မၤပှဲၤ ဟံၣ်ဃီပူၤ တၢ်ကွၢ်ထွဲ ပှၤသူၣ်က့သးပှၢ် တၢ်အိၣ်ဆူၣ်အိၣ်ချ့ လၢ မဲာ်ထရိၣ် Medicare Advantage ကရူၢ်ဖိတဖၣ်အဂီၢ်
Lifespark မၤသကိးတၢ်ဒီး Blue Cross and Blue Shield of Minnesota (Blue Cross) ဒ်သိးကဟဲစိာ် တၢ်တိစၢၤမၤစၢၤတဖၣ်လၢ တၢ်ရဲၣ်ကျဲၤပာ်အီၤ ခီဖျိ ဟံၣ်ဃီလၢ အလူၤထီၣ်တၢ်ဆၢကတီၢ် တၢ်ကိးစိ- လၢနတၢ်လၢာ်ဘူၣ်လၢာ်စ့ၤ တအါထီၣ်ဘၣ်န့ၣ်လီၤ. န Lifespark ကရူၢ် မၤလၢာ်တၢ်ဆၢကတီၢ်လၢ တၢ်သ့ၣ်ညါနၢ်ပၢၢ် တၢ်လၢအကါဒိၣ်လၢနဂီၢ် လၢနတၢ်အိၣ်ဆူၣ်အိၣ်ချ့ဒီး သးသမူဖီတၢၣ်တဖၣ် အဂီၢ်န့ၣ်လီၤ. အဝဲသ့ၣ်မၤသကိးတၢ်ဒီး ကသံၣ်သရၣ်တဖၣ် ဒီး ကသံၣ်သရၣ်လီၤဆီတဖၣ် ဘူးဘူးတံၢ်တံၢ် ဒ်သိးကသူၣ်ထီၣ်ဒီး မၤစၢၤဆီၣ်ထွဲ တၢ်ကွၢ်ထွဲ တၢ်တိာ်ကျဲၤလၢ တၢ်မၤဘၣ်လိာ်ဖိးဒ့သး တပယူာ်ဃီတမံၤအဂီၢ်န့ၣ်လီၤ. Lifespark အတၢ်တိစၢၤမၤစၢၤတဖၣ်န့ၣ် ပညိၣ်ဝဲဒၣ်လၢ တၢ်ဟံးထီၣ်ဖီၣ်ထီၣ် နကသံၣ်ကသီ, သးအတၢ်တူၢ်တၢ်ဒီး ပှၤတဝၢ အတၢ်ပာ်တၢ်လၢအကါဒိၣ်တဖၣ် အဖီခိၣ်န့ၣ်လီၤ.
Lifespark အပှၤနီၢ်ဒီတဂၤ အက့ၢ်အဂီၤဒိ လၢတၢ်အကိးအီၤလၢ Lifespark COMPLETETM န့ၣ် မၤစၢၤကရူၢ်ဖိတဖၣ်လၢ သးအနံၣ်အလါပှၢ်တဖၣ် ဖဲလၢအဝဲသ့ၣ်ကိးဆူဟံၣ် တဘျီလၢ်လၢ်န့ၣ်လီၤ. အဝဲသ့ၣ်မၤစၢၤ Medicare Advantage ကရူၢ်ဖိတဖၣ်လၢ မဲာ်ထရိၣ် လီၢ်ကဝီၤအပူၤ, လၢအပာ်ဃုာ်ဒီး Anoka, Carver, Dakota, Hennepin, Ramsey, Scott, ဒီး Washington လီၢ်ကဝီၤတဖၣ်န့ၣ်လီၤ.
Lifespark မၤစၢၤ၀ဲဒၣ်ဒ်လဲၣ်ႉ
Lifespark ဟဲစိာ် တၢ်တိစၢၤမၤစၢၤ ပှၤသူၣ်က့သးပှၢ် အတၢ်အိၣ်ဆူၣ်အိၣ်ချ့ လၢလၢပှဲၤပှဲၤ လၢတၢ်မၤဘၣ်လိာ်ဖိးဒ့အါထီၣ်တၢ်အပူၤ, လၢတၢ်လဲၤခီဖျိလၢ အဖှံအညီအပူၤ ဒ်သိး ကဆီၣ်ထွဲမၤစၢၤ တၢ်အိၣ်ဆူၣ်အိၣ်ချ့တၢ်ကွၢ်ထွဲလၢ အမၤသးဆူညါ, လီၤဆီဒၣ်တၢ်လၢပှၤတဖၣ်လၢ အအိၣ်ဒီး တၢ်အိၣ်ဆူၣ်အိၣ်ချ့ တၢ်လိၣ်ဘၣ် သဘံၣ်ဘုၣ်အဂီၢ်န့ၣ်လီၤ.
- ဟံၣ်ဃီပူၤ တၢ်လဲၤကွၢ် လၢတၢ်မၤဖှံညီထီၣ်တၢ် - ထံၣ်လိာ်သးဒီး Lifespark ကရူၢ်ဖိဒ်သိး နကဒိးန့ၢ်ဘၣ် တၢ်ကွၢ်ထွဲလၢဟံၣ်ပူၤဃီပူၤ မ့တမ့ၢ် တၢ်ဒိးကွၢ်သးလၢ အ့ထၢၣ်နဲးအဖီခိၣ်, လၢအဂ့ၤကတၢၢ်လၢ နဂီၢ်န့ၣ်လီၤ.
- ကသံၣ်သရၣ်တဖၣ် လၢသ့ၣ်ညါနၤ-လီၤဆီဒၣ်တၢ်လၢ ပှၤသူၣ်က့သးပှၢ်တဖၣ်လၢ အအိၣ်ဒီးတၢ်လိၣ်ဘၣ်လီၤလီၤဆီဆီအဂီၢ်, Lifespark ထုးကွံာ် သးအတၢ်ဃၢတၢ်စံၣ်လၢအဘၣ်ထွဲဒီး တၢ်ကွၢ်ထွဲ အါကလုာ် အကရူၢ် ခီဖျိ တၢ်ကတိစၢၤတၢ်လၢ နတၢ်အိၣ်ဆူၣ်အိၣ်ချ့ တၢ်အကါဒိၣ်တဖၣ်အဂီၢ်ဒီး တၢ်ဆဲးကျၢဆဲးကျိးဆိပာ်လၢ တၢ်မၤအီၤဒီး နကသံၣ်သရၣ်တဖၣ်ဒီး ကသံၣ်သရၣ်လီၤဆီတဖၣ် န့ၣ်လီၤ.
- ဖဲနလိၣ်ဘၣ်အီၤအခါ အဝဲအိၣ်လီၤ - ပှၤသ့ဘၣ်စဲၣ်နီၤလၢ ကသံၣ်ကသီတဖၣ် လၢအအိၣ်ဒီးလဲးစ့ၣ်န့ၣ် နဒိးန့ၢ်အီၤသ့ 24/7 လၢကစံးဆၢ နတၢ်သံကွၢ်တဖၣ် မ့တမ့ၢ် ကဟ့ၣ်ထီၣ် တၢ်နဲၣ်ကျဲတဘျီဃီ လၢလီတဲစိအပူၤန့ၣ်လီၤ.
- ဘၣ်တၢ်ကျၢၢ်ဘၢဟ့ၣ်စၢၤအီၤလၢ Blue Cross - Lifespark မၤသကိးတၢ်ဒီး Blue Cross န့ၣ်ကဟဲစိာ်န့ၢ်နၤတၢ်ကွၢ်ထွဲလၢအအိၣ်ဒီးအကံၢ်အစီဂ့ၤဂ့ၤလၢ တလိၣ်ဟ့ၣ်အါထီၣ်တၢ်လၢာ်ဘူၣ်လၢာ်စ့ဘၣ်န့ၣ်လီၤႉ
လၢလါယနူၤအါရံၤ1, 2023 န့ၣ်, Lifespark ဟံးန့ၢ် Livio Health န့ၣ်လီၤ. Livio အပှၤဆါတဖၣ်န့ၣ်ဒိးန့ၢ်ဘၣ်၀ဲဒၣ် တၢ်ဟ့ၣ်မၤစၢၤဒီးတၢ်ဆီၣ်ထွဲဒ်သိးသိးလၢ Lifespark အဖီလာ်ဆူညါန့ၣ်လီၤႉ ကမၤလိအါထီၣ်တၢ်ဘၣ်ဃး Lifespark အဂီၢ် နုာ်လီၤကွၢ်ဆူ lifespark.com တက့ၢ်.
နမ့မ့ၢ် Livio Health ပှၤဆူးပှၤဆါတဂၤအဃိ, ဝံသးစူၤကိးဘၣ် (952)345-8770 ဖဲနလိၣ်ဘၣ်တၢ်မၤစၢၤဆီၣ်ထွဲအခါတက့ၢ်. Livio Health န့ၣ်အခဲအံၤတတူၢ်လိာ်ဝဲ ပှၤဆါအသီတဖၣ်ဘၣ်.
ဆူၣ်ချ့တၢ်ရဲၣ်တၢ်ကျဲၤတဖၣ်
ပညိၣ်သးစၢၤဆၢတၢ်လၢနတၢ်ဆူၣ်ချ့အဖီခိၣ်န့ၣ်ညီဒိၣ်ဝဲဖဲအိၣ်ဒီး တၢ်အပီးအလီတဖၣ်ဒီးတၢ်ဆီၣ်ထွဲမၤစၢၤလၢအကြၢးအဘၣ်န့ၣ်လီၤ. ဃိထံသ့ၣ်ညါလၢပမၤစၢၤနၤသ့၀ဲဒ်လဲၣ်န့ၣ်တက့ၢ်.