COVID-19 တၢ်အိၣ်ယၢၤတဖၣ်
ကမျၢၢ်ဆူၣ်ချ့ဂ့ၢ်ဂီၤအူအကတၢၢ်အခီပညီလၢ နတၢ်ဟ့ၣ်အဘူးအလဲအဂီၢ်စံးတၢ်န့ၣ်မ့ၢ်မနုၤလဲၣ်
ကမျၢၢ်ဆူၣ်ချ့ဂ့ၢ်ဂီၤအူ (PHE) န့ၣ်ကတၢၢ်ဖဲလါမ့ၤ 11 န့ၣ်လီၤ
လၢလါယနူၤအါရံၤ 2023 အပူၤ, ကီၢ်စၢဖှိၣ်၀ဲၤကျိၤလၢတၢ်အိၣ်ဆူၣ်အိၣ်ချ့ဒီး တၢ်မၤစၢၤပှၤကညီတၢ်ဖံးတၢ်မၤတဖၣ် (HHS) ဘိးဘၣ်သ့ၣ်ညါထီၣ်မုၢ်နံၤခံကတၢၢ်လၢ ထံကီၢ်ပတီၢ်ကမျၢၢ်ဆူၣ်ချ့ ဂ့ၢ်ဂီၤအူအဂီၢ် လၢတၢ်ခီဆၢ COVID-19 အဂီၢ်န့ၣ်လီၤႉ လၢလါမ့ၤ 11, 2023န့ၣ်, COVID-19 တၢ်န့ၢ်ပၢမၤတၢ်အခွဲးအါတက့ၢ်လၢ ဘၣ်တၢ်စးထီၣ်ဒုးအိၣ်ထီၣ်တ့ၢ်အီၤဖဲ PHE အဖီလာ်တဖၣ်န့ၣ် အမုၢ်နံၤမုၢ်သီလၢာ်ကွံာ်၀ဲဒၣ်န့ၣ်လီၤႉ
ဒ်လၢတၢ်အစၢအသိး, စးထီၣ်နုာ်လီၤဖဲလါမ့ၤ 12န့ၣ်, တၢ်တိာ်ကျဲၤအတၢ်န့ၢ်ဘျုးတဖၣ် ကဘၣ်တၢ်သူအီၤဘၣ်ထွဲဒီး COVID-19 တၢ်ကွၢ်ထွဲ, ပာ်ဃုာ်ဒီးတၢ်မၤကွၢ်တဖၣ်, ကသံၣ်ဒီသဒၢတၢ်ဆါတဖၣ်ဒီး တၢ်ကူစါယါဘျါအကျိၤအကွာ်တဖၣ်န့ၣ်လီၤႉ တၢ်အံၤဘၣ်သ့ၣ်သ့ၣ်ကဒုးအိၣ်ထီၣ်တၢ်ဆီတလဲတဖၣ်လၢ နတၢ်လၢာ်ဘူၣ်လၢာ်စ့ဘၣ်ထွဲဒီး COVID-19 တၢ်ကွၢ်ထွဲန့ၣ်လီၤႉ
တၢ်ဆီတလဲတဖၣ်အံၤဘၣ်ထွဲဒီး ပှၤတဂၤဘၣ်တဂၤဒီး ဟံၣ်ဖိဃီဖိတဖၣ်, Medicare ဒီး တၢ်မၤကစၢ် တၢ်ဟ့ၣ်တၢ်အုၣ်ကီၤ လၢလၢပှဲၤပှဲၤ တၢ်တိာ်ကျဲၤတဖၣ်အဂီၢ်လီၤႉ*
၀ံသးစူၤဆဲးကျိးဆူ တၢ်တိစၢၤမၤစၢၤလၢပှၤစူးကါတၢ်ဖိအဂီၢ်နီၣ်ဂံၢ်လၢအအိၣ်ဖဲန ကရူၢ်ဖိ (ID) ခးအလီၢ်ခံ ဖဲနအိၣ်ဒီးတၢ်သံကွၢ်တဖၣ်ဘၣ်ဃး နတၢ်ဟ့ၣ်အဘူးအလဲလီၤဆီန့ၣ်တက့ၢ်ႉ
CDC တၢ်အိၣ်ယၢၤတဖၣ်
ကွၢ် COVID-19 တၢ်ကစီၣ်တဖၣ်လၢအဟဲထီၣ်လီၢ်ခံကတၢၢ်ဒီး တၢ်ဟ့ၣ်ကူၣ်ဟ့ၣ်ဖးတဖၣ်
- တၢ်ဂ့ၢ်တဖၣ်ဒီး တၢ်ဂ့ၢ်ထၢဖှိၣ်
- ကသံၣ်ဒီသဒၢတၢ်ဆါတဖၣ်ဒီး ဘူးစထၢၣ်ကသံၣ်တဖၣ်
- တၢ်မၤကွၢ်ဒီးတၢ်ကဟုကယာ် အတၢ်ဟ့ၣ်ကူၣ်တဖၣ်
တၢ်စဲးကွၢ်ပီးလီလၢပှၤသူအီၤလၢဟံၣ်သ့လၢ အတလိၣ်ဘၣ်ကသံၣ်သရၣ်အလံာ်ပျဲဒီးပှ့ၤန့ၢ်၀ဲ (OTC)
လၢ PHE အဖီလာ်န့ၣ်, ကရူၢ်ဖိကိးဂၤဒဲးကြၢးဘၣ်၀ဲဒီးတၢ်ဃုထၢဒ်သိး ကဒိးန့ၢ်ဘၣ် OTC တၢ်မၤကွၢ်ပီးလီတနီလၢဟံၣ်အဂီၢ်လၢ တလါဘၣ်တလါအဂီၢ်အခီလီလီၤႉ စးထီၣ်နုာ်လီၤဖဲလါမ့ၤ 12, 2023န့ၣ်, ကရူၢ်ဖိတဖၣ်အိၣ်ဒီးမူဒါလၢလၢပှဲၤပှဲၤဒ်သိး အကဟ့ၣ်တၢ်မၤကွၢ်ပီးလီကစဲးကစီးတဖၣ်အဂီၢ်န့ၣ်လီၤႉ တၢ်လၢာ်ဘူၣ်လၢာ်စ့တဖၣ်အံၤ ဘၣ်သ့ၣ်သ့ၣ်ကဟ့ၣ်ကဒါက့ၤစ့ ခီဖျိစ့စရီတခါလၢတၢ်ကူစါကသံၣ်အဂီၢ်န့ၣ်လီၤႉ ၀ံသးစူၤဆဲးကျၢဆဲးကျိးတၢ်ဒီး နပှၤပၢဆှၢတၢ်ကူစါကသံၣ်အစ့စရီဒ်သိး ကသ့ၣ်ညါအါထီၣ်တၢ်ကစီၣ်အဂီၢ်န့ၣ်တက့ၢ်ႉ
လၢ Medicare ကရူၢ်ဖိတဖၣ်အဂီၢ်, န OTC စ့တၢ်ပာ်ပနီၣ်န့ၣ် ကဘၣ်တၢ်ဟ့ၣ်လီၤအီၤဒ်န့ၣ်လီၤႉ
ပှၤဟ့ၣ်မၤစၢၤတၢ်အကလုၢ် မ့တမ့ၢ် တၢ်ဃုသ့ၣ်ညါတၢ်ဆါအမံၤတၢ်မၤကွၢ်တဖၣ်
COVID-19 တၢ်ဃုထံၣ်တၢ်ဆါတၢ်မၤကွၢ်ပီးလီတဖၣ်လၢ ဘၣ်တၢ်မၢမၤအီၤခီဖျိကသံၣ်သရၣ် မ့တမ့ၢ် ပှၤဟ့ၣ်မၤစၢၤဆူၣ်ချ့တၢ်ကွၢ်ထွဲန့ၣ် ကဘၣ်တၢ်မၤအီၤခီဖျိ ဒ်ညီနုာ်တၢ်တိာ်ကျဲၤတၢ်န့ၢ်ဘျုးတဖၣ်န့ၣ်လီၤ − အခီပညီမ့ၢ်၀ဲ ကရူၢ်ဖိတဖၣ်န့ၣ်အိၣ်ဒီးအမူအဒါလၢ တၢ်လၢာ်ဘူၣ်လၢာ်စ့တနီအဂီၢ်လၢ တၢ်ဟ့ၣ်သဃဲၤ,တၢ်အုၣ်ကီၤဟ့ၣ်သဃဲၤ မ့တမ့ၢ် တၢ်ဟ့ၣ်ဆိအဘူးအလဲ အအါအစှၤအိၣ်အသိးန့ၣ်လီၤႉ
တၢ်ဆီတလဲအံၤပာ်ဃုာ်ဒီး အဲၣ်တံၢ်ကၠ့ၣ်တၢ်မၤကွၢ်တဖၣ်လၢဘၣ်တၢ်မၤအီၤလၢဒၢးမၤကွၢ်အပူၤ ( တၢ်ဃုထံၣ်ဘဲရၢးတၢ်ဆါဃၢ်အတၢ်မၤကွၢ်) ဒီး စရီၢ်လီၢ်ကၠံၣ်တၢ်မၤကွၢ်တဖၣ် (တၢ်ဃုထံၣ် အဲၣ်တံၢ်ဘီၣ်တံၢ်တၢ်မၤကွၢ်) ဖဲတၢ်ဒိးန့ၢ်အီၤလၢ ကသံၣ်သရၣ်လၢတၢ်တိာ်ကျဲၤဘျးစဲပူၤ န့ၣ်လီၤႉ
ဆူၣ်ချ့တၢ်ကွၢ်ထွဲ
တၢ်ဟ့ၣ်သဃဲၤအဘူးအလဲလၢ တၢ်ကူစါကသံၣ်တၢ်သ့ၣ်ဆၢဖးကတီၢ်တဖၣ်အဂီၢ်, တၢ်မၤကွၢ်ဒီး တၢ်ကူစါယါဘျါဘၣ်ထွဲဒီး COVID-19 (တၢ်လဲၤထံၣ်လိာ်သးဖဲ၀ဲၤဒၢး, ဂ့ၢ်ဂီၤအူတၢ်ကွၢ်ထွဲ, ဆူၣ်ချ့တၢ်ကွၢ်ထွဲ ခီဖျိလီတဲစိ ဒီး ဂ့ၢ်ဂီၢ်အူဒၢး) န့ၣ်ကဘၣ်တၢ်ပၢဆှၢအီၤခီဖျိလၢ ဒ်ညီနုာ်တၢ်တိာ်ကျဲၤတၢ်န့ၢ်ဘျုးတဖၣ် − အခီပညီမ့ၢ်၀ဲ ကရူၢ်ဖိတဖၣ်န့ၣ်အိၣ်ဒီးအမူအဒါလၢ တၢ်လၢာ်ဘူၣ်လၢာ်စ့တနီအဂီၢ်လၢ တၢ်ဟ့ၣ်သဃဲၤ, တၢ်အုၣ်ကီၤဟ့ၣ်သဃဲၤ မ့တမ့ၢ် တၢ်ဟ့ၣ်ဆိအဘူးအလဲ အအါအစှၤအိၣ်အသိးန့ၣ်လီၤႉ
လၢ Medicare ကရူၢ်တဖၣ်အဂီၢ်, နတၢ်အဘူးအလဲလၢ တၢ်ဟ့ၣ်အီၤလၢနီၢ်ကစၢ်စ့တဖၣ်လၢ တၢ်ကူစါယါဘျါ COVID-19 အကျိၤအကွာ်တနီအဂီၢ်န့ၣ် တၢ်ဆီတလဲကအိၣ်၀ဲ, ဒိးသန့ၤထီၣ်သးလၢတၢ်ကူစါယါဘျါအကျဲလီၤလီၤဆီဆီဒီး တၢ်ဒိးန့ၢ်အီၤသ့မ့ၢ်တသ့ဘၣ်အဃိလီၤႉ
ကသံၣ်ဒီသဒၢတၢ်ဆါတဖၣ်ဒီး ဘူးစထၢၣ်ကသံၣ်တဖၣ်
COVID-19 ကသံၣ်ဒီသဒၢတဖၣ်ဒီး ကသံၣ်ဒီသဒၢလၢဘၣ်တၢ်ဆဲးအါထီၣ်အီၤတဖၣ်န့ၣ် ကဘၣ်တၢ်ဟ့ၣ်န့ၢ်အပှ့ၤဒ်အမ့ၢ် တၢ်ဒီသဒၢတၢ်န့ၢ်ဘျုးဃုာ်ဒီး Blue Cross အတၢ်ဟ့ၣ်န့ၢ်အီၤဆူညါ ဘၣ်ဃးတၢ်လၢာ်ဘူၣ်လၢာ်စ့ 100% ဖဲတၢ်ဒိးန့ၢ်အီၤလၢ ကသံၣ်သရၣ်လၢကရၢဘျးစဲပူၤ န့ၣ်လီၤႉ
*တၢ်မၤကစၢ်−အတၢ်ဟ့ၣ်မၤစၢၤ တၢ်တိာ်ကျဲၤတဖၣ်အိၣ်အကလုာ်ကလုာ်န့ၣ်လီၤ -
လၢတၢ်မၤကစၢ် တၢ်ဟ့ၣ်တၢ်အုၣ်ကီၤ လၢလၢပှဲၤပှဲၤ တၢ်တိာ်ကျဲၤတဖၣ်အဂီၢ်န့ၣ်, Blue Cross ပာ်လီၤန့ၢ်၀ဲဒၣ် တၢ်တိာ်ကျဲၤအတၢ်န့ၢ်ဘျုးတဖၣ်လီၤႉ တၢ်ပနံာ်တၢ်ကၤအဆံးဖိတဖၣ် (2-50 ပှၤမၤတၢ်ဖိတဖၣ်) န့ၣ်အါတက့ၢ် တၢ်ဟ့ၣ်တၢ်အုၣ်ကီၤ လၢလၢပှဲၤပှဲၤ လၢအဂီၢ်, ဒ်သိးသိးဒီးတၢ်ပနံာ်တၢ်ကၤအဒိၣ်တဖၣ်အသိးလီၤ (အါန့ၣ် ပှၤမၤတၢ်ဖိ 50 ဂၤ)န့ၣ်လီၤ.
တၢ်ပနံာ်တၢ်ကၤအဒိၣ်တဖၣ်ဒီး ခီၣ်ပရ့ရှၢၣ်တဖၣ်န့ၣ် ဟ့ၣ်ထီၣ်၀ဲတၢ်ဟ့ၣ်တၢ်အုၣ်ကီၤလၢနီၢ်ကစၢ် ဆူၣ်ချ့တၢ်တိာ်ကျဲၤတဖၣ်လီၤႉ လၢတၢ်ဂ့ၢ်တဖၣ်အံၤအပူၤ, တၢ်မၤကစၢ်ပာ်လီၤ၀ဲဒၣ် အကစၢ်တၢ်န့ၢ်ဘျုးတဖၣ်, လၢခံဘၣ်တၢ်ပၢဆှၢက့ၤအီၤလၢ Blue Cross န့ၣ်လီၤႉ
တၢ်မၤကစၢ်လၢအအိၣ်ဒီး တၢ်ဟ့ၣ်တၢ်အုၣ်ကီၤလၢနီၢ်ကစၢ် တဖၣ်န့ၣ် ဘၣ်သ့ၣ်သ့ၣ်ကဃုထၢထီၣ်၀ဲလၢ အကစးထီၣ်ဒုးကဲထီၣ် COVID-19 တၢ်ဆီတလဲတဖၣ်ဒ်အမ့ၢ် ကရူၢ်တဖၣ်လၢအအိၣ်ဒီး တၢ်ဟ့ၣ်တၢ်အုၣ်ကီၤ လၢလၢပှဲၤပှဲၤ ခီဖျိလၢ Blue Cross, ဘၣ်ဆၣ်တၢ်န့ၣ်တမ့ၢ်၀ဲဒၣ်တၢ်လိၣ်နီၢ်နီၢ်ဘၣ်လီၤႉ
နတၢ်မၤကစၢ်မ့ၢ်ဟ့ၣ်န့ၢ်ဝဲ Medicare တၢ်ဟ့ၣ်အဘူးအလဲ, မ့တမ့ၢ် နန့ၢ်ဘၣ်တၢ်ဟ့ၣ်အဘူးအလဲလၢ ကီၢ်စၢဖှိၣ်ပှၤမၤတၢ်ဖိအတၢ်ရဲၣ်တၢ်ကျဲၤ (Federal Employee Program) န့ၣ်ဒီး® (FEP), ဝံသးစူၤလဲၤထံၣ်ဒီးနတၢ်မၤကစၢ်ဒ်သိးနကဃုသ့ၣ်ညါနတၢ်ဟ့ၣ်အဘူးအလဲတၢ်ဃုထၢသ့ၣ်တဖၣ်န့ၣ်တက့ၢ်.
Blue Cross ဟ့ၣ်တၢ်တိစၢၤမၤစၢၤဘၣ်ဃး တၢ်လၢာ်ဘူၣ်လၢာ်စ့,PPO ဒီးPDPတၢ်တိာ်ကျဲၤတဖၣ်ဃုာ်ဒီးMedicareလံာ်ဃံးဃာ်န့ၣ်လီၤ. တၢ်ဆဲးလီၤမံၤလၢ Blue Cross တၢ်တိာ်ကျဲၤတဖၣ် န့ၣ်ဒိးသန့ၤထီၣ်သးလၢတၢ်မၤသီထီၣ်လံာ်ဃံးဃာ်န့ၣ်လီၤ.