သူန Medicare Advantage တၢ်တိာ်ကျဲၤလၢအဂ့ၤကတၢၢ်
ဃုသ့ၣ်ညါအါထီၣ်န Medicare Advantage တၢ်တိာ်ကျဲၤ အတၢ်န့ၢ်ဘျုးတဖၣ်အဂ့ၢ်လၢ ဒ်နကျုးအသိး, ဂ့ၤလၢနဂီၢ်အခါဖဲလဲၣ်ဒီး အလီၢ်ဖဲလဲၣ်တက့ၢ်ႉ
မၤလိသ့ၣ်ညါထီၣ် န Blue Cross and Blue Shield of Minnesota Medicare Advantage တၢ်န့ၢ်ဘျုးတဖၣ် လၢတၢ်ဂီၤမူဖုၣ်အံၤတဖၣ်တက့ၢ်.
ဝံၣ်ဒံၢ်အိၣ်တခါဘၣ်တခါန့ၣ် ပာ်ဖျါထီၣ်ဝဲတၢ်ဂ့ၢ်ခိၣ်တီလီၢ်တံၢ်လီၤဆဲးတခါဒီး ယံာ်ဒၣ်ထဲခံမံးနံးသၢမံးနံးန့ၣ်လီၤႉ စံၢ်လၢတၢ်ဂီၤမူတခါအလိၤ လၢနသးစဲအပူၤ ဒီးကနၣ်ဆူၣ်ချ့တၢ်တိာ်ကျဲၤ အပှၤစဲၣ်နီၤတဂၤ ဆှဲဖျါထီၣ်န Medicare Advantage တၢ်တိာ်ကျဲၤ အက့ၢ်အဂီၤအကလုာ်ကလုာ်န့ၣ်တက့ၢ်.
နမ့ၢ်သးအိၣ်သံကွၢ်အါထီၣ်တၢ်အဃိ, ဝံသးစူၤဆဲးကျိးဘၣ်ပတၢ်တိစၢၤမၤစၢၤလၢပှၤစူးကါတၢ်ဖိအဂီၢ် ကရူၢ်အလီတဲစိနီၣ်ဂံၢ်လၢအအိၣ်ဖဲန Blue Cross ကရူၢ်ဖိ (ID) ခးအလီၢ်ခံန့ၣ်တက့ၢ်ႉ
နုာ်လီၤ မ့တမ့ၢ် ဆဲးလီၤမံၤလၢနပှၤကရူၢ်ဖိအမံၤစရီပူၤ
ကွၢ်တၢ်ဂ့ၢ်တၢ်ကျိၤဘၣ်ဃးဒီးနတၢ်တိာ်ကျဲၤဒီးတၢ်ဂ့ၢ်အဂၤတက့ၢ်.
Medicare Advantage တၢ်တိာ်ကျဲၤအဝံၣ်ဒံၢ်အိၣ်တဖၣ်
သ့ၣ်ညါနၢ်ပၢၢ်နပှၤမၤစၢၤတၢ်ဖိပှာ်ဘျးစဲ
တၢ်ဒိးန့ၢ်တၢ်ကွၢ်ထွဲလၢ ကသံၣ်သရၣ်ဒီးတၢ်ဟ့ၣ်ကသံၣ်ဒၢးတဖၣ်လၢ နတၢ်တိာ်ကျဲၤအပှာ်ဘျးစဲအပူၤန့ၣ် မၤစၢၤနၤဒ်သိးနကပာ်ကီၤနကျိၣ်စ့ဒီး ဒုးလီၤတံၢ်နဒိးန့ၢ်ဘၣ်အတီၤထီတၢ်ကွၢ်ထွဲလၢ ဆူၣ်ချ့တၢ်ကွၢ်ထွဲပှၤစဲၣ်နီၤတဖၣ်အအိၣ်လီၤႉ ဝံၢ်ဒံၣ်အိၣ်အံၤတဲနၢ်ပၢၢ်ဘၣ်ဃး ပှၤဟ့ၣ်မၤစၢၤတၢ်ဒ်လဲၣ်တဖၣ် အိၣ်ဖဲနပှာ်ဘျးစဲအပူၤလဲၣ်ဒီး ကဘၣ်စူးကါပ"ဃုဒိးန့ၢ်ကသံၣ်သရၣ်တဂၤ"တၢ်ပီးတၢ်လီဒ်လဲၣ်အဂ့ၢ်လီၤႉ
တၢ်ဟ့ၣ်အဘူးအလဲ လၢကသံၣ်ကသံၣ်သရၣ်ဟ့ၣ်လီၤအဂီၢ်
လၢဝံၢ်ဒံၣ်အိၣ်အံၤအပူၤ, ပကတဲနၢ်ပၢၢ်ဘၣ်ဃး တၢ်အပတီၢ်လီၤဆီလွံၢ်ပတီၢ်လၢ တၢ်ဟ့ၣ်အဘူးအလဲ လၢကသံၣ်ကသံၣ်သရၣ်ဟ့ၣ်လီၤအဂီၢ်ဒီး အပတီၢ်တခါဘၣ်တခါန့ၣ်အိၣ်ဒီး တၢ်လၢာ်ဘူၣ်လၢာ်စ့အက့ၢ်အဂီၤလီၤဆီဒ်လဲၣ်အဂ့ၢ်န့ၣ်လီၤႉ ပကဆှဲဖျါစ့ၢ်ကီး တၢ်လီၢ်လၢ နကွၢ်ဃုကသံၣ်ကသီ လၢတၢ်ကျၢၢ်ဘၢဃာ်အီၤ လၢနတၢ်တိာ်ကျဲၤအပူၤစရီန့ၣ်လီၤ.
ကရၢဘျးစဲအပူၤကသံၣ်ကျးတဖၣ် ဒီးကဘၣ်မၤပှဲၤ နကသံၣ်ကသီအထံလဲဒ်လဲၣ်အဂ့ၢ်
နတၢ်ဟံးန့ၢ်ကသံၣ်ကသီတဖၣ်လၢ ကသံၣ်ကျးလၢတၢ်တိာ်ကျဲၤဘျးစဲပူၤတခါအအိၣ်န့ၣ် ကမၤလီၤစှၤဝဲတၢ်အဘူးအလဲန့ၣ်လီၤႉ လၢဝံၢ်ဒံၣ်အိၣ်အံၤအပူၤ ပကတဲနၢ်ပၢၢ်ဘၣ်ဃးနကွၢ်ဃု ကသံၣ်ကျးလၢတၢ်တိာ်ကျဲၤဘျးစဲပူၤတခါ ကသ့ဒ်လဲၣ်အဂ့ၢ်လီၤႉ ပကဒုးသ့ၣ်ညါစ့ၢ်ကီး ကသံၣ်ကျးလၢ မၤလိာ်ကသံၣ်သ့လၢ လံာ်ပရၢဒီး 90သီ ကသံၣ်ထံလဲတၢ်မၤပှဲၤဆီၣ်ထွဲတဖၣ်န့ၣ်လီၤ.
စ့တၢ်ပာ်ပနီၣ်လၢ ကသံၣ်ကသီလၢတလိၣ်ကသံၣ်သရၣ်လံာ်အုၣ်သးတဖၣ်ဒီး တၢ်လိၣ်ဘၣ်တဖၣ်အဂီၢ်ႉ
ဒ်နမ့ၢ် Medicare Advantage ကရူၢ်ဖိတဂၤအသိး နကြၢးဝဲဘၣ်ဝဲလၢကဒိးန့ၢ်စ့ပာ်ပနီၣ်လၢ ကသံၣ်ကသီလၢတလိၣ်ကသံၣ်သရၣ်လံာ်အုၣ်သးတဖၣ်ဒီး တၢ်လိၣ်ဘၣ်တဖၣ်အဂီၢ် သၢလါတဘျီန့ၣ်လီၤႉ ဃုသ့ၣ်ညါအါထီၣ်ဘၣ်ဃး နဒိးန့ၢ်ဝဲသ့လၢနဆူၣ်ချ့တၢ်တိာ်ကျဲအဖိခိၣ်ထဲလဲၣ်, ဒိး နမၤန့ၢ်တၢ်န့ၢ်ဘျုးအံၤသ့ဒ်လဲၣ်န့ၣ်တက့ၢ်ႉ
တၢ်ဒီသဒၢအတၢ်ကွၢ်ထွဲ တၢ်ထံၣ်လိၣ်ကူစါယါဘျါတဖၣ်
တၢ်ကွၢ်ထွဲနတၢ်အိၣ်ဆူၣ်အိၣ်ချ့န့ၣ် မ့ၢ်တၢ်အကါဒိၣ်လၢပဂီၢ်လီၤႉ လၢဝံၢ်ဒံၣ်အိၣ်အံၤအပူၤ, ပကတဲနၢ်ပၢၢ်ဘၣ်ဃး တၢ်ထံၣ်လိာ်သးဒီးကသံၣ်သရၣ်လၢတၢ်ဒီသဒၢအတၢ်ကွၢ်ထွဲအဂီၢ် အကလုာ်ကလုာ်အတၢ်လီၤဆီလိာ်သးတဖၣ်အဂ့ၢ်, ဒ်အမ့ၢ် တနံၣ်တဘျီတၢ်ဒိးပၠးသးလၢတၢ်အိၣ်ဆူၣ်အိၣ်ချ့အဂီၢ် မ့တမ့ၢ် တနံၣ်တဘျီတၢ်စဲးကွၢ်နီၢ်ခိတၢ်အိၣ်ဆူၣ်အိၣ်ချ့, ဒီး တၢ်ထံၣ်လိာ်သးဒီးကသံၣ်သရၣ်တဖၣ်အံၤမၤစၢၤနၤဒ်သိးနကအိၣ်ဆူၣ်အိၣ်ချ့အဂီၢ်သ့ဒ်လဲၣ်န့ၣ်လီၤႉ
တၢ်ကွၢ်ထွဲစီၤစိလၢအ့ထၢၣ်နဲးဖီခိၣ် အတၢ်ဃုထၢတဖၣ်
တၢ်ကွၢ်ထွဲစီၤစိလၢအ့ထၢၣ်နဲးဖီခိၣ်န့ၣ်မ့ၢ် တၢ်ကွၢ်ထွဲလၢနဒိးန့ၢ်ဘၣ်လၢနပှၤဟ့ၣ်တၢ်ကွၢ်ထွဲတၢ်အအိၣ်ခီဖျိ တၢ်ကိးလၢဝံၢ်ဒံၣ်အိၣ်ဖဲတအိၣ်တပူၤလၢ်လၢ်န့ၣ်လီၤႉ လၢဝံၢ်ဒံၣ်အိၣ်အံၤအပူၤ, ပကတၢၣ်ပီၣ်သကိးတၢ်ဃုထၢတဘျုးခါလၢ တၢ်ကွၢ်ထွဲစီၤစိလၢအ့ထၢၣ်နဲးဖီခိၣ်အဂီၢ် ဃုာ်ဒီး တၢ်ကျၢၢ်ဘၢန့ၢ်တၢ်ကွၢ်ထွဲစီၤစိလၢအ့ထၢၣ်နဲးဖီခိအဂီၢ်လၢ နတၢ်တိာ်ကျဲၤအဖီလာ်ဒ်လဲၣ်န့ၣ်လီၤႉ