မၤလိအါထီၣ်ဘၣ်ဃးတၢ်ဟ့ၣ်ကဒါက့ၤတၢ်အုၣ်ကီၤအဘူးအလဲ

ဖရံမံၣ်ယၢၣ်တၢ်ဟ့ၣ်က့ၤအဘူးအလဲတနီၤ မ့ၢ်ဝဲတၢ်အတီၤပတီၢ်တမံၤ လၢဆူၣ်ချ့တၢ်တိာ်ကျဲၤတဖၣ်အဂီၢ်န့ၣ်လီၤ. နမ့ၢ်အိၣ်ဒီးနီၢ်တဂၤ ဒီးဟံၣ်ဃီတၢ်တိာ်ကျဲၤ မ့တမ့ၢ် Medicare တၢ်ထၢနုာ်အါထီၣ်တၢ်ဟ့ၣ်ဆိအဘူးအလဲထီ F တၢ်တိာ်ကျဲၤန့ၣ် ဘၣ်သ့ၣ်သ့ၣ်နကဒိးန့ၢ်ဘၣ် ဆူၣ်ချ့တၢ်အုၣ်ကီၤတၢ်ဟ့ၣ်က့ၤအဘူးအလဲခၠဲး လၢတၢ်ဂိၢ်ထီၣ်သီကတီၢ်အံၤ လၢန 2021 ဖရံမံၣ်ယၢၣ်တဖၣ် တကူာ်အဂီၢ်န့ၣ်လီၤ.

ပတၢ်ပညိၣ်န့ၣ် မ့ၢ်၀ဲဒ်သိးပကဟ့ၣ်လီၤ၀ဲတၢ်ဟ့ၣ်အဘူးအလဲလၢပဟ့ၣ်အီၤန့ၢ်အသိးလီၤ. တဘျီတခီၣ်န့ၣ်, တၢ်အဘူးအလဲလၢပဟ့ၣ်လီၤလၢ တၢ်ကွၢ်ထွဲတၢ်အဘူးအလဲလၢဒီတနံၣ်ကျၢၤအဂီၢ်န့ၣ် စ့အဆၢတဲကွံာ်၀ဲဒၣ်သ့န့ၣ်လီၤ.

တၢ်သံကွၢ်လၢပှၤသံကွၢ်အီၤအါတဖၣ်

ဘၣ်မနုၤအဃိယဒိးန့ၢ်ဘၣ် စ့အလံာ်ဖီတဲာ်လဲၣ်. 

နမ့မ့ၢ် မ့တမ့ၢ် မ့ၢ်တ့ၢ် နီၢ်တဂၤမ့တမ့ၢ်ဟံၣ်ဃီတၢ်တိာ်ကျဲၤကရူၢ်ဖိတဂၤန့ၣ် န Medical Loss Ratio (MLR) တၢ်ဟ့ၣ်က့ၤအဘူးအလဲတဖၣ်န့ၣ် တၢ်ကဘၣ်မၤအီၤလၢ အပှ့ၤဘၣ်တၢ်ကွၢ်ထွဲတၢ်သိၣ်ဘျၢအဃိ ဒီးလိၣ်ဘၣ်လၢဆူၣ်ချ့တၢ်တိာ်ကျဲၤခဲလၢာ် လၢကမၤလီၤတံၢ်လၢ အစှၤကတၢၢ် 80 မျးကယၤလၢဖရံမံၣ်ယၢၣ်တဖၣ်န့ၣ် လဲၤဆူတၢ်ကွၢ်ထွဲကရူၢ်ဖိတဖၣ် - ဒ်အမ့ၢ်ကသံၣ်သရၣ်တဖၣ် ဒီးတၢ်ဆါဟံၣ်အဘူးအလဲတဖၣ် - ဒီးတၢ်ဟူးတၢ်ဂဲၤတဖၣ် လၢကမၤဒိၣ်ထီၣ်ဆူၣ်ချ့တၢ်ကွၢ်ထွဲအကံၢ်အစီအဂီၢ်န့ၣ်လီၤ. နမ့ၢ်ကြၢးဒီးတၢ်ထုးလီၤစှၤတၢ်အုၣ်ကီၤအဘူးအလဲ မ့တမ့ၢ် တၢ်ဟ့ၣ်ကဒါက့ၤတၢ်အဘူးအလဲန့ၣ် နကဒိးန့ၢ်ဘၣ်လံာ်ပရၢတဘ့ၣ်ဒီး စ့လံာ်ဖီတဲာ်အပရၢလၢပအိၣ်န့ၣ်လီၤ. ခၠဲးအဝဲအံၤ မ့ၢ်ဝဲတၢ်ဟ့ၣ်က့ၤအဘူးအလဲလၢ န 2021 ဖရံၣ်မံၣ်ယၢၣ်ဒီလၣ်တဖၣ်အကူာ်တကူာ် လၢတၢ်ဟ့ၣ်က့ၤဆူနၤ မ့ၢ်လၢ Blue Plus တတုၤဆူ MLR အတီၤပတီၢ်အဃိန့ၣ်လီၤ.  မၤလိအါထီၣ်တၢ်ဘၣ်ဃး နီၢ်တဂၤဒီးဟံၣ်ဃီတၢ်တိာ်ကျဲၤ MLR တၢ်ဟ့ၣ်က့ၤအဘူးအလဲတဖၣ်အဂ့ၢ်တက့ၢ်.

နမ့မ့ၢ် မ့တမ့ၢ် မ့ၢ်တ့ၢ် Medicare တၢ်ဆီၣ်ထွဲတၢ်ဟ့ၣ်ဆိအဘူးအလဲထီ F တၢ်တိာ်ကျဲၤကရူၢ်ဖိန့ၣ် Minnesota သဲစးလိၣ်ဘၣ် Blue Cross လၢကထုးထီၣ်န့ၢ်တၢ်ဟ့ၣ်က့ၤအဘူးအလဲဆူနၤ ဖဲ Blue Cross တသူအစှၤကတၢၢ် 65 မျးကယၤလၢဖရံမံၣ်ယၢၣ် လၢအဒိးန့ၢ်လၢဆူၣ်ချ့တၢ်ကွၢ်ထွဲတၢ်တိစၢၤမၤစၢၤတဖၣ် ဒ်အမ့ၢ်ကသံၣ်သရၣ်, တၢ်ဆါဟံၣ်အဘူးအလဲတဖၣ် ဒီးတၢ်မၤလၢကမၤဂ့ၤဒိၣ်ထီၣ် ဆူၣ်ချ့တၢ်ကွၢ်ထွဲအကံၢ်အစီ ဒ်အမ့ၢ်တၢ်ထဲးဂံၢ်ထဲးဘါ လၢကမၤဂ့ၤဒိၣ်ထီၣ် ပှၤဆါအတၢ်ဘံၣ်တၢ်ဘၢန့ၣ်လီၤ. တစှၤန့ၢ် 35 မျးကယၤလၢ ဖရံမံၣ်ယၢၣ်တဖၣ်န့ၣ် ဘၣ်သ့ၣ်သ့ၣ်ကဘၣ်တၢ်သူအီၤလၢ တၢ်ပၢတၢ်ပြးအဘူးအလဲတဖၣ် ဒ်အမ့ၢ်လါလဲ, တၢ်ဆါတၢ် ဒီးတၢ်ရၤလီၤပနံာ်တၢ်ဂ့ၢ်န့ၣ်လီၤ. တၢ်လိၣ်ဘၣ်အံၤန့ၣ် တၢ်ကိးအီၤလၢ Medical Loss Ratio (MLR) အတီၤပတီၢ်န့ၣ်လီၤ. MLR အတီၤပတီၢ်န့ၣ် တၢ်ပညိၣ်အီၤလၢ ကမၤလီၤတံၢ်လၢ ပှၤစူးကါတၢ်တဖၣ် ဒိးန့ၢ်တၢ်လုၢ်တၢ်ပှ့ၤလၢ အဝဲသ့ၣ်အဆူၣ်ချ့တၢ်ကွၢ်ထွဲကျိၣ်စ့တဖၣ်အဂီၢ်န့ၣ်လီၤ.

အပူၤကွံာ်အနံၣ်တဖၣ်အပူၤ တၢ်ထုးထီၣ်န့ၢ်တၢ်ဟ့ၣ်က့ၤအဘူးအလဲတဖၣ်ဧါ. 

မ့ၢ်လီၤ. 2017 မ့ၢ်ဝဲအခီၣ်ထံးတနံၣ်လၢ နီၢ်တဂၤဒီးဟံၣ်ဃီတၢ်တိာ်ကျဲၤတဖၣ် ဒီး2019 မ့ၢ်ဝဲ အခီၣ်ထံးတနံၣ်လၢ Medicare တၢ်ဆီၣ်ထွဲတၢ်ဟ့ၣ်ဆိအဘူးအလဲထီ F တၢ်တိာ်ကျဲၤတၢ်ဟ့ၣ်က့ၤအဘူးအလဲတဖၣ်န့ၣ်လီၤ.

တၢ်ဟ့ၣ်က့ၤအဘူးအလဲ အခီပညီမ့ၢ်ဝဲ ယဘၣ်တၢ်ဃ့တ့ၢ်ယၤအါမး လၢဖရံမံၣ်ယၢၣ်တဖၣ်လၢ 2021 အပူၤဧါ. 

ဖရံၣ်မံၣ်ယၢၣ်အယီၣ်ခဲလၢာ်န့ၣ် တၢ်ကွဲးနီၣ်ပာ်ဖှိၣ်ဃာ်လၢ ကီၢ်စဲၣ်လၢတၢ်ကွၢ်ကဒါက့ၤ ဒီးတၢ်အၢၣ်လီၤဟ့ၣ်ခွဲးအဂီၢ်န့ၣ်လီၤ. လၢကီၢ်စဲၣ်တၢ်သိၣ်တၢ်သီအဖီလာ်န့ၣ်, ကီၢ်စဲၣ်န့ၣ်ဆၢတဲာ်တၢ်ကြၢးကြၢးဘၣ်ဘၣ် လၢတၢ်ကပာ်ဂၢၢ်ပာ်ကျၢၤ၀ဲတၢ်ပတံတဖၣ်အဂီၢ် မ့ၢ်လၢတၢ်အုၣ်ကီၤအဘူးအလဲအတၢ်ချံးဃ့သ့ၣ်တဖၣ်အံၤအဃိန့ၣ်လီၤ. မ့ၢ်လၢတၢ်အုၣ်ကီၤအဘူးအလဲတဖၣ်ဘၣ်တၢ်ဆှၢထီၣ်ဆိအီၤဆူကီၢ်စဲၣ်အိၣ်တံာ်တာ်၀ဲ ဃုလါတုၤဃိးလါဃၣ်ဃၣ်အဃိ, တၢ်ဂ့ၢ်တၢ်ကျိၤတဖၣ်န့ၣ် အိၣ်ဒီးတၢ်ပာ်အနီၣ်လၢကဒုးသ့ၣ်ညါ၀ဲဘၣ်ဃးဒီးဆူၣ်ချ့တၢ်တိာ်ကျဲၤတဖၣ် ဖဲတၢ်ဆီၣ်လီၤပာ်လီၤ၀ဲဒၣ်တၢ်ပှ့ၤအတၢ်ချံးဃ့အကတီၢ်န့ၣ်လီၤ. အါန့ၢ်အန့ၣ် တၢ်ဆါတၢ်ပှ့ၤလီၢ်တဖၣ်န့ၣ် ဘၣ်ကွၢ်ဆၢၣ်မဲာ်ဘၣ်ဒံး တၢ်မၤတံာ်တာ် ဒီးတၢ်တဂၢၢ်တကျၢၤ လၢအဒုးအိၣ်ထီၣ်တၢ်တၤတၢ် လၢတၢ်တယာ်တၢ်ဆါတၢ်ပှ့ၤလီၢ် အတၢ်မၤန့ၣ်လီၤ.

ဖရံမံၣ်ယၢၣ်အခဲအံၤတဖၣ်န့ၣ် တၢ်ဘှီဘၣ်က့ၤအီၤလၢ 2022 လၢတၢ်လၢအကဲထီၣ်လၢ 2021 အဂီၢ်အဖီခိၣ်ဧါ.

ဖရံမံၣ်ယၢၣ်တဖၣ်လၢ 2022 န့ၣ်တၢ်အၢၣ်လီၤဟ့ၣ်ခွဲးတ့ၢ်အီၤလၢကီၢ်စဲၣ်လၢ 2021 ဒီးအိၣ်ဝဲလၢဒီတနံၣ်ညါအဂီၢ်န့ၣ်လီၤ.

တၢ်ကဃ့ခိသွဲလၢ တၢ်ဟ့ၣ်က့ၤအဘူးအလဲအဖီခိၣ်ဧါ မ့တမ့ၢ်ယကဘၣ်တီၣ်ထီၣ်က့ၤယ 2021 ခိသွဲတဖၣ်န့ၣ်ဧါ.

၀ံသးစူၤ တၢၣ်ပီၣ်တၢၣ်ပီသကိးဒီးခိသွဲပှၤစဲၤနီၣ်တဖၣ်လၢ နကသ့ၣ်ညါအါထီၣ်ဘၣ်ဃးဒီးခိသွဲအဂ့ၢ်န့လီၤ.

ယဒိးန့ၢ်ခရဲးဒ့း လၢယခဲအံၤဖရံမံၣ်ယၢၣ်အဘူးအလဲ လၢတၢ်ဟ့ၣ်က့ၤအဘူးအလဲခၠဲး အခၢၣ်စးန့ၣ်သ့စ့ၣ်ဧါ.

ပပတံထီၣ်တသ့ တၢ်ဟ့ၣ်က့ၤအဘူးအလဲခၠဲးလၢတၢ်ထၢနုာ်ဃာ်အီၤ လိၤလိၤဆူနဖရံမံၣ်ယၢၣ်အပူၤဘၣ်. နမ့ၢ်အဲၣ်ဒိးသူဘၣ်စ့လၢနဒိးန့ၢ်ကဒါက့ၤအံၤလၢတၢ်အုၣ်ကီၤအဘူးအလဲအဂီၢ်န့ၣ်, နကဘၣ်ဆီတလဲက့ၤဆူစ့လံာ်ဖီတဲာ် ဒီးဆှၢဘၣ်နတၢ်ဟ့ၣ်န့ၣ်လီၤ. တဘၣ်ဆှၢကဒါက့ၤ တၢ်ဟ့ၣ်က့ၤအဘူးအလဲခၠဲး ဆူ Blue Cross တဂ့ၤ.

Medicare တၢ်ဟ့ၣ်အဘူးအလဲအအိၣ်လီၢ်အိၣ်ကျဲ -

Blue Cross ဒီး Blue Shield လၢ MN ဒီး Blue Plus 
P.O. Box 860448
Minneapolis, MN 55486-0448

နီၢ်တဂၤဒီးဟံၣ်ဃီတၢ်တိာ်ကျဲၤ တၢ်ဟ့ၣ်အဘူးအလဲအအိၣ်လီၢ်အိၣ်ကျဲ -

Blue Cross ဒီး Blue Shield လၢ MN ဒီး Blue Plus
P.O. Box 860449
Minneapolis, MN 55486-0449

ယမ့ၢ်ဒိးန့ၢ်ဘၣ်စ့လံာ်ဖီတဲာ်လၢအတဘၣ်ဘၣ်န့ၣ် ယကဘၣ်ကိးမတၤဂၤလဲၣ်. 

၀ံသးစူၤကိးဘၣ် တၢ်တိစၢၤမၤစၢၤလၢပှၤစူးကါတၢ်ဖိအဂီၢ်ဖဲ1-866-999-3580 မ့တမ့ၢ် ဆှၢလံာ်ပရၢဖဲ ncoming.Service.Center@bluecrossmn.com တက့ၢ်.