တၢ်ဃ့က့ၤတၢ်အဘူးအလဲလၢ Medicare တဖၣ်န့ၣ် တၢ်ဟ့ၣ်က့ၤအီၤဒ်လဲၣ်

မၤလိသ့ၣ်ညါဘၣ်ဃးနတၢ်ဃ့က့ၤအဘူးအလဲတဖၣ်ဘၣ်တၢ်ဟ့ၣ်က့ၤဝဲခီဖျိလၢ Medicare ပှၤဟ့ၣ်တၢ်ဖိတၢတဆီ ဒီးခံဆီတဆီ တဖၣ်အကျိၤအကျဲမၤသးဒ်လဲၣ်အဂ့ၢ်တက့ၢ်ႉ

ပှၤလၢအဟ့ၣ်ထီၣ်ဆူၣ်ချ့တၢ်ကွၢ်ထွဲတဖၣ်, Medicare တၢ်တိာ်ကျဲၤ ဒီး ခီပနံာ်လၢအဟ့ၣ်တၢ်အုၣ်ကီၤတဖၣ်န့ၣ်မၤသကိးတၢ် ဒ်သိးဒီးကမၤလီၢ်တံၢ်က့ၤနတၢ်ဃ့က့ၤအဘူးအလဲတဖၣ်လၢ Medicare ကဟ့ၣ်ဝဲနတၢ်ဃ့ထီၣ်အဘူးအလဲလၢအဘၣ်လီၤတံၢ်လီၤဆဲးအဂီၢ်န့ၣ်လီၤႉ တၢ်အိၣ်သးတဖၣ်အိၣ်ဝဲအါမးလၢအဘၣ်ထွဲနတၢ်ဃ့က့ၤတၢ်အဘူးအလဲတဖၣ်လၢ Medicare န့ၣ်ဘၣ်တၢ်ဟ့ၣ်က့ၤအီၤဒ်လဲၣ်အဂ့ၢ်လီၤ, ဒ်အမ့ၢ်ဝဲစ့အီၣ်လိးလၢပှၤမၤတၢ်ဖိအဂီၢ်, သုးဖိလီၢ်လံၤအတၢ်န့ၢ်ဘျုးတဖၣ်, COBRA, ဆူၣ်ချ့တၢ်အုၣ်ကီၤဒ်အကရူၢ်အသိး မ့တမ့ၢ် တၢ်မၤလၢထီၢ်ပှဲၤထီၣ် Medicare တၢ်တိာ်ကျဲၤတဖၣ် န့ၣ်လီၤႉ

မၤလိသ့ၣ်ညါဘၣ်ဃးအဝဲမၤတၢ်ဒ်လဲၣ်ဖဲပဒိၣ်အလံာ်ဆံာ်ဖိတဘ့ၣ်အံၤအပူၤတက့ၢ်.

ကွၢ်MEDICAREလံာ်နဲၣ်ကျဲ(PDF)

 

ဖဲအံၤအိၣ်ဒီးတၢ်အခီပညီတဖၣ်လၢနၢ်ပၢၢ်ဘၣ်အီၤညီလၢ အကတဲနၢ်ပၢၢ်တၢ်ဘၣ်ဃး တၢ်ဃ့က့ၤတၢ်အဘူးအလဲတဖၣ်လၢ Medicare န့ၣ်ဘၣ်တၢ်ဟ့ၣ်က့ၤအီၤဒ်လဲၣ်အဂ့ၢ်လီၤႉ

  • Medicare အပှၤဟ့ၣ်တၢ်အခီၣ်ထံးတဆီ: ဟ့ၣ်ထီၣ်နဆူၣ်ချ့တၢ်ကွၢ်ထွဲအဘူးအလဲတဖၣ်အဂီၢ် တုၤဒၣ်လၢာ်တၢ်ဟ့ၣ်အဘူးအလဲလၢနဂီၢ်တသ့ဆူညါလၢဘၣ်လီၤႉ
  • Medicare အပှၤဟ့ၣ်တၢ်ခံဆီတဆီ: ဟ့ၣ်ထီၣ်နဆူၣ်ချ့တၢ်ကွၢ်ထွဲအဘူးအလဲလၢ အအိၣ်လီၤတဲာ်သ့ၣ်တဖၣ်အဂီၢ် တုၤဒၣ်လၢာ်တၢ်ဟ့ၣ်အဘူးအလဲလၢနဂီၢ်တသ့ဆူညါလၢဘၣ်လီၤႉ

 

Medicare တၢ်ဟ့ၣ်လၢတၢ်ဃ့က့ၤအဘူးအလဲအဂီၢ် လၢတဖျးမဲာ်အတီၢ်ပူၤ

နတၢ်ဃ့က့ၤတၢ်အဘူးအလဲတဖၣ်လၢ Medicare န့ၣ်ဘၣ်တၢ်ဟ့ၣ်က့ၤအီၤဒ်လဲၣ်အဂ့ၢ်န့ၣ် ဒိးသန့ၤထီၣ်အသးစ့ၢ်ကီးဝဲလၢ မ့ၢ်နအိၣ်ဒီး Original Medicareဧါ မ့တမ့ၢ် မ့ၢ်နဆဲးလီၤနမံၤဆူတၢ်မၤလၢထီၣ်ပှဲၤထီၣ် Medicare တၢ်တိာ်ကျဲၤဧါန့ၣ်လီၤႉ တၢ်အမံၤအသၣ်စရီအံၤပာ်ဖျါထီၣ် မ့ၢ်မတၤတဖၣ်ဟ့ၣ်ဝဲ Medicare တၢ်နီၤဖး A ဒီး တၢ်နီၤဖး B အဘူးအလဲတဖၣ်အဂီၢ်လဲၣ်န့ၣ်လီၤ

Medicare တၢ်တိာ်ကျဲၤမတၤတဖၣ်ဟ့ၣ်လဲၣ်?*
ORIGINAL MEDICARE
တၢ်ဟ့ၣ်အဘူးအလဲဟဲခီဖျိလၢကီၢ်စၢဖှိၣ်အပဒိၣ်လီၤ
Medicare တၢ်နီၤဖး A: ဟ့ၣ်ဝဲဒၣ်လၢတၢ်ထီၣ်တၢ်ဆါဟံၣ်အဂီၢ်
  • Medicare န့ၣ်မ့ၢ်ပှၤဟ့ၣ်တၢ်တၢတဆီလၢ တၢ်နီၤဖး A တၢ်ဟ့ၣ်မၤစၢၤတၢ်ကွၢ်ထွဲအဘူးအလဲတဖၣ်
  • ကရူၢ်ဖိဟ့ၣ်တၢ်လၢအအိၣ်လီၤတဲာ်သ့ၣ်တဖၣ်အဂီၢ်လီၤ
Medicare တၢ်နီၤဖး B : ဟ့ၣ်တၢ်လၢတၢ်လဲၤထံၣ်ဒီးကသံၣ်သရၣ်အဂီၢ်, တၢ်ကွၢ်ထွဲပှၤဆူးပှၤဆါလၢတလိၣ်အထီၣ်ဝဲတၢ်ဆါဟံၣ်အဂီၢ် ဒီး တၢ်သမံသမိးဆူၣ်ချ့တဖၣ်န့ၣ်လီၤ
  • Medicare န့ၣ်မ့ၢ်ဝဲဒၣ်ပှၤဟ့ၣ်တၢ်တၢတဆီလၢ တၢ်နီၤဖး B တၢ်ကွၢ်ထွဲအတၢ်လၢာ်ဘူၣ်လၢာ်စ့အဂီၢ်လီၤ
  • ကရူၢ်ဖိဟ့ၣ်တၢ်လၢအအိၣ်လီၤတဲာ်သ့ၣ်တဖၣ်အဂီၢ်လီၤ
တၢ်တိာ်ကျဲၤတဖၣ်လၢအဟ့ၣ်ထီၣ်ဝဲ MEDICARE တၢ်ဟ့ၣ်အဘူးအလဲအဂုၤအဂၤတဖၣ်
နပှ့ၤန့ၢ် တၢ်ဟ့ၣ်အဘူးအလဲလၢတၢ်ဃုထၢအီၤသ့ခီဖျိ ခီပနံာ်လၢအဆါတၢ်အုၣ်ကီၤထဲလၢပှၤလီၤလီၤဆီဆီတဖုအဂီၢ် မ့ၢ်ဒ်သိးကမၤစၢၤနဟ့ၣ်တၢ်လၢာ်ဘူၣ်လၢာ်စ့တဖၣ်လၢ Original Medicare တဟ့ၣ်ဝဲဘၣ်လီၤ
Medigap မ့တမ့ၢ် Medicare တၢ်မၤလၢထီၣ်ပှဲၤထီၣ်တၢ်တိာ်ကျဲၤ
ခီပနံာ်လၢအဆါတၢ်အုၣ်ကီၤထဲလၢ ပှၤလီၤလီၤဆီဆီတဖုအဂီၢ်န့ၣ် ဟ့ၣ်တၢ်အဘူးအလဲလၢ တၢ်နီၤဖး A ဒီး တၢ်နီၤဖး B တဖၣ်တဟ့ၣ်ဝဲဘၣ်န့ၣ်လီၤ
  • Medicare န့ၣ်မ့ၢ်ဝဲဒၣ်ပှၤဟ့ၣ်တၢ်တၢတဆီလၢ တၢ်နီၤဖး A ဒီး တၢ်နီၤဖး B တဖၣ်အဂီၢ်လီၤ
  • ခီပနံၣ်လၢအဆါတၢ်အုၣ်ကီၤန့ၣ် မ့ၢ်ဝဲဒၣ်ပှၤဟ့ၣ်တၢ်ခံဆီတဆီလၢ တၢ်နီၤဖး A ဒီး တၢ်နီၤဖး B အဘူးအလဲတဖၣ်လၢ အတဘၣ်တၢ်ဟ့ၣ်အီၤလၢ Medicare ဘၣ်န့ၣ်လီၤႉ
  • ကရူၢ်ဖိဟ့ၣ်တၢ်လၢအအိၣ်လီၤတဲာ်သ့ၣ်တဖၣ်အဂီၢ်, မ့ၢ်အိၣ်တၢ်တမံၤလၢ်လၢ်န့ၣ်လီၤ
Medicare Cost တၢ်တိာ်ကျဲၤ
ခီပနံာ်သဘျ့လၢအဆါတၢ်အုၣ်ကီၤထဲလၢမၤလံာ််ဃံာ််ဃာ်ဒီး Medicareလၢအကဟ့ၣ်ဝဲ တၢ်နီၤဖး B အတၢ်န့ၢ်ဘျုးတဖၣ်အဂီၢ်(ဒီး တဘျီတခီၣ်လၢတၢ်နီၤဖး D အဂီၢ် )
  • Medicare န့ၣ်မ့ၢ်ဝဲဒၣ်ပှၤဟ့ၣ်တၢ်တၢတဆီလၢ တၢ်နီၤဖး A တၢ်ဟ့ၣ်မၤစၢၤတၢ်ဖံးတၢ်မၤတဖၣ်အဂီၢ်, ဒီးခီပနံာ်လၢအဆါတၢ်အုၣ်ကီၤန့ၣ်မ့ၢ်ဝဲဒၣ် ပှၤဟ့ၣ်တၢ်ခံဆီတဆီန့ၣ်လီၤႉ
  • ခီပနံာ်လၢအဆါတၢ်အုၣ်ကီၤန့ၣ် မ့ၢ်ဝဲပှၤဟ့ၣ်တၢ်တၢတဆီလၢတၢ်နီၤဖး B တၢ်ဟ့ၣ်မၤစၢၤတၢ်ဖံးတၢ်မၤတဖၣ်အဂီၢ်ဒီး တၢ်နီၤဖး D ကသံၣ်ကသီလၢကသံၣ်သရၣ်ဟ့ၣ်လီၤတဖၣ်အဂီၢ် မ့မ့ၢ်လၢတၢ်တိာ်ကျဲၤတကူာ်ဒိးန့ၢ်ဘၣ်ဝဲတၢ်န့ၢ်ဘျုးအဃိလီၤ
  • ကရူၢ်ဖိဟ့ၣ်တၢ်လၢအအိၣ်လီၤတဲာ်သ့ၣ်တဖၣ်အဂီၢ်, မ့ၢ်အိၣ်တၢ်တမံၤလၢ်လၢ်န့ၣ်လီၤ
Medicare တၢ်နီၤဖး D တၢ်တိာ်ကျဲၤ
ခီပနံာ်သဘျ့လၢအဆါတၢ်အုၣ်ကီၤန့ၣ် မၤလံာ်တၢ်အၢၣ်လီၤအီလီၤလိာ်သးဒီး Medicare မ့ၢ်ဒ်သိးကဟ့ၣ်ဝဲတၢ်လၢာ်ဘူၣ်လၢာ်စ့လၢကသံၣ်လၢကသံၣ်သရၣ်ဟ့ၣ်လီၤအတၢ်န့ၢ်ဘျုးတဖၣ်အဂီၢ်လီၤႉ Medicare တဟ့ၣ်ဝဲဒၣ်တၢ်လၢာ်ဘူၣ်လၢာ်စ့လၢတၢ်နီၤဖး D ကသံၣ်ကသီလၢကသံၣ်သရၣ်ဟ့ၣ်လီၤတဖၣ်အဂီၢ်ဘၣ်ႉ
  • ခီပနံာ်လၢအဆါတၢ်အုၣ်ကီၤန့ၣ် မ့ၢ်ဝဲပှၤဟ့ၣ်တၢ်တၢတဆီလၢ အကဟ့ၣ်ဝဲတၢ်လၢာ်ဘူၣ်လၢာ်စ့လၢကသံၣ်ကသီလၢကသံၣ်သရၣ်ဟ့ၣ်လီၤတဖၣ်အဂီၢ်လီၤႉ
  • ကရူၢ်ဖိဟ့ၣ်တၢ်လၢအအိၣ်လီၤတဲာ်သ့ၣ်တဖၣ်အဂီၢ်, မ့ၢ်အိၣ်တၢ်တမံၤလၢ်လၢ်န့ၣ်လီၤ
Medicare Advantage (တၢ်နီၤဖး C) တၢ်တိာ်ကျဲၤ:
ခီပနံာ်သဘျ့လၢအဆါတၢ်အုၣ်ကီၤထဲန့ၣ်မၤလံာ်တၢ်အၢၣ်လီၤအီလီၤလိာ်သးဒီး Medicareမ့ၢ်ဒ်သိးအကဒုးဟ့ၣ်ဝဲ တၢ်နီၤဖး A, တၢ်နီၤဖး B ဒီး တၢ်နီၤဖး D တၢ်န့ၢ်ဘျုးတဖၣ်အဂီၢ်လီၤႉ
  • ခီပနံာ်သဘျ့လၢအဆါတၢ်အုၣ်ကီၤန့ၣ် မ့ၢ်ဝဲပှၤဟ့ၣ်တၢ်တၢတဆီလၢ အကဟ့ၣ်ဝဲတၢ်နီၤဖး A, တၢ်နီၤဖး B ဒီး တၢ်နီၤဖး D တၢ်ကွၢ်ထွဲအဘူးအလဲတဖၣ်
  • ကရူၢ်ဖိဟ့ၣ်တၢ်လၢအအိၣ်လီၤတဲာ်သ့ၣ်တဖၣ်အဂီၢ်, မ့ၢ်အိၣ်တၢ်တမံၤလၢ်လၢ်န့ၣ်လီၤ

*တၢ်ဟ့ၣ်တၢ်ကွၢ်ထွဲအဘူးအလဲလၢအကြၢးဒီးတၢ်ဃုထၢတဖၣ်လၢအဘၣ်တၢ်ဟ့ၣ်န့ၢ်အီၤအဘူးအလဲခီဖျိ Medicare အဂီၢ် မ့တမ့ၢ် လၢဆူၣ်ချ့တၢ်တိာ်ကျဲၤ အဂီၢ်

နမ့မ့ၢ် Blue Cross Medicare ကရူၢ်ဖိန့ၣ်, နုာ်လီၤ မ့တမ့ၢ် ဆဲးလီၤမံၤ ဒ်သိးအကကွၢ်သမံသမိးက့ၤ နတၢ်ဃ့က့ၤအဘူးအလဲတၢ်အိၣ်သးအပတီၢ်အဂီၢ်န့ၣ်တက့ၢ်ႉ

 

Medicare တၢ်ဃ့က့ၤအဘူးအလဲအတၢ်မၤအကျိၤအကျဲ

Medicare ဒီး ခီပနံာ်လၢသဘျ့လၢအဆါတၢ်အုၣ်ကီၤန့ၣ်မၤသကိးလၢအတၢ်ဟ့ၣ်က့ၤတၢ်ဃ့က့ၤအဘူးအလဲတဖၣ်အဂီၢ်လီၤႉ ဘၣ်ဆၣ်သနာ်က့ အတၢ်မၤတဖၣ်န့ၣ်ဒိးသန့ၤထီၣ်အသးလၢ တၢ်တိာ်ကျဲၤအကလုာ်လၢနဒိးန့ၢ်ဘၣ်ဝဲလီၤႉ

Original Medicare တၢ်တိာ်ကျဲၤ:

  • ဒုးနဲၣ်န Medicare တၢ်ကွၢ်နီၣ်ကွၢ်ဃါခးက့ ဆူနဆူၣ်ချ့တၢ်ကွၢ်ထွဲကသံၣ်သရၣ် အအိၣ်တက့ၢ်
  • နကသံၣ်သရၣ်ကဆှၢန့ၢ် နတၢ်ဃ့က့ၤအဘူးအလဲဆူ Medicare အအိၣ်လီၤ
  • Medicare ဟ့ၣ်တၢ်လၢအဆိဒီး ဆှၢလီၤဝဲတၢ်ဟ့ၣ်လၢတၢ်လၢာ်ဘူၣ်လၢာ်စ့အဂီၢ် လိၤလိၤဆူကသံၣ်သရၣ်အအိၣ်လီၤ
  • Medicare ဆှၢက့ၤနၤလံာ်ပာ်ဖျါတခါလၢ အတဲဖျါထီၣ်နကဘၣ်ဟ့ၣ်တၢ်မနုၤလဲၣ်အဂ့ၢ်လီၤ
  • နဘၣ်ဟ့ၣ်စ့စရီပူၤစ့အိၣ်တ့ၢ်ထဲလဲၣ်ဆူ ကသံၣ်သရၣ်အအိၣ်လိၤလိၤန့ၣ်လီၤ

Medicare တၢ်မၤလၢထီၣ်ပှဲၤထီၣ်တၢ်တိာ်ကျဲၤဒီး Medicare Cost အတၢ်တိာ်ကျဲၤတဖၣ်:

  • ဒုးနဲၣ်န Medicare တၢ်ကွၢ်နီၣ်ကွၢ်ဃါခးက့ဒီး တၢ်အုၣ်ကီၤတၢ်ကွၢ်နီၣ်ကွၢ်ဃါခးက့ဆူ နဆူၣ်ချ့တၢ်ကွၢ်ထွဲကသံၣ်သရၣ် အအိၣ်တက့ၢ်
  • နကသံၣ်သရၣ်ကဆှၢန့ၢ် နတၢ်ဃ့က့ၤအဘူးအလဲဆူ Medicare ဒီး ခီပနံာ်လၢအဆါတၢ်အုၣ်ကီၤအအိၣ်လီၤ
  • Medicare န့ၣ်မ့ၢ်ဝဲပှၤဟ့ၣ်တၢ်တၢတဆီဒီး ဆှၢလီၤဝဲတၢ်ဟ့ၣ်လၢတၢ်လၢာ်ဘူၣ်လၢာ်စ့အဂီၢ် လိၤလိၤဆူကသံၣ်သရၣ်အအိၣ်လီၤ
  • ခီပနံၣ်လၢအဆါတၢ်အုၣ်ကီၤန့ၣ် မ့ၢ်ဝဲဒၣ်ပှၤဟ့ၣ်တၢ်ခံဆီတဆီဒီး ဟ့ၣ်တၢ်လၢအကဘၣ်ဟ့ၣ်က့ၤဝဲလိၤလိၤဆူ ကသံၣ်သရၣ်အအိၣ်လီၤ
  • ဝံၤဒီးခီပနံာ်ဟ့ၣ်တၢ်အုၣ်ကီၤန့ၣ်ကဆှၢန့ၣ်နၤတၢ်တဲနၢ်ပၢၢ် တၢ်န့ၢ်ဘျုးအဂ့ၢ်အကျိၤတဖၣ် (EOB) လၢအတဲဖျါထီၣ်နကဘၣ်ဟ့ၣ်တၢ်မနုၤလဲၣ်, မ့အိၣ်တမံၤလၢ်လၢ်န့ၣ်လီၤ
  • နဘၣ်ဟ့ၣ်စ့စရီပူၤစ့အိၣ်တ့ၢ်ထဲလဲၣ်ဆူ ကသံၣ်သရၣ်အအိၣ်လိၤလိၤန့ၣ်လီၤ

Medicare Advantage အတၢ်တိာ်ကျဲၤတဖၣ်:

  • ဒုးနဲၣ်နတၢ်အုၣ်ကီၤ တၢ်ကွၢ်နီၣ်ကွၢ်ဃါခးက့ဆူနဆူၣ်ချ့တၢ်ကွၢ်ထွဲကသံၣ်သရၣ် အအိၣ်တက့ၢ် (ပာ်ဃာ်က့ၤန Medicare တၢ်ကွၢ်နီၣ်ကွၢ်ဃါခးက့ဖဲတၢ်လီၢ်တတီၤတီၤလၢ အအိၣ်ဒီးတၢ်ဘံၣ်တၢ်ဘၢန့ၣ်တက့ၢ်)
  • နကသံၣ်သရၣ်ကဆှၢန့ၢ် တၢ်ဃ့က့ၤအဘူးအလဲထဲဒၣ်ဆူ ခီပနံာ်လၢအဆါတၢ်အုၣ်ကီၤအအိၣ်လီၤ
  • ခီပနံၣ်လၢအဆါတၢ်အုၣ်ကီၤန့ၣ် မ့ၢ်ဝဲဒၣ်ပှၤဟ့ၣ်တၢတဆီဒီး ဟ့ၣ်တၢ်လၢအကဘၣ်ဟ့ၣ်က့ၤဝဲလိၤလိၤဆူ ကသံၣ်သရၣ်အအိၣ်လီၤ
  • ဝံၤဒီးခီပနံာ်ဟ့ၣ်တၢ်အုၣ်ကီၤန့ၣ်ကဆှၢန့ၢ်နၤလၢ တၢ်တဲနၢ်ပၢၢ် တၢ်န့ၢ်ဘျုးအဂ့ၢ်အကျိၤတဖၣ် (EOB) လ၊အစံးဝဲတၢ်လၢနဘၣ်ဟ့ၣ်က့ၤ, မ့မ့ၢ်တၢ်တမံၤလၢ်လၢ်န့ၣ်လီၤ
  • နဘၣ်ဟ့ၣ်စ့စရီပူၤစ့အိၣ်တ့ၢ်ထဲလဲၣ်ဆူ ကသံၣ်သရၣ်အအိၣ်လိၤလိၤန့ၣ်လီၤ

သ့ၣ်နီၣ်ထီၣ်က့ၤမ့မ့ၢ်လၢနသုကသံၣ်သရၣ်တဂၤလၢအအိၣ်ဖဲ နတၢ်တိာ်ကျဲၤတၢ်ဘျးစဲပူၤဒီး, ကသံၣ်သရၣ်ကဃ့က့ၤတၢ်အဘူးအလဲလၢနဂီၢ်လီၤႉ နမ့ၢ်သူကသံၣ်သရၣ်လၢတၢ်တိာ်ကျဲၤဘျးစဲအချၢဒီး, နကစၢ်ကဘၣ်တီၣ်ထီၣ်တၢ်ဃ့က့ၤအဘူးအလဲအဂီၢ်န့ၣ်လီၤႉ

 

မၤလိသ့ၣ်ညါအါထီၣ်ဘၣ်ဃး Medicare တၢ်ဃ့က့ၤအဘူးအလဲဒီး တၢ်ဟ့ၣ်အဘူးအလဲတဖၣ်အဂ့ၢ်

Medicare ဟ့ၣ်တၢ်မနုၤတဖၣ်အဂီၢ်လဲၣ်
Medicare တၢ်တိာ်ကျဲၤတဖၣ်ၤတဖၣ်အမၠိကလုာ်
တၢ်ဃုထံၣ်ဒီးတၢ်ဟ့ၣ်အပှ့ၤဘၣ်ဃးဟံၣ်ဃီပူၤဆူၣ်ချ့တၢ်ကွၢ်ထွဲ 

 

ဆၢကတီၢ်ဖဲတၢ်မၤသီထီၣ်က့ၤလီၢ်ခံကတၢၢ် လါစဲးပတံဘၢၣ် 1, 2016
H2461_081816_AA02 CMS Approved 9/29/2016