနနီၢ်ကစၢ်, လၢအမ့ၢ်နမံၤ, လီပရၢအလီၢ်အကျဲ, လီတဲစိနီၣ်ဂံၢ်မ့တမ့ၢ်တၢ်ဂ့ၢ်တၢ်ကျိၤအဂၤတဖၣ်လၢအဲးပ်ထၢဖှိၣ်၀ဲ လၢအဒုးနဲၣ်ဖျါထီၣ်ဒ်အမ့ၢ်တၢ်ဘၣ်ဃးဒီးနၤတဂၤ မ့တမ့ၢ် နနီၢ်ကစၢ်ဒၣ်၀ဲတၢ်ဂ့ၢ်တၢ်ကျိၤတဖၣ်လၢသ့ၣ်ညါပာ်ပနီၣ်သ့တဖၣ်လၢတၢ်သိၣ်တၢ်ဘျၢလၢမ့ၢ်၀ဲတီ၀ဲအဖီလာ်("တၢ်ဂ့ၢ်တၢ်ကျိၤဘၣ်ဃးဒီးနၤတဂၤ")န့ၣ်လီၤ.

တၢ်အံၤန့ၣ် ဘၣ်ဃးဒီးနဂ့ၢ်သနာ်က့တမၤဖျါလၢနမ့ၢ်မတၤဘၣ်, လီၤဂာ်ဒ် တၢ်အိၣ်ဖျဲၣ်မုၢ်နံၤ, တၢ်ဒီသဒၢတၢ်သံကွၢ်တဖၣ်အတၢ်စံးဆၢ(တဖၣ်)န့ၣ်လီၤ.

တၢ်ဂ့ၢ်တၢ်ကျိၤအံၤပၣ်ဃုာ်ဒီး -

• တၢ်ဂ့ၢ်တၢ်ကျိၤလၢနဟ့ၣ်ထီၣ် ခီဖျိနမၤလၢပှဲၤလံာ်အဒိတဖၣ်အပူၤလၢအဲးပ်အပူၤန့ၣ်လီၤ. တၢ်အံၤပၣ်ဃုာ်ဒီးတၢ်ဂ့ၢ်တၢ်ကျိၤလၢဘၣ်တၢ်ဟ့ၣ်ထီၣ်၀ဲ ဖဲတၢ်ဆဲးလီၤနမံၤအကတီၤ ဒ်သိးကစူးကါအဲးပ်န့ၣ်လီၤ. ပကသံကွၢ်စ့ၢ်ကီးနၤလၢတၢ်ဂ့ၢ်တၢ်ကျိၤအဂီၢ် ဖဲနဒုးသ့ၣ်ညါပာ်ဖျါထီၣ်က့ၤတၢ်ကီတၢ်ခဲလၢအဲးပ်န့ၣ်လီၤ.
• တၢ်ကွဲးနီၣ်ကွဲးဃါတဖၣ် ဒီးတၢ်ကွဲးဒိတဖၣ်ဘၣ်ဃးဒီးနတၢ်ဘၣ်ထွဲလီၤပလိာ် (ပၣ်ဃုာ်ဒီးလီပရၢအလီၢ်အကျဲတဖၣ် ဒီးလီတဲစိနီၣ်ဂံၢ်တဖၣ်), မ့ၢ်နဆဲးကျိးပှၤန့ၣ်လီၤ.
• တၢ်ဃုထံၣ်သ့ၣ်ညါအတၢ်စံးဆၢလၢနဟ့ၣ်ထီၣ်အီၤတဖၣ် လၢကမၤလၢပှဲၤ၀ဲ တၢ်ဃုနၢ်ပၢၢ်အတၢ်ပညိၣ်တဖၣ်အဂီၢ်န့ၣ်လီၤ.

တၢ်ထၢဖှိၣ်ဒီးတၢ်ကွၢ်နီၣ်ဘၣ် တၢ်ဂ့ၢ်တၢ်ကျိၤမၤဒၣ်တၢ်အတၢ်ကစၢ်ဒၣ်၀ဲ

ဖဲနထုးန့ၢ်, လဲၤနုာ်လီၤ, ဒီးစူးကါအဲးပ်န့ၣ်, အ၀ဲကစူးကါစဲးဖီကဟၣ်ပီညါ လၢကထၢဖှိၣ်ဒၣ်အတၢ်ဒၣ်၀ဲန့ၣ်လီၤ:

• တၢ်စူးကါတၢ်အကျိၤအကျဲတၢ်ဂ့ၢ်ခဲလၢာ်ခဲဆ့. ဖဲနလဲၤနုာ်လီၤဒီးစူးကါအဲးပ်န့ၣ်, ပကထၢဖှိၣ်တၢ်ဂ့ၢ်ခဲလၢာ်ခဲဆ့လၢအလီၤတံၢ်တဘျီဃီ ဘၣ်ဃးနလဲၤနုာ်လီၤဒီးစူးကါအဲးပ်, ပၣ်ဃုာ်ဒီးတၢ်ခီလဲလိာ်က့ၤတၢ်ဂ့ၢ်, တၢ်လီၢ်တၢ်ကျဲတၢ်ဂ့ၢ်ထၢဖှိၣ်, တၢ်စံၣ်စိၤတဲစိၤ, ဒီးတၢ်ဆဲးကျၢဆဲးကျိးတၢ်ဂ့ၢ်ထၢဖှိၣ်အဂၤတဖၣ် ဒီးတၢ်ဂ့ၢ်စူးကါသ့တဖၣ် လၢနလဲၤနုာ်လီၤဒီးစူးကါအဖီခိၣ်မ့တမ့ၢ်ခီဖျိအဲးပ်န့ၣ်လီၤ.
• ပီးလီတၢ်ဂ့ၢ်တၢ်ကျိၤ ပကထၢဖှိၣ်တၢ်ဂ့ၢ်တၢ်ကျိၤဘၣ်ဃးနလီတဲစိစိာ်စုပီးလီဒီးအ့ထၢၣ်နဲးဘျးစဲ, ပၣ်ဃုာ်ဒီးတၢ်သ့ၣ်ညါပာ်ပနီၣ်ပီးလီလၢအလီၤဆီ, [IP တၢ်လီၢ်တၢ်ကျဲ,] တၢ်ဖံးတၢ်မၤအကျဲဧိၤကပူၤဧိၤ, အ့ထၢၣ်နဲးအသန့ထံး(browser)အကလုာ်, လီတဲစိစိာ်စုပှာ်ယဲၤဘျးစဲတၢ်ဂ့ၢ်တၢ်ကျိၤ, ဒီးပီးလီအလီတဲစိနီၣ်ဂံၢ်န့ၣ်လီၤ.
• တၢ်လီၢ်တၢ်ကျဲတၢ်ဂ့ၢ်တၢ်ကျိၤ အဲးပ်အံၤ တပာ်ဖှိၣ်ဆၢကတီၢ်ဖုၣ်ကိာ်တၢ်ဂ့ၢ်တၢ်ကျိၤဘၣ်ဃးနပီးလီတၢ်လီၢ်တၢ်ကျဲဘၣ်န့ၣ်လီၤ.

မ့မ့ၢ်နတအဲၣ်ဒိးပှၤလၢကထၢဖှိၣ်တၢ်ဂ့ၢ်တၢ်ကျိၤတဖၣ်အံၤဒီးသုတဘၣ်ထုးန့ၢ်အဲးပ်အံၤတဂ့ၤ မ့တမ့ၢ် ထုးသံကွံာ်တၢ်အံၤလၢနပီးလီအအိၣ်န့ၣ်တက့ၢ်.

တၢ်ဂ့ၢ်တၢ်ကျိၤတၢ်ထၢဖှိၣ်ဒီးတၢ်လူၢ်ပိၢ်ကျဲကျိၤစဲးဖီကဟၣ်ပီညါတဖၣ်

ပကစူးကါစ့ၢ်ကီးစဲးဖီကဟၣ်ပီညါတဖၣ်အံ ၤဒ်သိးကထၢဖှိၣ်တၢ်ဂ့ၢ်တၢ်ကျိၤ ဘၣ်ဃးနတၢ်ဟူးဂဲၤဖံးမၤတၢ်တဖၣ်လၢတၢ်ဆၢကတီၢ်အဖီခိၣ်ဒီး ခီဂာ်ပှၤသၢဖုတဖုပှာ်ယဲၤဘျး၀ဲတဖၣ်, အဲးပ်တဖၣ်, မ့တမ့ၢ် အ့ထၢၣ်နဲးတၢ်တိၢ်စၢၤမၤစၢၤအဂၤတဖၣ် (သကဲာ်ပ၀းတၢ်လူၤပိၢ်ကျဲကျိၤ) န့ၣ်လီၤ.

စဲးဖီကဟၣ်ပီညါတဖၣ်လၢပစူးကါလၢတၢ်ထၢဖှိၣ်တၢ်ဂ့ၢ်တၢ်ကျိၤအတၢ်ဒၣ်၀ဲအဂီၢ်န့ၣ် ကပၣ်ဃုာ်ဒီး:

• Cookies(မ့တမ့ၢ်လီတဲစိစိာ်စုcookies). Cookie န့ၣ် မ့ၢ်၀ဲလံာ်တြံာ်ဆံးဖိတမံၤ လၢဘၣ်တၢ်ပာ်အီၤလၢနလီတဲစိစိာ်စုအဖီခိၣ်န့ၣ်လီၤ. ခီဖျိမၤဟူးဂဲၤထီၣ်တၢ်ဆီလီၤပာ်လီၤလၢအကြၢး၀ဲဘၣ်၀ဲလၢအအိၣ်လၢနလီတဲစိစိာ်စုအဖီခိၣ် နဂ့ၢ်လိာ်တၢ်ပာ်ထီၣ် အ့ထၢၣ်နဲးကိးကံ(Cookies)လၢနလီတဲစိစိာ်စုသ့၀ဲ န့ၣ်လီၤ. ဘၣ်ဆၣ်နမ့ၢ် ဃုထၢတၢ်ဆီလီၤပာ်လီၤအံၤန့ၣ် နစူးကါအဲးပ်ပီလီတသ့ကိးမံၤဒဲးဘၣ်
• Web Beacons. လံာ်ကဘျံးပၤတဖၣ်လၢအဲးပ်ဒီး ပလီပရၢတဖၣ်န့ၣ် ကပၢၤဃာ်လီမ့ၣ်လံာ်တြံာ်ဆံးတဖၣ်လၢ ဘၣ်တၢ်သ့ၣ်ညါအီၤဒ်ဝဲးဘ့ကိၣ် (တၢ်ကိးအီၤစ့ၢ်ကီးလၢ clear gifs, pixel တၢ်မၤပနီၣ်, ဒီး single-pixel gifs) လၢအဟ့ၣ်ခီပနံၣ်တၢ်ပျဲ, ဒ်သိးကဂံၢ်ဒွးပှၤစူးကါတၢ်ဖိတဖၣ် လၢအဟဲနုာ်လီၤကွၢ်ပှာ်ယဲၤကဘျံးတဖၣ်အံၤ မ့တမ့ၢ် အိးထီၣ်လီပရၢဒီးအဲးပ်စရီအဂၤတဖၣ် လၢအဘၣ်ထွဲ (အဒိ, တၢ်မၤနီၣ်မၤဃါအဲးပ်တၢ်ဂ့ၢ်တၢ်ကျိၤလီၤတံၢ်လၢပှၤဘၣ်သးအီၤအါ ဒီးပာ်ဂၢၢ်ပာ်ကျၢၤတၢ်ဖံးတၢ်မၤအကျဲဧိၤကပူၤဧိၤ ဒီးခီၣ်ဖၠူၣ်ထၢၣ်ခိၣ်ကျၢၢ်တၢ်ဟံးဃာ်)န့ၣ်လီၤ.

ပှၤသၢဖုတဖုတၢ်ဂ့ၢ်တၢ်ကျိၤတၢ်ထၢဖှိၣ်

ဖဲနစူးကါအဲးပ်မ့တမ့ၢ် အတၢ်ဂ့ၢ်တၢ်ကျိၤဒီး, ပှၤသၢဖုတဖုတဖၣ်ကသူ စဲးထၢဖှိၣ်ဂ့ၢ်ကျိၤလီၤတံၢ်တၣ် လၢကဟံးန့ၢ်နဂ့ၢ်နကျိၤမ့တမ့ၢ် နပီးလီဂ့ၢ်ကျိၤအဂီၢ်န့ၣ်လီၤ. ပှၤသၢဖုတဖၣ်တဖၣ်အံၤ(ဘၣ်သ့ၣ်သ့ၣ်)ကပၣ်ဃုာ်၀ဲ:

• တၢ်ပဲာ်ထံနီၤဖးတၢ်ခီပနံာ်တဖၣ်
• ခီပနံာ်လၢအထုးထီၣ်နလီတဲာ်စိစိာ်စုပီးလီ.
• နလီတဲစိစိာ်စုတၢ်တိၢ်စၢၤမၤစၢၤတၢ်အကရၢကရိ.

အ၀ဲသ့ၣ်ကစူးကါ၀ဲတၢ်ဂ့ၢ်တၢ်ကျိၤတဖၣ်အံၤ ဒ်သိးကဟ့ၣ်ထီၣ်နၤဃုာ်ဒီးတၢ်သးစဲအဂံၢ်ခီၣ်ထံး (သကဲာ်ပ၀း) တၢ်ဘိးဘၣ်ရၤလီၤမ့တမ့ၢ် တၢ်ဂ့ၢ်တၢ်ကျိၤအဂၤတဖၣ်လၢဘၣ်တၢ်ပာ်ပနီၣ်အီၤန့ၣ်လီၤ.

ပတပၢဆှၢရဲၣ်ကျဲၤ ပှၤသၢဖုတဖုတဖၣ်အံၤ အတၢ်လူၤပိၢ်ကျဲကျိၤစဲးဖီကဟၣ်ပီညါတဖၣ် မ့တမ့ၢ် တၢ်သ့ၣ်တဖၣ်န့ၣ် ကဘၣ်တၢ်စူးကါအီၤဒ်လဲၣ်တဖၣ်ဘၣ်န့ၣ်လီၤ. နတၢ်သံကွၢ်မ့ၢ်အိၣ်တမံၤမံၤ ဘၣ်ဃးတၢ်ဘိးဘၣ်ရၤလီၤတၢ်မ့တမ့ၢ် တၢ်ဂ့ၢ်တၢ်ကျိၤအဂၤတဖၣ်န့ၣ်, နကြၢးဆဲးကျိးတဘျီဃီဆူတၢ်ကရၢကရိလၢအမူဒါအိၣ်န့ၣ်လီၤ.

ပစူးကါနတၢ်ဂ့ၢ်တၢ်ကျိၤတဖၣ်ဒ်လဲၣ်

ပစူးကါတၢ်ဂ့ၢ်တၢ်ကျိၤလၢပထၢဖှိၣ်အီၤတဖၣ် ဘၣ်ဃးဒီးနၤ မ့တမ့ၢ် တၢ်လၢနဟ့ၣ်ထီၣ်ပှၤ, ပၣ်ဃုာ်ဒီးနဂ့ၢ်နကျိၤတမံၤဂ့ၤတမံၤဂ့ၤ, ဒ်သိး:

• ကဟ့ၣ်ထီၣ်နၤဃုာ်ဒီးအဲးပ်ဒီးအတၢ်ဂ့ၢ်တၢ်ကျိၤတဖၣ်, ဒီး တၢ်ဂ့ၢ်တၢ်ကျိၤအဂၤတဖၣ်, ပနံာ်တဖၣ် မ့တမ့ၢ်တၢ်တိၤစၢၤမၤစၢၤတဖၣ်လၢနဃ့ထီၣ်တဃးလၢပအိၣ်န့ၣ်လီၤ.
• မၤလၢပှဲၤတၢ်ပညိၣ်အဂၤတဖၣ်လၢနဟ့ၣ်ထီၣ်တၢ်အဂီၢ်န့ၣ်လီၤ.
• ဟ့ၣ်နၤတၢ်ဘိးဘၣ်သ့ၣ်ညါတဖၣ်ဘၣ်ဃးနစရီ/တၢ်တိာ်ကျဲၤန့ၣ်လီၤ.
• စိာ်ထီၣ်တၢ်မၤလၢအလီၤဘၣ်ပှၤတဖၣ် ဒီးမၤလီၤတံၢ်ပတၢ်အခွဲးယာ်ဘၣ်တဖၣ် လၢအဟဲအိၣ်ထီၣ်လၢတၢ်အၢၣ်လီၤလံာ်ဃံးဃာ်တမံၤလၢ်လၢ် လၢနၤဒီးပှၤအဘၢၣ်စၢၤန့ၣ်, ပၣ်ဃုာ်ဒီးဘူးလဲလၢတၢ်ဃ့အီၤဒီးတၢ်ထၢဖှိၣ်တဖၣ်န့ၣ်လီၤ.
• ဘိးဘၣ်ဒုးသ့ၣ်ညါနၤဖဲအဲးပ်ဘၣ်တၢ်မၤသီထီၣ်က့ၤအီၤ, ဒီတၢ်ဆီတလဲတဖၣ်လၢပနံာ်တဖၣ် မ့တမ့ၢ် တၢ်တိၢ်စၢၤမၤစၢၤတဖၣ်လၢပဟ့ၣ်ခွဲး မ့တမ့ၢ် ပဟ့ၣ်ထီၣ်ခီဖျိတၢ်အ၀ဲန့ၣ်န့ၣ်လီၤ.
• ဟ့ၣ်ထီၣ်နၤတၢ်လဲၤနုာ်လီၤအခွဲး ဆူတၢ်တိၢ်စၢၤမၤစၢၤအဂၤတဖၣ် လၢအပၣ်ဃုာ်လၢနတၢ်တိာ်ကျဲၤပူၤန့ၣ်လီၤ.

တၢ်စူးကါတၢ်အဂ့ၢ်အကျိၤလၢပထၢဖှိၣ်န့ၣ် မၤစၢၤပှၤဒ်သိးပကမၤဂ့ၤထီၣ်ပ အဲးပ်ဒီး စိာ်ဆှၢနီၢ်ကစၢ်အတၢ်လဲၤခီဖျိဂ့ၤန့ၢ်ဒံး ဒ်သိးပမၤ:

• တၢ်ဒွးတယာ်ကမျၢၢ်အဒိၣ်အလဲၢ်ဒီးတၢ်စူးကါတၢ်အဒိအတဲာ်န့ၣ်လီၤ.
• တၢ်ပာ်ဖှိၣ်ပာ်တံၤတၢ်ဂ့ၢ်တၢ်ကျိၤဘၣ်ဃးနတၢ်သးစဲအဲၣ်ဒိးတဖၣ်, ဟ့ၣ်ပှၤတၢ်အခွဲး ဒ်သိးကဆီတလဲမၤဂ့ၤထီၣ်ပ အဲးပ် ဒ်အဖျါ၀ဲဒ်သိးနတၢ်သးစဲတဖၣ်အသိးန့ၣ်လီၤ.
• မၤချ့ထီၣ်နတၢ်ကွၢ်ဃုတၢ်တဖၣ်တက့ၢ်.
• သ့ၣ်ညါပာ်ပနီၣ်နၤဖဲနစူးကါအဲးပ်လီၤ.

တၢ်ဘိးဘၣ်ပာ်ဖျါထီၣ်ဘၣ်ဃးနတၢ်ဂ့ၢ်တၢ်ကျိၤ

ပကဘိးဘၣ်ပာ်ဖျါထီၣ်တၢ်ဂ့ၢ်တၢ်ကျိၤလၢ ဘၣ်တၢ်ပာ်ဖှိၣ်အီၤ ဘၣ်ဃးပပှၤစူးကါဖိတဖၣ် ဒီးတၢ်ဂ့ၢ်တၢ်ကျိၤလၢအတသ့ၣ်ညါပာ်ပနီၣ်ပှၤတဂၤမ့ၢ်မတၤ မ့တမ့ၢ် ပီးလီတပၣ်ဃုာ်ဒီးတၢ်တြီဃာ်ဘၣ်န့ၣ်လီၤ.

တကးဒံးဘၣ် ဘၣ်သ့ၣ်သ့ၣ်ပကဘိးဘၣ်ပာ်ဖျါထီၣ် နနီၢ်ကစၢ်အတၢ်ဂ့ၢ်တၢ်ကျိၤလၢပထၢဖှိၣ်၀ဲ, မ့တမ့ၢ် နဟ့ၣ်ထီၣ်:

• ဆူပခီပနံာ်အဒ့လၢဘၣ်ထွဲတဖၣ်ဒီးမၤသကိးတၢ်တဖၣ်.
• ဆူခီပနံာ်တဖၣ်လၢအအၢၣ်လီၤသးဒ်သိးကမၤတၢ်, တၢ်တိၢ်စၢၤမၤစၢၤကရၢကရိတဖၣ်, ဒီးပှၤသၢဖုတဖုအဂၤတဖၣ် လၢပစူးကါလၢအကဆီၣ်ထွဲမၤစၢၤပတၢ်ဖံးတၢ်မၤ ဒီးပှၤတဖၣ်လၢဘၣ်တၢ်မၤနီၣ်ဃးအဆၢ ခီဖျိလံာ်ဃံးဃာ်မူဒါအၢၣ်လီၤအီၤလီၤတဖၣ် လၢအကပၢၤဃာ်တၢ်ဂ့ၢ်တၢ်ကျိၤဘၣ်ဃးနီၢ်ကစၢ်ဒၣ်၀ဲ လၢတၢ်ခူသူၣ်အပူၤ ဒီးစူးကါအီၤ ထဲလၢတၢ်ပညိၣ်တဖၣ်လၢပကဘိးဘၣ်ပာ်ဖျါထီၣ်ဆူအ၀ဲသ့ၣ်အအိၣ်အဂီၢ်န့ၣ်လီၤ.
• ဆူပှၤပှ့ၤတၢ် မ့တမ့ၢ် ပှၤအဂၤလၢအထီၣ်ဘၣ်ပှၤအလီၢ်လၢတၢ်ပာ်ဖှိၣ်ထီၣ်သးမူးအပူၤ, တၢ်ထုးကွံာ်မူဒါ, တၢ်ဘှီသီထီၣ်က့ၤ, တၢ်ကရၢကရိထီၣ်ကဒါက့ၤ, တၢ်ဆိကတီၢ်ကွံာ်, မ့တမ့ၢ် အဂၤတဖၣ်လၢအမ့ၢ်တၢ်ဆါကွံာ် မ့တမ့ၢ် တၢ်သုးကွံာ် ပစုလီၢ်ခီၣ်ခိၣ်တနီၤ မ့တမ့ၢ် ခဲလၢာ်, ဒ်တၢ်သးကိၢ်ဘၣ်ယိၣ်တၢ်လၢအကဲထီၣ်သးဆူညါ ဒ်တၢ်ဂ့ၢ်နီၤဖးလၢအမ့ၢ်တၢ်အိၣ်သးအကတီၢ်လၢကျိၣ်စ့တအိၣ်လၢၤဘၣ်, တၢ်ဆါလီၤကွံာ်စုလီၢ်ခီၣ်ခိၣ်လၢကလိးက့ၤဒ့ၣ်ကမၢ်အဂီၢ်, မ့တမ့ၢ် တၢ်မၤကဒီးဆူညါလၢအဒ်သိးလိာ်သးတဖၣ်, ဒီးတၢ်ဂ့ၢ်တၢ်ကျိၤလၢနဟ့ၣ်ဘၣ်ပှၤလၢ ပအဲးပ်ပူၤန့ၣ် အိၣ်၀ဲဒၣ်လၢတၢ်သုးလီၤကွံာ်စုလီၢ်ခီၣ်ခိတဖၣ်အကျါန့ၣ်လီၤ.
• လၢတၢ်ပညိၣ်အဂၤတဖၣ်ပဘိးဘၣ်ပာ်ဖျါထီၣ်ဖဲနဟ့ၣ်ထီၣ်တၢ်ဂ့ၢ်တၢ်ကျိၤန့ၣ်လီၤ.
• ဃုာ်ဒီးနတၢ်အၢၣ်လီၤဟ့ၣ်အခွဲးန့ၣ်လီၤ.
• ဒ်သိးကလူၤပိာ်ထွဲကွီၢ်ဘျီၣ်အတၢ်ဟ့ၣ်ကလုၢ်ကိးမံၤဒဲး, တၢ်သိၣ်တၢ်ဘျၢ, မ့တမ့ၢ် တၢ်မၤအကျိၤအကွာ်လၢအဖိးသဲစး, ပၣ်ဃုာ်ဒီးတၢ်စံးဆၢခီဆၢကဒါက့ၤဆူကီၢ်ပဒိၣ် မ့တမ့ၢ် တၢ်ဃ့ကညးခွဲးလၢတၢ်အိၣ်ဒီးအစိကမီၤလၢကပၢဆှၢပနံာ်ကၤတၢ်မၤလီၢ်အဂီၢ်ကိးမံၤဒဲးန့ၣ်လီၤ.
• ဒ်သိးကမၤလီၤတံၢ်လၢပှၤလူၤပိာ်ထွဲတၢ်ခွဲးယာ်တဖၣ်လၢလံာ်ဃံးဃာ်ကိးမံၤဒဲး လၢနၤဒီးပ၀ဲသ့ၣ်တဖၣ်အဘၢၣ်စၢၤ, ပၣ်ဃုာ်ဒီးအဲးပ် EULA, ဒီးလၢတၢ်ဘိးဘၣ်ရၤလီၤတၢ်ဂ့ၢ်တၢ်ကျိၤဒီးတၢ်ထၢဖှိၣ်တဖၣ်အဂီၢ်န့ၣ်လီၤ.
• မ့ၢ်ပနာ်လၢဘိးဘၣ်ပာ်ဖျါထီၣ်တၢ်န့ၣ်လိၣ်ဘၣ်၀ဲ မ့တမ့ၢ် ကြၢး၀ဲဘၣ်၀ဲ ဒ်သိးကဒီသဒၢတၢ်ခွဲးယာ်ဘၣ်တဖၣ်, စုလီၢ်ခီၣ်ခိၣ်, မ့တမ့ၢ်တၢ်ဘံၣ်တၢ်ဘၢ, ပပှၤစူးကါတၢ်တဖၣ် မ့တမ့ၢ် အဂၤတဖၣ်အဂီၢ်န့ၣ်လီၤ.

‌နတၢ်ဃုထၢတဖၣ်ဘၣ်ဃးပတၢ်ထၢဖှိၣ်, တၢ်စူးကါ, ဒီးတၢ်ဘိးဘၣ်ပာ်ဖျါထီၣ်တၢ်ဂ့ၢ်ဘၣ်ဃးနတၢ်ဂ့ၢ်တၢ်ကျိၤ

ပထဲးဂံၢ်ထဲးဘါ ဒ်သိးကဟ့ၣ်ထီၣ်နၤဃုာ်ဒီးတၢ်ဃုထၢတဖၣ်ဘၣ်ထွဲဒီးနဂ့ၢ်နကျိၤ လၢနဟ့ၣ်ထီၣ်ဆူပအိၣ်န့ၣ်လီၤ. လံာ်တဆၢအံၤ ကွဲးဖျါထီၣ်တၢ်မၤကျိၤကျဲတဖၣ် လၢပဟ့ၣ်ထီၣ်လၢနဂီၢ် ဒ်သိးကပၢဆှၢရဲၣ်ကျဲၤတၢ်စူးကါလီၤတံၢ်တဖၣ် ဒီးတၢ်ဘိးဘၣ်ပာ်ဖျါထီၣ်တဖၣ်လၢနတၢ်ဂ့ၢ်တၢ်ကျိၤအဖီခိၣ်န့ၣ်လီၤ.

• တၢ်လူၤပိၢ်ကျဲကျိၤစဲးဖီကဟၣ်ပီညါတဖၣ်. နဆီလီၤပာ်လီၤနအ့ထၢၣ်နဲးသန့ထံးဒ်သိးကဂ့ၢ်လိာ်အ့ထၢၣ်နဲးကိးကံ (Cookies) ခဲလၢာ် မ့တမ့ၢ် တနီၤ, မ့တမ့ၢ် ဒ်သိးကဟ့ၣ်ပလီၢ်နၤဖဲကိးကံတဖၣ်ဘၣ်တၢ်ဆှၢအီၤန့ၣ်လီၤ. နမ့ၢ်တြီဃာ် မ့တမ့ၢ် ဂ့ၢ်လိာ်ကိးကံတဖၣ် မ့တမ့ၢ် တြီတံာ်တၢ်စူးကါတၢ်လူၤပိၢ်ကျဲကျိၤစဲးဖီကဟၣ်ပီညါအဂၤတဖၣ်, မ့ၢ်၀ံၤဒီးအဲးပ်တၢ်နီၤဖးအကူာ်အက့တနီၤန့ၣ် တၢ်မၤန့ၢ်အီၤတသ့ မ့တမ့ၢ် တဖံးတၢ်မၤတၢ်ဂ့ၤဂ့ၤဘၣ်ဘၣ်လၢၤဘၣ်န့ၣ်လီၤ.

တၢ်လဲၤနုာ်လီၤခွဲးဒီးတၢ်ဘှီဘၣ်မၤလိက့ၤနနီၢ်ကစၢ်ဒၣ်၀ဲတၢ်ဂ့ၢ်တၢ်ကျိၤ

နကွၢ်ကဒါက့ၤ နနီၢ်တဂၤတၢ်ဂ့ၢ်တၢ်ကျိၤ ခီဖျိ နုာ်လီၤဆူကရူၢ်ဖိပှာ်ယဲၤသန့ ဒီးလဲၤကွၢ်နမံၤစရီကဘျံးပၤန့ၣ်လီၤ. တၢ်တိာ်ကျဲၤလၢနပှ့ၤန့ၢ်၀ဲလၢပအိၣ်တမံၤအဖီခိၣ် ဘၣ်သ့ၣ်သ့ၣ် နကလိၣ်မၤတၢ်ဒီးနကရၢကရိလၢအဒိးလဲနၤ ဒ်သိးကဆီတလဲနဂ့ၢ်နကျိၤလၢအမ့ၢ် ဒ်သိးနဟံၣ်အိၣ်တၢ်လီၢ်အလီၢ်အကျဲန့ၣ်လီၤ.

နခဲၣ်လံၣ်ဖိနံၤယၤ (California) တၢ်ခူသူၣ်ခွဲးယာ်ဘၣ်တဖၣ်

ခဲၣ်လံၣ်ဖိနံၤယၤ (California) ခူဖိ၀့ၢ်ဖိတၢ်သိၣ်တၢ်သီအဆၢ 1798,83 ဟ့ၣ်၀ဲၢ်ပှၤစူးကါပအဲးပ်တဖၣ်အခွဲးလၢအမ့ၢ် ပှၤအိၣ်၀ဲဆိး၀ဲလၢခဲၣ်လံၣ်ဖိနံၤယၤ (California)တဖၣ် ဒ်သိးကဃ့န့ၢ်ဂ့ၢ်ကျိၤလီၤတံၢ်ဘၣ်ထွဲဒီးဂ့ၢ်ကျိၤလၢပဆှၢ၀ဲဆူပှၤသၢဖုတဖုတဖၣ်အအိၣ်လၢဖံးမၤဆါတၢ်အတၢ်ပညိၣ်အဂီၢ်န့ၣ်လီၤ. ဒ်သိးကမၤတၢ်ဃ့ကညးဒ်သိးအံၤအဂီၢ်, ၀ံသးစူၤဆှၢလီပရၢဆူ member.app@bluecrossmn.comမ့တမ့ၢ်ကွဲးလံာ်ဆူပအိၣ်လၢ:

Blue Cross and Blue Shield of Minnesota
P.O. Box 64560
St. Paul, MN 55164-0560

တၢ်ဂ့ၢ်ထၢဖှိၣ်တၢ်ဘံၣ်တၢ်ဘၢ

ပကူၣ်ထီၣ်ဖးလီၤကျိၤကျဲ လၢကမၤဘံၣ်မၤဘၢနဂ့ၢ်နကျိၤ ဒ်သိးအသုတလီၤမၢ်လၢအတၢ်တပာ်သူၣ်ပာ်သးအပူၤ ဒီး ပှၤနုာ်လီၤသူကမၣ်အီၤ, စူးကါ, လဲလိာ်, ဒီးဘိးဘၣ်ပာ်ဖျါထီၣ်တၢ်ဂ့ၢ်တဂ့ၤအဂီၢ်န့ၣ်လီၤ. တၢ်ဂ့ၢ်တၢ်ကျိၤလၢနဟ့ၣ်ပှၤခဲလၢာ်န့ၣ် ဘၣ်တၢ်ပာ်ဖှိၣ်ပာ်တံၤအီၤဘံ၀ဲၣ်ဘၢ၀ဲ ခီဖျိပမၤကျိၤကျဲလၢကတြီဆၢခီၣ်ဖၠူထၢၣ်အဃၢ်န့ၣ်လီၤ.

တၢ်ပူၤဖျဲးဒီးတၢ်ဘၣ်ယိၣ် ဒီးတၢ်ဘံၣ်တၢ်ဘၢဘၣ်ဃးနတၢ်ဂ့ၢ်တၢ်ကျိၤန့ၣ် ဒိးသန့ၤထီၣ်သးစ့ၢ်ကီးလၢနဖီခိၣ်န့ၣ်လီၤ. ဖဲလၢပဟ့ၣ်တ့ၢ်လံနၤ (မ့တမ့ၢ် ဖဲလၢနဃုထၢတ့ၢ်တၢ်) လံာ်ဖျၢၣ်ခူသူၣ်လၢကနုာ်လီၤဆူပအဲးပ်အကူာ်အက့တနီၤ, နအိၣ်ဒီးမူဒါလၢတၢ်ပၢၤဃာ်လံာ်ဖျၢၣ်ခူသူၣ်အံၤ လၢတၢ်ခူသူၣ်အပူၤန့ၣ်လီၤ. ပသံကွၢ်နၤဒ်သိးနသုတဟ့ၣ်ခီဟ့ၣ်နီၤနလံာ်ဖျၢၣ်ခူသူၣ်ဃုာ်ဒီးပှၤနီၤတဂၤတဂ့ၤအဂီၢ်န့ၣ်လီၤ. ပဟ့ၣ်သဆၣ်ထီၣ်နၤ လၢနကအိၣ်ဒီးတၢ်ပလီၢ်ပဒီသးဘၣ်ဃးဂ့ၢ်ကျိၤနဟ့ၣ်ထီၣ် လၢကမျၢၢ်လီၢ်လၢအဲးပ်အပူၤ လၢအမ့ၢ်ဒ်သိးဒီး တၢ်ဆှၢလံာ်ပရၢဘ့ၣ်ဘၣ်မိၢ်ပှၢ်တဖၣ်န့ၣ်လီၤ. တၢ်ဂ့ၢ်တၢ်ကျိၤလၢနဟ့ၣ်ခီဟ့ၣ်နီၤလၢကမျၢၢ်လီၢ်က၀ီၤတဖၣ်အပူၤန့ၣ် ဘၣ်တၢ်နုာ်လီၤကွၢ်အီၤသ့လၢပှၤစူးကါအဲးပ်အံၤကိးဂၤဒဲးန့ၣ်လီၤ.

လီၤသးအုးလၢ တၢ်စိာ်ခီဂာ်ဂ့ၢ်ကျိၤခီဖျိအ့ထၢၣ်နဲးဒီးလီတဲစိစိာ်စုတၢ်ရဲၣ်ကျဲၤအကျိၤကျဲတဖၣ်န့ၣ် တမၤဘံၣ်မၤဘၢအီၤလၢာ်လၢာ်ဆ့ဆ့ဘၣ်န့ၣ်လီၤ. ပဂုၢ်ကျဲးစၢးအဂ့ၤကတၢၢ် ဒ်သိးကဒီသဒၢနဂ့ၢ်နကျိၤ ဘၣ်ဆၣ်သနာ်က့, ပဟ့ၣ်တၢ်အုၣ်ကီၤလၢပမၤဘံၣ်မၤဘၢနဂ့ၢ်နကျိၤခီဖျိပအဲးပ်အံၤတသ့လၢာ်လၢာ်ဆ့ဆ့ဘၣ်န့ၣ်လီၤ. တၢ်ဂ့ၢ်တၢ်ကျိၤလၢနဟ့ၣ်အီၤတမံၤလၢ်လၢ်န့ၣ် တၢ်ဘၣ်ယိၣ်အလီၢ်အိၣ်လၢနစုပူၤန့ၣ်လီၤ. မူဒါတလီၤဘၣ်ပှၤလၢကဆီတလဲက့ၤ တၢ်ဆီလီၤပာ်လီၤခူသူၣ် မ့တမ့ၢ် တၢ်မၤဘံၣ်မၤဘၢကျိၤကျဲလၢပဟ့ၣ်ထီၣ်ဘၣ်န့ၣ်လီၤ.

တၢ်ဆီတလဲတဖၣ်ဆူပတၢ်ခူသူၣ်ကျဲသနူၤ

တဘျီၣ်တခီၣ်န့ၣ် ပကမၤသီထီၣ်က့ၤ ပတၢ်ခူသူၣ်ကျဲသနူၤန့ၣ်လီၤ. ပမ့ၢ်မၤဂ့ၢ်ကျိၤဆီတလဲတဖၣ် လၢပဆၢမၤဂ့ၤပပှၤစူးကါတၢ်ဖိတဖၣ်အနီၢ်ကစၢ်ဒၣ်၀ဲတၢ်ဂ့ၢ်တၢ်ကျိၤဒ်လဲၣ်န့ၣ်, ပကတီထီၣ်တၢ်ခူသူၣ်ကျဲသနူၤအသီလၢ ပပှာ်ယဲၤကဘျံးအလိၤန့ၣ်လီၤ. တၢ်ခူသူၣ်ကျဲသနူၤဘၣ်တၢ်ကွၢ်ကဒါက့ၤ ဒီးတၢ်ဘှီဂ့ၤထီၣ်က့ၤအနံၤသီန့ၣ် ဘၣ်တၢ်ပာ်ဖျါအီၤလၢပှာ်ယဲၤကဘျံးအထးန့ၣ်လီၤ.

တၢ်ဆဲးကျၢဆဲးကျိးတၢ်ဂ့ၢ်တၢ်ကျိၤ

ဒ်သိးကသံကွၢ်တၢ်သံကွၢ်တဖၣ်အဂီၢ် မ့တမ့ၢ် ဟ့ၣ်ထီၣ်တၢ်ထံၣ်ဘၣ်ဃး တၢ်ခူသူၣ်ကျဲသနူၤဒီးပခူသူၣ်တၢ်မၤလိသ့တဖၣ်အဂီၢ်ဒီးဆဲးကျိးပှၤဖဲmember.app@bluecrossmn.comမ့တမ့ၢ် ခီဖျိလီတဲစိဖဲ6516628000န့ၣ်တက့ၢ်.