ပှၤသၢဖုတဖုတၢ်ဟ့ၣ်အဘူးအလဲ ဒီး/မ့တမ့ၢ် တၢ်နီၤဟ့ၣ်စၢၤတၢ်အဘူးအလဲလၢနၤဒီးတၢ်အုၣ်ကီၤဘၣ်ဟ့ၣ်၀ဲဒၣ်

ကရူၢ်ဖိတဖၣ်န့ၣ်ဘၣ်တၢ်မၢအီၤဒ်ကပိာ်ထွဲ ပှၤသၢဖုတဖုတၢ်ဟ့ၣ်အဘူးအလဲတၢ်ပာ်ပနီၣ်တဖၣ်လၢအအိၣ်ဖဲ တၢ်ဘျၢ/တၢ်တိာ်ကျဲၤလံာ်ဃံးဃာ်အပူၤန့ၣ်လီၤႉ တၢ်ဂ့ၢ်လီၤတံၢ်လီၤဆဲးဘၣ်ဃးဒီးပှၤသၢဖုတဖုတၢ်ဟ့ၣ်အဘူးအလဲတၢ်ဘျၢအဂီၢ်န့ၣ် ဟံးန့ၢ်အီၤသ့ဝဲလၢပ ပှၤသၢဖုတဖုတၢ်နဲၣ်ကျဲတဖၣ် (PDF) န့ၣ်လီၤ. လၢတၢ်ဃ့ထီၣ်တၢ်နဲၣ်ကျဲတဖၣ်အလံာ်ကဘျံးအဒိအဂီၢ် ဝံၤသးစူၤဆဲးကျိးဘၣ်ဆူ လီတဲစိနီၣ်ဂံၢ်တဖၣ်အံၤလၢအဖီလာ်န့ၣ်တက့ၢ်ႉ

ဘၣ်ထွဲဒီးလံာ်အဒိတဖၣ်အဂ့ၢ်: လၢအကအိးထီၣ် မ့တမ့ၢ် မၤပှဲၤPDFလံာ်အဒိတဖၣ်အဂီၢ်, နကလိၣ်ဘၣ် Adobe Acrobat Reader န့ၣ်လီၤႉ မ့ၢ်နအိၣ်ဒီးတၢ်ကီတၢ်ခဲလၢတၢ်အိးထီၣ်PDFsအဂီၢ်ဧါႉ ကွၢ်တၢ်ဟ့ၣ်ကူၣ်တဖၣ်လၢ Adobe ပူၤတက့ၢ်.

ပတူၢ်လိာ်တၢ်ဟ့ၣ်အဘူးအလဲလၢမတၤတဂၤအအိၣ်လဲၣ်

ဒ်တၢ်ဘျၢဒီး တၢ်ဖီၣ်ဃံးတၢ်သိၣ်တၢ်သီနဲၣ်ကျဲလၢအဘၣ်တၢ်စူးကါအီၤတဖၣ် လိၣ်ဘၣ်ဝဲအသိး, Blue Cross ကတူၢ်လိာ်ဝဲတၢ်အုၣ်ကီၤအဘူးအလဲဒီး တၢ်နီၤဟ့ၣ်စၢၤတၢ်အဘူးအလဲတဖၣ်လၢ ဘၣ်တၢ်ဟ့ၣ်ခဲးန့ၢ်ပှၤလၢအဆဲးလီၤမံၤတဖၣ်လၢပှၤတဖၣ်/တၢ်အိၣ်လီၤဆီတဖၣ်ဒ်တၢ်ပာ်ဖျါလၢအဖီလာ်အံၤအသိး လၢအမ့ၢ်ဝဲပှၤဆဲးလီၤမံၤသ့ၣ်တဖၣ်အခၢၣ်စးအသိးလီၤ (တၢ်အိၣ်သးလီၤဆီလၢ အလီၤဆူအဖီလာ်,မ့ၢ်တၢ်အိၣ်သးလီၤဆီလၢအညီနုာ်ထၢဖှိၣ် တၢ်အုၣ်ကီၤတဖၣ် မ့တမ့ၢ် တၢ်နီၤဟ့ၣ်တၢ်အဘူးအလဲလၢပှၤအဖုဒ်န့ၣ်အဂီၢ်လီၤ):

• Ryan White HIV/AIDS အတၢ်ရဲၣ်တၢ်ကျဲၤ
• ကီၢ်စၢဖှိၣ်ဒီးကီၢ်စဲၣ်ပဒိၣ်အတၢ်ရဲၣ်တၢ်ကျဲၤအဂၤတဖၣ် (မ့တမ့ၢ် ပှၤဒိးန့ၢ်ဘၣ်တၢ်ဆီၣ်ထွဲတဖၣ်) လၢအဟ့ၣ်ထီၣ်တၢ်အုၣ်ကီၤအဘူးအလဲဒီးတၢ်ဆီၣ်ထွဲမၤစၢၤတၢ်နီၤဟ့ၣ်စၢၤတၢ်အဘူးအလဲလၢပှၤလီၤဆီတနီၤ
• ပှၤထူလံၤဖိအကလုာ်ဒူၣ်တဖၣ်, ကလုာ်ဒူၣ်ကရၢကရိတဖၣ်ဒီး ပှၤထူလံၤဖိကရၢကရိတဖၣ်လၢဝ့ၢ်ပူၤ
• တၢ်မၤလီၢ်ဆံးတဖၣ်လၢအကြၢးဝဲဒီး တၢ်မၤလီၢ်ဆံးတၢ်ဟ့ၣ်ကဒါက့ၤစ့လၢဆူၣ်ချ့ဂီၢ်တၢ်ရဲၣ်တၢ်ကျဲၤ(QSEHRA) လၢ 21တဘျီနံၣ်ယၤဖှိၣ်တၢ်ယါဘျါသဲစး (Minn. Stat. § 62L.12(m))
• တၢ်မၤကစၢ်တဖၣ်လၢအသူဝဲဒၣ် တၢ်ဟ့ၣ်က့ၤစ့လၢဆူၣ်ချ့ဂီၢ်တၢ်ရဲၣ်တၢ်ကျဲၤ (HRA) န့ၣ်ဒိးန့ၢ်ဝဲတၢ်ပျဲ, ပၢၢ်တုၤလၢ တၢ်ဟ့ၣ်ကျိၣ်စ့တၢ်မၤစၢၤလၢ တၢ်အဘူးအလဲဒ်သိးအံၤတဖၣ်အဂီၢ်ခီဖျိ HRA တခါလၢအဒုးအိၣ်ထီၣ် ဆူၣ်ချ့တၢ်တိာ်ကျဲၤကရူၢ်တကရူၢ်လၢအအိၣ်ဖဲ ပဒိၣ်တၢ်သိၣ်တၢ်သီလၢဘၣ်တၢ်စူးကါအီၤတဖၣ်အဖီလာ်, လၢအတဘၣ်တၢ်ဟ့ၣ်ပျဲခီဖျိ ကွီၢ်ဘျီၣ်အိၣ်ဒီးအစိကမီၤလၢကစံၣ်ညီၣ်တၢ်အဂီၢ်ဘၣ်လီၤႉ တၢ်အံၤဘၣ်တၢ်သ့ၣ်ညါအီၤဒ်အမ့ၢ် ပှၤတဂၤလၢ်လၢ်အတၢ်ဟ့ၣ်အဘူးအလဲ တၢ်ဟ့ၣ်ကဒါက့ၤစ့လၢဆူၣ်ချ့ဂီၢ်တၢ်ရဲၣ်တၢ်ကျဲၤ (ICHRA) န့ၣ်လီၤ.

Blue Cross ကတူၢ်လိာ်ဝဲစ့ၢ်ကီးတၢ်အုၣ်ကီၤအဘူးအလဲ ဒီး/မ့တမ့ၢ် တၢ်နီၤဟ့ၣ်စၢၤတၢ်အဘူးအလဲတဖၣ်လၢ ဘၣ်တၢ်ဟ့ၣ်ခဲးအီၤလၢပှၤသၢဖုတဖုလၢ ပှၤဆဲးလီၤမံၤတဖၣ်အခၢၣ်စး လၢအမ့ၢ်ပှၤတဖၣ်လၢအအိၣ်ဒီး Blue Cross တၢ်တူၢ်လိာ်ဆိလၢကဟ့ၣ်တၢ်ဒ်သိးအံၤတဖၣ်ဂီၢ်န့ၣ်လီၤႉ ဒ်သိးကပတံထီၣ်တၢ်အၢၣ်လီၤတူၢ်လိာ်အဂီၢ်, ပှၤသၢဖုတဖုလၢအဟ့ၣ်တၢ်န့ၣ်ကဘၣ်မၤလၢပှဲၤ ပှၤသၢဖုတဖုလံာ်အဒိ (PDF) ဒီးကဘၣ်ဟ့ၣ်ထီၣ်တၢ်လၢအဟဲတုၤအိၣ်တဖၣ် န့ၣ်လီၤႉService.Center@bluecrossmn.com မ့တမ့ၢ် ခီဖျိလၢ လံာ်ပရၢ:

Blue Cross ဒီး Blue Shield လၢ Minnesota ဒီး Blue Plus
ပှၤဆှၢလံာ်ပရၢအတလါနီၣ်ဂံၢ်982811
El Paso, TX 79998

ပှၤလၢပတတူၢ်လိာ်အတၢ်ဒိးဟ့ၣ် တၢ်လၢာ်ဘူၣ်လၢာ်စ့တဖၣ်န့ၣ်မ့ၢ်ဝဲ

ပှၤသၢဖုတဖုကရၢလၢ အတအိၣ်လၢစရီပာ်ဖျါတ့ၢ်လၢထးအသိး (မ့တမ့ၢ် ပှၤလၢ Blue Cross တလိၣ်တူၢ်လိာ်ဝဲ ပှၤသၢဖုတဖုအတၢ်ဒုးဟ့ၣ်တၢ်လၢာ်ဘူၣ်လၢာ်စ့ ဒ်တၢ်သိၣ်တၢ်သီအိၣ်အသိးဘၣ်) တဖၣ်န့ၣ်ကဘၣ်တၢ်ယၢၤထီၣ်အီၤဒ်အမ့ၢ် "ပှၤသၢဖုတဖုလၢအတကြၢးဒီးတၢ်ဃုထၢတဖၣ်" န့ၣ်လီၤႉ လၢတၢ်ကမၤၡဲမၤပျီတၢ်အဂီၢ်, ဘၣ်ဆၣ်တမ့ၢ်ဒ်သိးကမၤတၢ်တြီအဂီၢ်ဘၣ်, ဆၢကတီၢ်အခဲအံၤ Blue Cross တတူၢ်လိာ်ဝဲတၢ်ဒုးဟ့ၣ်တၢ်လၢာ်ဘူၣ်လၢာ်စ့လၢ တၢ်အုၣ်ကီၤအဘူးအလဲတဖၣ်အဂီၢ်ဘၣ် မ့တမ့ၢ် တၢ်နီၤဟ့ၣ်တၢ်လၢာ်ဘူၣ်လၢာ်စ့ခီဖျိ ပှၤသၢဖုတဖုလၢအတကြၢးဒီးတၢ်ဃုထၢတဖၣ် လၢအဖီလာ်အသိး ဒ်တၢ်တိာ်ကျဲၤတဖၣ်လၢ အအိၣ်ဒီးမူဒါလၢ Blue Cross တၢ်နဲၣ်ကျဲၤတဖၣ်လၢအဘၣ်ထွဲဒီး ပှၤသၢဖုတဖုတၢ်ဒုးဟ့ၣ်တၢ် အဖီခိၣ်ဘၣ်လီၤ:

• တၢ်အိၣ်လီၤဆီတဖၣ်လၢပနံာ်တၢ်ကၤအဂီၢ် (မ့တမ့ၢ် လၢစ့အထိးနါအဂီၢ်) လၢအအိၣ်ဒီးကျိၣ်စ့တၢ်ဘၣ်ထွဲလိၤလိၤ မ့တမ့ၢ် ဒ်လၢကျဲအဂၤ
• တၢ်ဆါဟံၣ်တဖၣ်, ဒီးဆူၣ်ချ့တၢ်ကွၢ်ထွဲပှၤဟ့ၣ်မၤစၢၤတၢ်အဂၤတဖၣ် (ပၣ်ဃုာ်ဝဲ, တအိၣ်ဒီးတၢ်တြီဆၢ, ပှၤဆီၣ်ထွဲကွၢ်ထွဲတၢ်တဖၣ်)
• လၢတၢ်တိာ်ကျဲၤလၢအကဲထီၣ်ကဲထီၣ်ဖဲ လါယနူၤအါရံၤ 1, 2017 သီ မ့တမ့ၢ် အလီၢ်ခံအဂီၢ်, ကီၢ်အမဲရကါကလ့ၣ်ပာ်ဖှိၣ်စ့ကရၢ (AKF)
• တၢ်မၤကစၢ်တဖၣ်လၢအဟ့ၣ်တၢ်အဘူးအလဲလၢ ပှၤတဂၤဘၣ်တဂၤတၢ်တိာ်ကျဲၤအကရူၢ်ဖိတဖၣ်အဂီၢ် (တပၣ်ဃုာ်ဒီးပှၤလၢအမၤဒၣ်အကစၢ်တၢ်မၤ လၢအဟ့ၣ်တၢ်ဟ့ၣ်အဘူးအလဲအတၢ်ဒၣ်ဝဲ တဖၣ်ဘၣ်)

တၢ်ဘူၣ်တၢ်ဘါကရၢကရိတဖၣ်ဒီး တၢ်ကရၢကရိမၤတၢ်လၢအတမ့ၢ်လၢတၢ်န့ၢ်ဘၣ် ကျိၣ်စ့အထိးနါတဖၣ် လၢအအိၣ်ဒီးကျိၣ်စ့တၢ်ဘၣ်ထွဲလိၤလိၤ မ့တမ့ၢ် လၢကျဲအဂၤတဖၣ်စ့ၢ်ကီး ကဘၣ်တၢ်ဆိကမိၣ်အီၤဒ်အမ့ၢ် ပှၤသၢဖုတဖုလၢအတကြၢးဒီးတၢ်ဃုထၢတဖၣ်န့ၣ်လီၤႉ

တၢ်အမံၤစရီအံၤကဘၣ်တၢ်မၤသီထီၣ်က့ၤအီၤတဘျီဘၣ်တဘျီ ဒ် Blue Cross အတၢ်သဘျ့လၢကဆၢတဲာ်လီၤအတၢ်ဒၣ်ကစၢ် အခွဲးအိၣ်ဝဲလဲလဲအသိးန့ၣ်လီၤႉ ဝံၤသးစူၤဆှၢဒုးသ့ၣ်ညါတၢ်ဆူ တၢ်နဲၣ်ကျဲတဖၣ်လၢအဘၣ်ထွဲဒီး ပှၤသၢဖုတဖုတၢ်ဒုးဟ့ၣ်တၢ်(PDF) လၢတၢ်ပာ်ဖျါထီၣ်တၢ်တိာ်ကျဲၤတဖၣ်လၢ အအိၣ်ဒီးမူဒါလၢပှၤသၢဖုတဖုတၢ်ဒုးဟ့ၣ်တၢ်ကျဲသနူအဂီၢ်န့ၣ်လီၤႉ

ဖဲပှၤအဂၤတဖၣ်ကျဲးစၢးဒ်သိးကဒုးဟ့ၣ်တၢ်အခါန့ၣ် တၢ်မနုၤကဲထီၣ်ဝဲသ့လဲၣ်

Blue Cross န့ၣ်, ဒ်အတၢ်ကူၣ်ဘၣ်ဖးသ့အိၣ်ဝဲအသိးဒီး ဒ်အဒိးသန့ၤထီၣ်အသးလၢတၢ်ကြၢးဒီးတၢ်ဘျၢဒီး တၢ်နဲၣ်ကျဲလၢအဖီၣ်ဂၢၢ်တၢ်သိၣ်တၢ်သီတဖၣ်အသိး, မၤလီၤစှၤဝဲ တၢ်တူၢ်လိာ် တၢ်အုၣ်ကီၤအဘူးအလဲဒီး တၢ်နီၤဟ့ၣ်စၢၤတၢ်အဘူးအလဲတဖၣ်လၢ အဘၣ်တၢ်မၤအီၤလိၤလိၤမ့တမ့ၢ် လၢကျဲအဂၤ**ခီဖျိပှၤတဂၤဂ့ၤတဂၤဂ့ၤ မ့တမ့ၢ် တၢ်အိၣ်လီၤဆီတမံၤလၢ Blue Cross အဂီၢ်တအိၣ်ဒီးတၢ်ဘျၢလၢ အကတူၢ်လိာ်ပှၤသၢဖုတဖုဒ်သိးအံၤတဖၣ် ဟ့ၣ်ဝဲတၢ်အဘူးအလဲ ဒီး/မ့တမ့ၢ် တၢ်နီၤဟ့ၣ်တၢ်အဘူးအလဲအဂီၢ်ဘၣ်လီၤႉ "တၢ်အဘူးအလဲတဖၣ်" န့ၣ်ပၣ်ဃုာ်ဒီးတၢ်ဟ့ၣ်လၢကျဲအကလုာ်ကလုာ်ဒ်သိးအံၤတဖၣ်, အဒိ: ကျိၣ်စ့, ခၠဲး(ခ), တၢ်နဲၣ်လီၤဆှၢစ့ခီဖျိစ့တၢး, ကဒွဲခးက့, ဆှၢအံၣ်လဲးထြီနံးစ့ပာ်ဖှိၣ်, ဒီးတၢ်အဂၤလီၤႉ

တၢ်ဒုးဟ့ၣ်တၢ်အဘူးအလဲတမံၤဂ့ၤတမံၤဂ့ၤလၢ အဘၣ်တၢ်ဟ့ၣ်အီၤခီဖျိ ပှၤသၢဖုတဖုလၢအတကြၢးဒီးတၢ်ဃုထၢတဖၣ်န့ၣ် တဘၣ်တၢ်ဒွးဃုာ်အီၤဆူ ပှၤဆဲးလီၤမံၤတဂၤတၢ်ဟ့ၣ်ဆိအဘူးအလဲ မ့တမ့ၢ် တၢ်ဟ့ၣ်အဘူးအလဲလၢနီၢ်ကစၢ်စ့ အအါကတၢၢ်အဂီၢ်ဘၣ်န့ၣ်လီၤ. "တၢ်နီၤဟ့ၣ်စၢၤတၢ်အဘူးအလဲ" န့ၣ်ပာ်ဃုာ်ဒီးတၢ်ဒုးဟ့ၣ်တၢ်အဘူးအလဲတဖၣ်ဒ်အမ့ၢ် တၢ်ဟ့ၣ်ဆိအဘူးအလဲ, တၢ်ဟ့ၣ်သဃဲၤဒီး တၢ်အုၣ်ကီၤဟ့ၣ်သဃဲၤတဖၣ်လီၤႉ Blue Cross ကမၤဝဲ တၢ်မၤဘၣ်လိာ်က့ၤတၢ်လၢအဟံးကဒါက့ၤအရ့သ့ ဒ်သိးကဒုးနဲၣ်ဝဲ တၢ်ဒုးဟ့ၣ်တၢ်အဘူးအလဲတမံၤဂ့ၤတမံၤဂ့ၤ လၢအဟဲခီဖျိဝဲလၢ ပှၤသၢဖုတဖုလၢအတကြၢးဒီးတၢ်ဃုထၢတဖၣ်အဂ့ၢ်လီၤႉ

တၢ်ဆီတလဲမ့ၢ်အိၣ်ဝဲတမံၤမံၤန့ၣ် ဒုးသ့ၣ်ညါဘၣ်ပှၤတက့ၢ်

နကဘၣ်ဟ့ၣ်ဒုးသ့ၣ်ညါBlue Crossတဘျီဖဲတၢ်ဆီတလဲမ့ၢ်အိၣ်ထီၣ်လၢတၢ်ဂ့ၢ်တၢ်ကျိၤဖဲနတီၢ်ထီၣ်ဝဲလၢနတၢ်ပတံထီၣ်တၢ်အပူၤလၢတၢ်ဟ့ၣ်အဘူးအလဲအဂီၢ် မ့တမ့ၢ် တၢ်အဂုၤအဂၤလၢအဘၣ်ထွဲဒီးပှၤသၢဖုတဖုအတၢ်ဒုးဟ့ၣ်တၢ်အဘူးအလဲ တမံၤဂ့ၤတမံၤဂ့ၤအဂီၢ်န့ၣ်တက့ၢ်ႉ

ဘၣ်မနုၤတၢ်အံၤအရ့ဒိၣ်ဝဲဒၣ်လဲၣ်

ပှၤတဂၤဂ့ၤတဂၤဂ့ၤ မ့တမ့ၢ် တၢ်အိၣ်လီၤဆီတမံၤလၢ အဘိးကဒါက့ၤတၢ်တြီဃာ်တဖၣ်အံၤ ဒီး/မ့တမ့ၢ် ပှၤသၢဖုတဖုလၢအတကြၢးဒီးတၢ်ဃုထၢတဖၣ်အတၢ်ဒိးဟ့ၣ်တၢ်အဘူးအလဲ ဒ်ဘၣ်တၢ်ပာ်ဖျါတ့ၢ်အီၤလံလၢထးအသိးန့ၣ် ကဘၣ်ဟံးန့ၢ်အမူအဒါဒီး ကဘၣ်ဟ့ၣ်က့ၤကျိၣ်စ့တဖၣ်ဆူ Blue Cross အအိၣ်လၢတၢ်လၢာ်ဘူၣ်လၢာ်စ့ခဲလၢာ်အဂီၢ်လၢ အဘၣ်ထွဲဒီးတၢ်တိာ်ကျဲၤလၢအသူဝဲဒၣ် မ့တမ့ၢ် ကျဲသနူဘၣ်ထွဲဒီးတၢ်ဘိးကဒါက့ၤ မ့တမ့ၢ် တၢ်ဒိးဟ့ၣ်တၢ်လၢာ်ဘူၣ်လၢာ်စ့လၢတကြၢးဒီးတၢ်ဃုထၢအဂီၢ်န့ၣ်လီၤႉ

တၢ်ဒိးဟ့ၣ်ကျိာ်စ့လၢ တၢ်အုၣ်ကီၤအဘူးအလဲတဖၣ်အဂီၢ် ဒီး/မ့တမ့ၢ် တၢ်နီၤဟ့ၣ်တၢ်လၢာ်ဘူၣ်လၢာ်စ့တဖၣ်အဂီၢ် ခီဖျိလၢပှၤသၢဖုတဖုလၢအတကြၢးဒီးတၢ်ဃုထၢတဖၣ်အဃိဒီး တၢ်မၤအသးသ့ဝဲဒၣ်လၢ အကဒုးကဲထီၣ်တၢ်ဘၣ်ဂံာ်ဂူာ်လၢကျိၣ်စ့အထိးနါအဂီၢ်, အကမၤက့ၣ်မၤကူဆူၣ်ချ့တၢ်ဟ့ၣ်အဘူးအလဲတၢ်ဘၣ်ယိာ်အဘၢၣ်ကဝီၤဒီး အကဒုးအါထီၣ်တၢ်တံာ်တာ်လၢတၢ်ဃုထၢအဂီၢ်တဖၣ်လီၤႉ အဝဲအံၤပတိာ်ပာ်အီၤဒ်သိး တၢ်သူအီၤကသ့လၢ ဆူၣ်ချ့တၢ်ဟ့ၣ်အဘူးအလဲၤတၢ်ပနံာ်တၢ်ကၤအလီၢ်ခဲလၢာ်အဖီခိၣ် လၢဆၢကတီၢ်ထီရီအဂီၢ်ဒီး တၢ်အစဲကဟဲထီၣ်ဒ် အတၢ်အါထီၣ်အပတီၢ်လၢတၢ်ပနံာ်တၢ်ကၤအလီၢ်ဒီတခါပူၤအဂီၢ်လီၤႉ

Blue Cross ကတီၤဃာ်အတၢ်သဘျ့လၢကဆၢတဲာ်လီၤအတၢ်ဒၣ်ကစၢ် အခွဲးအိၣ်ဝဲလဲလဲအသိး လၢအဘၣ်ထွဲဒီးတၢ်ပာ်ကဲအတၢ်အၢၣ်လီၤတူၢ်လိာ် ပှၤသၢဖုတဖုအတၢ်ဟ့ၣ်အဘူးအလဲတဖၣ်အခွဲးအယာ်န့ၣ်လီၤႉ Blue Cross ကမၤတၢ်ဆီတလဲတဖၣ်လၢ အတၢ်ပၢတၢ်ဆှၢလၢအအိၣ်တၢ်ဒ်အလီၢ်လီၢ်သိးအပူၤဒီး မ့ၢ်လၢအလိၣ်ဘၣ်တၢ်ကလူၤပိာ်ထွဲတၢ်ဆီၣ်ထွဲမၤစၢၤတၢ် ခီဖျိလၢတၢ်ဘျၢဒီး/မ့တမ့ၢ် တၢ်နဲၣ်ကျဲလၢအဖီၣ်ဂၢၢ်တၢ်သိၣ်တၢ်သီတဖၣ်အဃိန့ၣ်လီၤႉ

တၢ်သံကွၢ်အိၣ်ဧါ.

နတၢ်သံကွၢ်မ့ၢ်အိၣ်လၢဘၣ်ထွဲဒီး ပှၤသၢဖုတဖုတၢ်ဟ့ၣ်အဘူးအလဲတၢ်ဘျၢအဂီၢ် မ့တမ့ၢ် Blue Cross တူၢ်လိာ်မ့ၢ်တတူၢ်လိာ်တၢ်အုၣ်ကီၤအဘူးအလဲဘၣ်အဂ့ၢ် ဒီး/မ့တမ့ၢ် တၢ်နီၤဟ့ၣ်တၢ်အဘူးအလဲ ဘၣ်တၢ်မၤအီၤခီဖျိပှၤလီၤတံၢ်တဂၤ မ့တမ့ၢ် တၢ်အိၣ်လီၤဆီတမံၤအဃိဒီး, ပမၤစၢၤသ့ဝဲန့ၣ်လီၤႉ

နမ့မ့ၢ် Blue Cross ကရူၢ်ဖိတဂၤ: ဝံၤသးစူၤဆဲးကျိးတၢ်တိစၢၤမၤစၢၤလၢပှၤစူးကါတၢ်ဖိအဂီၢ် လၢအအိၣ်ဖဲနကရူၢ်ဖိ (ID) ခး အလီၢ်ခံန့ၣ်တက့ၢ်
နမ့တမ့ၢ်Blue Cross ကရူၢ်ဖိတဂၤဘၣ်န့ၣ်: ဝံၤသးစူၤဆဲးကျိးဘၣ်ဆူ 1-800-382-2000 တက့ၢ်

 

**တၢ်ဒုးဟ့ၣ်တၢ်အဘူးအလဲလၢကျဲအဂၤန့ၣ်ပာ်ဃုာ်ဒီး, အဒိ, ပှၤသၢဖုတဖုလၢအတကြၢးဒီးတၢ်ဃုထၢတဖၣ်အမၤတၢ်သမံသမိး မ့တမ့ၢ် ဒုးဟ့ၣ်တၢ်ဆူပှၤလၢအဆဲးလီၤဃာ်အမံၤ ဒ်သိးကဟ့ၣ်တၢ်ခွဲးလၢပှၤဆဲးလီၤမံၤကဟ့ၣ်တၢ်အဘူးအလဲဘၣ်ထွဲဒီး Blue Cross အဂီၢ်န့ၣ်လီၤႉ