SilverSneakers ဆူၣ်ချ့တၢ်ရဲၣ်တၢ်ကျဲၤလၢပှၤသးပှၢ်အဂီၢ်

SilverSneakers^®န့ၣ်မ့ၢ်တၢ်မနုၤလဲၣ်.

SilverSneakers မ့ၢ်ဝဲဆူၣ်ချ့ဒီးနီၢ်ခိအတၢ်ဟူးဂဲၤတၢ်ရဲၣ်တၢ်ကျဲၤ လၢတၢ်တ့လီၤအီၤလၢပှၤနီၢ်ဒိၣ်တဖၣ်အဂီၢ် 65+ လၢအပၣ်ဃုာ်ဒီး Medicare ဆူၣ်ချ့တၢ်တိာ်ကျဲၤတဖၣ်လၢအကြၢးဘၣ် (Blue Cross Medicare Advantage, Platinum Blue, Senior Gold ဒီး Medicare Supplement ဒီး SecureBlue တၢ်တိာ်ကျဲၤ) တဖၣ်န့ၣ်လီၤ.

အဝဲဟ့ၣ်တၢ်တိစၢၤမၤစၢၤဘၣ်ဃးနီၢ်ခိတၢ်ဂဲၤလိာ်ကွဲဟူးဂဲၤထီၣ်သးလၢအလီၢ်အိၣ်ဝဲဒၣ်လၢအကထိတဖၣ်¹ လၢထံကီၢ်ဒီတဘ့ၣ်အပူၤန့ၣ်လီၤ. တၢ်စိာ်တၢ်ဃၢတၢ်လိာ်ကွဲဒီးစဲးဖီကဟၣ်လၢကရူၢ်အတီၤတဖၣ် ² လၢဘၣ်တၢ်တီခိၣ်ရိၣ်မဲအီၤလၢပှၤနဲၣ်တၢ်လၢဘၣ်တၢ်ဟ့ၣ်အီၤတၢ်မၤလိဝံၤတဖၣ်, တၢ်ဃုထၢအိၣ်ဝဲဒၣ်လၢ ဆူၣ်ချ့တၢ်ဟူးတၢ်ဂဲၤအပတီၢ်ခဲလၢာ်အဂီၢ်န့ၣ်လီၤ. SilverSneakers ဟ့ၣ်ဝဲစ့ၢ်ကီးနီၢ်သးတၢ်လၢပှဲၤခွဲးယာ်တဖၣ် ဖဲပှၤကရူၢ်ဖိတဖၣ်မၤလိကူၣ်သ့အသီတဖၣ်သ့ ဒီးမၤလိတၢ်ဆူမဲာ်ညါတစိၤသးန့ၣ်လီၤ.

တၢ်ရဲၣ်တၢ်ကျဲၤအံၤကဲဘျုးဝဲဒၣ်လၢ ပဝဲကရူၢ်ဖိတဖၣ်ဒ်သိးအတၢ်အိၣ်ဆူၣ်အိၣ်ချ့ကဂ့ၤထီၣ်, ကအိၣ်ဆၢထၢၣ်သဘျ့ဒီးမၤတၢ်လၢအဝဲသ့ၣ်အဲၣ်ဒိးမၤဆူညါတဖၣ်အဂီၢ်န့ၣ်လီၤ. 

တၢ်အဘူးအလဲအိၣ်ဆံးအါလဲၣ်.

နမ့ၢ်အိၣ်ဒီး SilverSneakers လၢအပၣ်ဃုာ်လၢန Medicare ဆူၣ်ချ့တၢ်တိာ်ကျဲၤအပူၤန့ၣ် နဒိးန့ၢ်အခွဲးလၢကနုာ်လီၤလၢအတၢ်လီၢ်, SilverSneakers တၢ်သိၣ်လိတဖၣ်, တၢ်ဂီၤမူတဖၣ်လၢအဒိးန့ၢ်သ့ချ့ချ့, ဒီးတၢ်သးဖှံကရူၢ်ဖိတၢ်မ့ၢ်တၢ် လၢတလိၣ်ဟ့ၣ်အပှ့ၤအါထီၣ်ဘၣ်န့ၣ်လီၤ.  

တၢ်ဂဲၤလိနီၢ်ခိတၢ်ဟူးဂဲၤအလီၢ်မနုၤတဖၣ် ပၣ်ဃုာ်ဝဲဖဲ SilverSneakers န့ၣ်လဲၣ်.

တၢ်လီၢ်လၢအပၣ်ဃုာ်မၤသကိးတၢ်အိၣ်ဝဲလၢအကထိတဖၣ်လၢအမဲရကၤကီၢ်စၢဖှိၣ်အပူၤ, ¹ ဃုာ်ဒီးတီၤလၢအဟ့ၣ်အါထီၣ်စ့ၢ်ကီးတၢ်လီၢ်လၢဘၣ်ထွဲဒီးပှၤကမျၢၢ်အါဂၤ,ဒ်အမ့ၢ်ဖီကရၢၢ်ဒီးပှၤတဝၢလီၢ်ခၢၣ်သးတဖၣ်န့ၣ်လီၤ. ကရူၢ်ဖိတဖၣ်လဲၤနုာ်လီၤဝဲသ့လၢတၢ်လီၢ်သ့ၣ်တဖၣ်အံၤခဲလၢာ်ဒီးတၢ်တပာ်ပနီၣ်ဝဲလၢကဘၣ်လဲၤစူးကါထဲတၢ်လီၢ် တတီၤဧိၤဘၣ်. 

တၢ်လီၢ်တၢ်ကျဲတၢ်ရဲၣ်ကျဲၤကတီၤပာ်ဒီးအတီၤသ့ၣ်တဖၣ်န့ၣ်လီၤဆီလိာ်သးလၢတၢ်လီၢ်တၢ်ကျဲအဖီခိၣ် ¹န့ၣ်လီၤ. နလီၢ်ကဝီၤတၢ်ဂဲၤလိနီၢ်ခိတၢ်ဟူးဂဲၤအလီၢ်,သးပှၢ်လီၢ်ခၢၣ်သး, မ့တမ့ၢ်တၢ်လီၢ်အဂုၤအဂၤသ့ၣ်တဖၣ်ဘၣ်သ့ၣ်သ့ၣ်ကအိၣ်ဒီးထံကမါ, တၢ်ဟးထီၣ်ဟးလီၤကျဲလၢတၢ်သူၣ်ထီၣ်ပူၤ, သဘျ့တၢ်စိာ်တၢ်ဃၢတဖၣ်, သးဖျၢၣ်တၢ်ဟူးတၢ်ဂဲၤအပီးအလီဒီးတၢ်အဂုၤအဂၤတဖၣ်န့ၣ်လီၤ. 

ဃုကွၢ်ဆူၣ်ချ့တၢ်ဟူးဂဲၤလိာ်ကွဲအလီၢ်လၢပၣ်ဃုာ်မၤသကိးတၢ်ဒီးSilverSneakers

ဃုကွၢ်ဆူၣ်ချ့တၢ်ဟူးဂဲၤလိာ်ကွဲလီၢ်အိၣ်သူၣ်လီၤသးလၢ—ပှၤတဝၢအပူၤ  

ပၣ်ဃုာ်လၢ တဃ့အဘူးအလဲနီတဘ့ၣ်လၢနအိၣ်

SilverSneakers ဟ့ၣ်မၤစၢၤစ့ၢ်ကီးတၢ်ကူၣ်သ့အပီးအလီသန့လၢကဆီၣ်ထွဲတၢ်အိၣ်ဆူၣ်တၢ်ချ့တၢ်အိၣ်မူအိၣ်ဂဲၤအကျိၤအကျဲန့ၣ်လီၤ. ဃုကွၢ် ဆူၣ်ချ့တၢ်ကစီၣ်အဂ့ၢ်အကလုာ်ကလုာ် ဘၣ်ဃးနီၢ်ခိတၢ်ဟူးဂဲၤလိာ်ကွဲ, ဆူၣ်ချ့,တၢ်အီၣ်ဂံၢ်ဘါ,တၢ်အိၣ်မုာ်ဆိးပၢၤဒီးအဂုၤအဂၤတဖၣ်ဖဲ SilverSneakers.com. 

နမၤတၢ်ဟူးဂဲၤလိာ်ကွဲဖဲဟံၣ်ပူၤခီဖျိ SilverSneakers On-Demand™ တၢ်ဂီၤမူ ဒီးမၤန့ၢ် SilverSneakers GO™ အဲး(ပ) လၢတၢ်မၤန့ၢ်ဘၣ်ဆူၣ်ချ့တၢ်ဟူးဂဲၤလိာ်ကွဲ တၢ်တိာ်ကျဲၤတဖၣ်, တၢ်ဟူးတၢ်ဂဲၤအိၣ်ဒီးတၢ်နဲၣ်လိဒီးတၢ်သ့ၣ်ဖးဆၢကတီၢ်လၢနကမၤဆိပာ် လၢတၢ်ဒုးသ့ၣ်နီၣ်နၤအဂီၢ်, ဒီးတၢ်မၤစၢၤလၢနကဒိးန့ၢ်နတၢ်ဟူးတၢ်ဂဲၤအတၢ်ပညိၣ်တဖၣ်အဂီၢ်န့ၣ်လီၤ.

SilverSneakers မၤသကိးတၢ်ဒီး BurnAlong ဒ်သိးကဟ့ၣ်နၤခွဲးယာ်လၢ ကနုာ်လီၤကွၢ် အ့ၣ်ထၢၣ်နဲးလိၢ် နီၢ်ခိတၢ်အိၣ်ဆူၣ်အိၣ်ချ့ တၢ်မၤလိလၢအကထိတဖၣ်, အ့ၣ်ထၢၣ်နဲးအလိၤပှၤတဝၢလၢအဆီၣ်ထွဲတၢ်သ့ ဒီးနီၢ်တဂၤအဂီၢ်တၢ်နဲၣ်ကျဲ လၢကကွၢ်ထွဲနၤလၢ နတၢ်အိၣ်မုာ်ဆိးပၢၤကျဲဒီဘိညါအဂီၢ်န့ၣ်လီၤ.

SilverSneakers မၤသကိးတၢ်ဒီး GetSetUp³ ဒ်သိးကဆီၣ်ထွဲ သးသ့ၣ်ညါတၢ်လၢထီၣ်ပှဲၤထီၣ်ခွဲးယာ်တဖၣ် ခီဖျိတၢ်ဟ့ၣ်အ့ၣ်ထၢၣ်နဲးအလိၤတၢ်မၤလိ ဖဲနကွၢ်ဆၢၣ်မဲာ်ဘၣ် ကျဲအသီတဖၣ် ဒ်သိးကထိၣ်ဟူးထိၣ်ဂဲၤထီၣ်နတၢ်သးစဲ ဒီးလုၢ်လၢ်တဖၣ် မ့တမ့ၢ်ဃုထံၣ်တၢ်အသီတဖၣ်အဂီၢ်န့ၣ်လီၤ.

GetSetUp မၤညီထီၣ်တၢ်မၤလိလၢအဝဲပျဲနမၤလိတၢ်လၢတၢ်မၤဒိန့ၣ်လီၤ. ခီဖျိတၢ်သိၣ်လိအတီၤတဖၣ် လၢအိၣ်ဒီးအကယၤ ဒီးပိာ်ထွဲညီတဖၣ်န့ၣ် နကဃုထံၣ်တၢ်အဂ့ၤကတၢၢ်တဖၣ် လၢကမၤစၢၤနၤလၢ နကသးဖှံလၢတၢ်မၤလိအပူၤန့ၣ်လီၤ. အဒိန့ၣ် နကမၤလိဘၣ် ကျဲလၢလီတဲစိတီၤထီတဖျၢၣ် မၤညီန့ၢ်နသးသမူန့ၣ်လီၤ.

နုာ်လီၤကွၢ် BurnAlong ဒီး GetSetUp ခီဖျိန SilverSneakers ကရူၢ်ဖိတၢ်နုာ်လီၤ တက့ၢ်.

ယကဘၣ်စးထီၣ်မၤဒ်လဲၣ်.

1. နုာ်လီၤကွၢ် Silversneakers.com/StartHere မ့တမ့ၢ်ကိး  1-833-226-1271 လၢကဒိးန့ၢ်န SilverSneakers ID နီၣ်ဂံၢ်ဒီးဆဲးလီၤမံၤ တနံၤအံၤအဂီၢ်တက့ၢ်. နကဒိးန့ၢ်ဘၣ်အခီၣ်ထံးပတီၢ်ဆူၣ်ချ့တၢ်ဟူးဂဲၤလိာ်ကွဲအကရူၢ်ဖိဖဲ တၢ်လိာ်ကွဲလီၢ်လၢပၣ်ဃုာ်မၤသကိးတၢ်တဖၣ် လၢ SilverSneakers ပှာ်ယဲၤဘျးစဲအပူၤတဖၣ်ဒီးတၢ်လၢာ်ဘူၣ်လၢာ်စ့တအိၣ်နီတမံၤဘၣ်.
2. ဆဲးလီၤမံၤစရီလၢတီၤမၤလိတၢ်လၢအ့ထၢၣ်နဲး အိၣ်လၢဟံၣ်မ့တမ့ၢ်ဃုကွၢ်တၢ်လီၢ်အညီတဖၣ် ဖဲဆူၣ်ချ့တၢ်လိာ်ကွဲလီၢ်လၢပၣ်ဃုာ်မၤသကိးတၢ်တဖၣ် လၢအဘူးဒီးနၤန့ၣ်တက့ၢ်.
3. နုာ်ကွၢ် GetSetUp လၢ SilverSneakers.com/Account/Login ဒ်ဃုထၢလၢ တၢ်သိၣ်လိလၢအကယၤဒီးလီၤသးဖှံ လၢတၢ်တ့အီၤထဲဒၣ်လၢပှၤသးပှၢ်တဖၣ်အဂီၢ်န့ၣ်တက့ၢ်.

အခဲအံၤနမ့မ့ၢ် Blue Cross ကရူၢ်ဖိဒီးတၢ်သးဒ့ဒီမ့ၢ်အိၣ်ဘၣ်ဃး နဒိးန့ၢ်ဘၣ်SilverSneakers သ့တသ့အဂ့ၢ်န့ၣ်, ဝံသးစူၤကွၢ်သမံသမိးနတၢ်တိာ်ကျဲၤလီၤတံၢ်လီၤဆဲး မ့တမ့ၢ်ဆဲးကျိး တၢ်တိစၢၤမၤစၢၤလၢပှၤစူးကါတၢ်ဖိအဂီၢ်လီတဲစိနီၣ်ဂံၢ်အိၣ်ဖဲ တၢ်ကွၢ်နီၣ်ကွၢ်ဃါခးက့ (ID) အချၢန့ၣ်တက့ၢ်.

ဆူၣ်ချ့တၢ်ဟ့ၣ်ကူၣ်ဟ့ၣ်ဖးအဂၤတဖၣ်

တၢ်ဒီသဒၢအတၢ်ကွၢ်ထွဲဒ်နသးပှၢ်ထီၣ်အသိး
Blue Cross ဆူၣ်ချ့တၢ်ရဲၣ်တၢ်ကျဲၤတဖၣ်
ပှၤဟ့ၣ်တၢ်ကွၢ်ထွဲအတၢ်တိစၢၤမၤစၢၤ