Blue Cross and Blue Shield of Minnesota, ၀့ၢ် Willmar ဒီး National Fitness Campaign ဒုးကဲထီၣ်ဆူၣ်ချ့တၢ်သ့ဒိးန့ၢ်ကလီလၢပှၤကိးဂၤလၢ Willmar ပူၤအဂီၢ်

WILLMAR, Minn. (လါယူၤလံ 12, 2023) - Blue Cross and Blue Shield of Minnesota (Blue Cross), City of Willmar, ဒီး National Fitness Campaign (NFC) တနံၤအံၤ ဘိးဘၣ်သ့ၣ်ညါ တၢ်အၢၣ်လီၤလၢကဟဲစိာ် Fitness Court® Studio ဆူ Sperry Park န့ၣ်လီၤ. Fitness Court Studio, အိၣ်လၢ Homewood Avenue NE န့ၣ်, ကအိးထီၣ်၀ဲလၢမုၢ်ပျဲၤ, လါယူၤလံ 19 သီ ဂီၤ 10 နၣ်ရံၣ်ခီဖျိ တၢ်မၤထီၣ်တဲာ်ဖဲပျံၤတၢ်ရဲၣ်တၢ်ကျဲၤန့ၣ်လီၤ. ဝ့ၢ် Willmar အ Fitness Court Studio န့ၣ်ကမ့ၢ်တၢ်လီၤဂာ်ဒီးအီၤအကျါအဆိကတၢၢ်တခါလၢ အကအိးထီၣ်ဖဲ Minnesota ကီၢ်စဲၣ်ပူၤန့ၣ်လီၤ.

ဖီကရၢၢ်လၢပှၤလဲၤဟးအအါကတၢၢ် 37 ဖဲ Willmar ပူၤအကျါ, Sperry Park န့ၣ်ပှၤထံၣ်အီၤသ့ညီဒီး ပှၤအိၣ်ဆိးတဖၣ် ဒီးပှၤလဲၤဟးလိာ်ကွဲတဖၣ် လဲၤညီနုာ်၀ဲလီၤ. အလီၢ်အကျဲအိၣ်ဖဲ ကျဲလၢပှၤလ့ၣ်ထီၣ်လ့ၣ်လိၤအါကတၢၢ်လၢ Willmar အပူၤ, တၢ်လီၢ်တၢ်ကျဲအံၤ ဘၣ်တၢ်ဃုထၢအီၤလၢ အတၢ်အိၣ်ဘူးဒီး Robbins Island ဒီးလီၢ်မုာ်သယုၢ်တဖၣ်လၢအမၤဖှံသူၣ်ဖှံသး ဟံၣ်ဒူၣ်ဃီထၢ ဒီးပှၤနီၢ်ဒိၣ်တဖၣ်လၢ သးအနံၣ်အလါအိၣ်အကလုာ်ကလုာ်အဂီၢ်န့ၣ်လီၤ. The Fitness Court Studio ကအိၣ်ဝဲလၢ တၢ်လီၢ်လၢပှၤလဲၤဟး မ့တမ့ၢ် ဒိးလ့ၣ်ယီၢ်သ့ လၢပှၤအိၣ်ဆိးလၢ Willmar 9,500 အဂီၢ်န့ၣ်လီၤ.

Fitness Court Studio အံၤဘၣ်တၢ်တ့ထီၣ်ဘှီထီၣ်အီၤလၢ Blue Cross, City of Willmar ဒီး NFC ဒ်သိးကမၤလဲၢ်ထီၣ်တၢ်လဲၤညီဆူ တၢ်ဟူးဂဲၤလိာ်ကွဲအကံၢ်အစီထီ ဒီးဒုးအိၣ်ထီၣ်တၢ်ဆဲးကျိးညီလၢ ကလိာ်ကွဲဟူးဂဲၤလၢ ပှၤတဝၢတဖၣ် လၢကီၢ်စဲၣ်ပူၤအဂီၢ်န့ၣ်လီၤ. 

Blue Cross အစ့ဆီၣ်ထွဲန့ၣ် ကဒုးအိၣ်ထီၣ် Fitness Court အလီၢ်တဆံလၢ Minnesota အပူၤ ဆူမဲာ်ညါခံနံၣ်လၢကဟဲၣ်လီၤ. ဆူၣ်ချ့တၢ်တိာ်ကျဲၤန့ၣ် ပာ်ဝဲကလုာ်ဒူၣ်ဒီးဆူၣ်ချ့အတၢ်ထဲသိးတုၤသိးလၢ အတၢ်ဆီၣ်ထွဲလီၢ်ခၢၣ်သး ခီဖျိတၢ်လိာ်ကွဲဟူးဂဲၤခွဲးယာ်လၢ ပှၤဒိးန့ၢ်အီၤညီတဖၣ်လၢ ကဟ့ၣ်ဘျုးဟ့ၣ်ဖှိၣ်ပှၤတဝၢအါမးလၢ တၢ်အိၣ်ဆိးလီၢ်ကဝီၤဒီး လုၢ်လၢ်ဆဲးလၤအဖီခိၣ်န့ၣ်လီၤ. တကးဒ်ဘၣ်, Blue Cross မၤဆူၣ်ထီၣ် တၢ်မၤဃံမၤလၤပှၤတဝၢဒွဲလၤကူၣ်သ့ ခိဖျိ Fitness Court လီၢ်ကျဲက့ၢ်ဂီၤတဖၣ်ဒ် လီၢ်ကဝီၤပှၤသ့ဒွဲလၤကူၣ်သ့တဖၣ် အတၢ်နဲၣ်လီၤအသိးန့ၣ်လီၤ. လၢဝ့ၢ် Willmar အပူၤ, Sonja Madsen, ပှၤကူၣ်သ့စိးပျၤတၢ်ဂီၤခီဖျိလၢန့ဆၢၣ်လၢအမ့ၢ် ပှၤလၢအအိၣ်ဖျဲၣ်ဒီးဒိၣ်ထီၣ်ဖဲ Willmar န့ၣ်, ဘၣ်တၢ်ဃုထၢထီၣ်အီၤဒ် ကအိၣ်ဒီးအတၢ်ဖံးတၢ်မၤအက့ၢ်အဂီၤလၢအမ့ၢ် တၢ်ပာ်ဖျါထီဘိလၢ Fitness Court Studio န့ၣ်လီၤ.

Fitness Court Studio န့ၣ်ဒိၣ်န့ၢ် Fitness Court အပတီၢ်ခံစး, ဟ့ၣ်ဝဲဒၣ် 2,000 နၢၣ်ဘၣ်လွံၢ်ကနူၤဃူခီၣ်ယီၢ်ဘၣ်ထွဲဒီး ဆူၣ်ချ့တၢ်သူၣ်ထီၣ်ဘှီထီၣ်န့ၣ်လီၤ. ခီဖျိလၢ Fitness Court Studio န့ၣ်, တၢ်မၤလိလၢဘၣ်တၢ်အိးထီၣ်၀ဲတဖၣ်ဒ်အမ့ၢ် ယိကၣ်, စူ(မ)ပၤ မ့တမ့ၢ် တၢ်ထဲးထီထူၣ်ပျၢ် ဖဲတၢ်စူးကါ Fitness Court လၢကရူၢ်မၤအသးတဘျီဃီအဂီၢ်ဒီး နီၢ်တဂၤဘၣ်တဂၤတၢ်ဟူးဂဲၤလိာ်ကွဲတဖၣ်အဂီၢ်န့ၣ်လီၤ. Fitness Court မ့ၢ်ဝဲ ဟီၣ်ခိၣ်ဒီဘ့ၣ် တၢ်ချၢတၢ်ဂဲၤလိာ်နီၢ်ခိတၢ်ဟူးတၢ်ဂဲၤအလီၢ်အဂ့ၤကတၢၢ်လၢ အပျဲပှၤစူးကါအနီၢ်ကစၢ်အတယၢၢ် ဒ်သိးကမၤဝံၤတၢ်ဟူးဂဲၤလိာ်ကွဲတၢ်ခဲလၢာ် ခီဖျိလၢတၢ်စူးကါ ပှၤမၤတၢ်လိာ်ကွဲဟူးဂဲၤလီၢ် နွံလီၢ်န့ၣ်လီၤ. ဘၣ်တၢ်ဒုးအိၣ်ထီၣ်၀ဲလၢ ပှၤလၢအသးအိၣ် 14 နံၣ်ဒီးအဖီခိၣ် ဒီးလၢအအိၣ်ဒီးတၢ်သ့တၢ်ဘၣ်ခဲလၢာ်လၢသးအပူၤ, တၢ်ဟူးဂဲၤလိာ်ကွဲတဖၣ်န့ၣ် ပှၤသုးကျဲၤအီၤညီလၢ တၢ်လိာ်ကွဲဟူးဂဲၤအပတီၢ်ခဲလၢာ်, ဒီးပျဲပှၤပၣ်ဃုာ်မၤသကိးတဖၣ် ဟူးဂဲၤလၢအနီၢ်ကစၢ် အတၢ်လဲၤအပူၤန့ၣ်လီၤ. ပှၤစူးကါတၢ်တဖၣ် ဟံးန့ၢ်ကလီသ့စ့ၢ်ကီး Fitness Court App လၢအမၤတၢ်ဒ် ပှၤနဲၣ်တၢ်လၢနဆ့ကၤထၢၣ်အပူၤ ဒီးမၤဂ့ၤထီၣ်တၢ်ချၢတၢ်ဂဲၤလိနီၢ်ခိတၢ်ဟူးတၢ်ဂဲၤအလီၢ်ဆူ တၢ်အိၣ်မုာ်ဆိးပၢၤအတၢ်လဲၤခီဖျိ ဘၣ်တၢ်ဆီၣ်ထွဲအီၤလၢဒ့းကၠံးတၢၣ်(လ)ကျိၤကျဲန့ၣ်လီၤ. 

"Fitness Court Studio ဝဲအံၤန့ၣ် ကဲအခၢၣ်စးလၢ ပကရၢအတၢ်ဟ့ၣ်လီၤသး ဒ်သိးကဒုးအိၣ်ထီၣ် ပှၤတဝၢလၢအဆူၣ်ချ့ဒိၣ်ထီၣ်လၢကီၢ်စဲၣ်အပူၤန့ၣ်လီၤ," Bukata Hayes, ကရၢခိၣ်စၢၤလၢ ကလုာ်ဒူၣ်ဒီးဆူၣ်ချ့အတၢ်ထဲသိးတုၤသိး ဒီးတၢ်ထဲသိးတုၤသိးဝဲၤဒၢးခိၣ်လၢ Blue Cross စံး၀ဲလီၤ. "လၢအပူၤကွံာ်ဆံဆဲၣ်နံၣ်အတီၢ်ပူၤ, Blue Cross ဒုးအိၣ်ထီၣ်တ့ၢ်လံ တၢ်ဘၣ်ထွဲအတီအလိၤ ဃုာ်ဒီး Willmar အပှၤတဝၢခီဖျိ ကမျၢၢ်ဆူၣ်ချ့တၢ်စးထီၣ်ဖံးမၤတၢ်တဖၣ် လၢအလဲၤသးဆူညါန့ၣ်လီၤ. ပသူၣ်ပိာ်သးဝးဒ်သိး ကသူၣ်ထီၣ်တၢ်လၢ တၢ်ထဲးဂံၢ်ထဲးဘါတဖၣ်အလိၤဃုာ်ဒီး ခွဲးယာ်ပူၤဖျဲးဒီးတြီဃာ်တၢ်, ထဲသိးတုၤသိးလၢတၢ်ဟူးတၢ်ဂဲၤအဂီၢ်လၢ အမၤစၢၤဒုးအိၣ်ထီၣ်ဆူၣ်ချ့အစၢအဂ့ၤတဖၣ်လၢ လီၢ်ကဝီၤအပူၤန့ၣ်လီၤ."

"ဖဲ Blue Cross and Blue Shield of Minnesota သုးဘူးဃီၤအသးဆူဝ့ၢ်ခိၣ် Marv Calvin အအိၣ် အပူၤကွံၤတနံၣ်လၢ Fitness Court တၢ်ထံၣ်ဆိကမိၣ်အကတီၢ်န့ၣ်, ပှၤမၤတၢ်ဖိတူၢ်လိာ်ဝဲလၢ တၢ်အံၤမ့ၢ်တၢ်ခွဲးတၢ်ယာ်ဂ့ၤဒိၣ်မးလၢ ကဟဲစိာ်န့ၢ် 'ပှၤနီၢ်ဒိၣ်' တၢ်လိာ်ကွဲလီၢ်အသီဆူ ဝ့ၢ် Willmar န့ၣ်လီၤ," ဝ့ၢ်အပှၤပၢဆှၢသုးကျဲၤတၢ် Leslie Valiant စံးဝဲန့ၣ်လီၤ. "တၢ်အံၤမ့ၢ်တ့ၢ်ဝဲဒၣ်ခွဲးယာ်တမံၤလၢ ကမၤသကိးတၢ်ဒီးကမျၢၢ်ကရၢကရိတခါ ဒ်သိးကမၤအါထီၣ်ဝ့ၢ်အဖီကရၢၢ် တၢ်ဒုးဒိၣ်ထီၣ်စ့ဒီလၣ်တဖၣ်ဒီး ဟဲစိာ်က့ၢ်ဂီၤအသီလၢ ပလီၢ်က၀ီၤပှၤအိၣ်ဆိးတဖၣ် တဒိးန့ၢ်ဘၣ်တ့ၢ်လၢအပူၤကွံာ်န့ၣ်လီၤ. ယစံးဘျုးဘၣ် Blue Cross, National Fitness Campaign, ဒီး Sonja Madsen လၢကမျၢၢ်ဒွဲလၤကူၣ်သ့ဃံလၤအဃိဒီး ဝ့ၢ်အပှၤမၤတၢ်ဖိတဖၣ်အတၢ်ဖံးတၢ်မၤခဲလၢာ်ခဲဆ့လၢ အဟဲစိာ်န့ၢ်တၢ်လိာ်ကွဲဟူးဂဲၤအက့ၢ်အဂီၤဆူ ဝ့ၢ် Willmar အဃိန့ၣ်လီၤ."

"ယသးခုဖးဒိၣ်လၢတၢ်ခွဲးတၢ်ယာ် ဒ်သိးကဟဲစိာ်ဘၣ် တစိၤသးဒွဲလၤကူၣ်သ့တၢ်မၤတမံၤဆူ ၀့ၢ်လၢယအိၣ်ဖျဲၣ်ထီၣ်အအိၣ်အဃိလီၤ," Sonja Madsen, ပှၤသ့ဒွဲလၤကူၣ်သ့လၢ အဘၣ်တၢ်ဃုထၢန့ၣ်စံးဝဲလီၤ. "Out and About ဒုးပာ်ဖျါထီၣ် ပပှၤတဝၢအတၢ်အိၣ်လီၤဆီလိာ်သး ဒီးဟီၣ်ခိၣ်ဒီဘ့ၣ်ညါအတၢ်ဘၣ်ထွဲဘျးစဲလိာ်သး ဆူန့ဆၢၣ်ဒီး ဆူၣ်ချ့ပှဲၤဂံၢ်ပှဲၤဘါအအိၣ်န့ၣ်လီၤ."

"National Fitness Campaign ပာ်အသးကဖၢလၢ ဒ်သိးကတူၢ်လိာ်မုာ်ဝ့ၢ် Willmar ဆူခဲၣ်ဖ့ ဒ်ပှၤမၤသကိးတၢ်လၢအကဲခိၣ်နၢ်လၢ Minnesota, မၤတၢ်ဖျိးစိလၢ သးသ့ၣ်ညါဒီးနီၢ်ခိဆူၣ်ချ့လၢ ပှၤအိၣ်ဆိးတဖၣ်အဂီၢ်န့ၣ်လီၤ," Mitch Menaged, ပှၤဒုးအိၣ်ထီၣ် National Fitness Campaign စံးဝဲလီၤ. "ပသူၣ်ပိာ်သးဝးလၢ ပမၤဘၣ်ပတၢ်တိာ်ကျဲၤဆူညါ လၢတၢ်ဆီၣ်ထွဲပှၤဂၤဒ်သိးကဟးထီၣ်လၢဟံၣ်ချၢ, တၢ်တ့ထီၣ်ထံကီၢ်ဒီဘ့ၣ် ကမျၢၢ်ဒွဲလၤကူၣ်သ့အတၢ်ပာ်ဖျါပျဲၢ်စီၤ ဒီးမၤစၢၤပှၤတဝၢတဖၣ်လၢ ကတြီဆၢထံကီၢ်ပဒိၣ်အကျိၣ်အစ့ဒီးတၢ်လၢာ်ဘူၣ်လၢာ်စ့လၢပှၤဂ့ၢ်ဝီအတၢ်လိၣ်ဘၣ်တဖၣ်အဂီၢ် ခီဖျိနီၢ်ခိတအိၣ်ဘၣ်ဒီးတၢ်ဟူးတၢ်ဂဲၤအဃိန့ၣ်လီၤ."

လီၢ်က၀ီၤပှၤအိၣ်ဆိးဖိတဖၣ်န့ၣ် ဘၣ်တၢ်ကွဲမုာ်အီၤလၢ ကဟဲထီၣ်တၢ်ဒုးသ့ၣ်ညါတၢ်ရဲၣ်တၢ်ကျဲၤလၢ လါယူၤလံ 19 ဖဲဂီၤ 10 နၣ်ရံၣ် ဒ်သိးဒီးကမၤကွၢ် Fitness Court Studio အဂီၢ်န့ၣ်လီၤ. လၢတၢ်ကစီၣ်ဂ့ၢ်ကျိၤအဂၤတဖၣ်အဂီၢ်, နုာ်လီၤကွၢ် willmarmn.gov မ့တမ့ၢ် ဆဲးကျိး Parks and Recreation လၢ (320) 235-1454 တက့ၢ်.

တၢ်ကစီၣ်ဂ့ၢ်ကျိၤအဂၤဘၣ်ဃး Blue Cross and Blue Shield of Minnesota အတၢ်ဆီၣ်ထွဲ NFC အဂီၢ်, ဝံသးစူၤနုာ်လီၤကွၢ် nationalfitnesscampaign.com/minnesota တက့ၢ်.