Monica Engel

ဒ်ကရၢခိၣ်ခံအခိၣ်လၢအလီၢ်လးထီ ဒီး ကရၢခိၣ်လၢပဒိၣ်တၢ်ဆါတၢ်ပှ့ၤအလီၢ်တဖၣ်အသိး ဖဲ Blue Cross ဒီး Blue Shield လၢ Minnesota အသိး Monica Engelအမူအဒါန့ၣ်ဘၣ်ဃးပဒိၣ်ဆူၣ်ချ့တၢ်ရဲၣ်တၢ်ကျဲၤအတၢ်ဆါတၢ်ပှ့ၤလၢအမ့ၢ် Medicare, Medicaid,ကီၢ်စၢဖှိၣ်ပဒိၣ်ပှၤမၤတၢ်ဖိ ဒီး ပှၤတဂၤစုာ်စုာ်အဂီၢ်တၢ်ဆါတၢ်ပှ့ၤအါမံၤတဖၣ်န့ၣ်လီၤ.

Engelအိၣ်ဒီးတၢ်လဲၤခီဖျိအိၣ်အါန့ၣ်ဒံး 30န့ၣ်လၢဆူၣ်ချ့တၢ်ကွၢ်ထွဲပနံာ်တကပၤ ဒီးဘၣ်တၢ်ပာ်ပနီၣ်အီၤလၢပိာ်မုၣ်လလၢတၢ်ဖံးမၤအလီၢ်ဘၣ်တၢ်မၤလၤကပီၤအီၤ2019ဂၤအကျါတဂၤလၢ Minneapolis St. Paul တၢ်ဖံးမၤလံာ်ကစီၣ်န့ၣ်လီၤ. အတၢ်လဲၤခီဖျိအိၣ်ဝဲလၢ တၢ်တီခိၣ်ရိမဲပဒိၣ်ဆူၣ်ချ့တၢ်ကွၢ်ထွဲ တၢ်ရဲၣ်တၢ်ကျဲၤတကးဒံးဘၣ်, အဝဲအိၣ်စ့ၢ်ကီးဒီးတၢ်လဲၤခီဖျိလၢတၢ်တီခိၣ်ရိမဲ ကမျၢၢ်အသနၢၣ်, Taft Hartley စၢဖှိၣ်ကရၢ ဒီး ပနံာ်တၢ်ဆါတၢ်ပှ့ၤ တကပၤန့ၣ်လီၤ.

Engel ဘၣ်တၢ်သ့ၣ်ညါအီၤလၢ အတၢ်ဃုထံၣ်န့ၢ် တၢ်အသီဆူညါကွ့ၢ်ကွ့ၢ် ဒီး မၤအါထီၣ်တၢ်ခွဲးဂ့ၤယာ်ဘၣ်တဖၣ် လၢအဟဲစိာ်န့ၢ် စဲးဖီကဟၣ်တၢ်မၤလီၢ်တၢ်ဆီတလဲ, ပာ်ဃုာ်ဒီး တၢ်ဒုးအိၣ်ထီၣ်တၢ်အသီတဖၣ်လၢ ကမၤဘီၣ်ထီၣ်ညီထီၣ် တၢ်ဒိးန့ၢ်တၢ်ကျၢၢ်ဘၢမၤစၢၤတၢ်ကွၢ်ထွဲတဖၣ်ဒီး တၢ်တိာ်ကျဲၤ အတၢ်အိၣ်ယၢၤတဖၣ်န့ၣ်လီၤ. တယံာ်ဒံးဘၣ်နံၣ်တဖၣ်အပူၤ, အဝဲမ့ၢ်တ့ၢ်ဝဲဒၣ် ပှၤတဂၤလၢ အတီခိၣ်ရိမဲ တၢ်ကရၢကရိခီဖျိ အမၤကဲထီၣ်လိၣ်ထီၣ် တၢ်ကွၢ်ထွဲလၢ ပှၤပှ့ၤစူးကါအီၤန့ၢ် သဲစးတၢ်ဘျၢ (Affordable Care Act) ဒီးမၤစၢၤ Minnesota ပှၤသူၣ်က့သးပှၢ်တဖၣ်လၢ တၢ်နဲၣ်ကျဲဖဲ ကီၢ်စဲၣ်ဒီဘ့ၣ်တၢ်ဆါတၢ်ပှ့ၤတၢ်လဲလိာ်အကတီၢ်လၢ Medicare Cost အတၢ်တိာ်ကျဲၤတဖၣ် ဆူ Medicare Advantage အအိၣ်န့ၣ်လီၤ.

Engelဒိးန့ၣ်ဘၣ်ဒံၢ်ကရံၣ်ဘၣ်ဃးတၢ်ဖံးတၢ်မၤတၢ်ပၢဆှၢဂၢၢ်ကျၢၤတီခိၣ်ရိၣ်မဲဖဲ Kellogg School ဒီး ဖျိထီၣ်ဝဲလၢ Minnesota Management Institute အတၢ်ရဲၣ်တၢ်ကျဲၤဖဲ မဲာ်နံစိထၣ်ဖၠၣ်စိၣ်မိၤ,Carlson တၢ်ပၢဆှၢရဲၣ်ကျဲၤတၢ်ကၠိန့ၣ်လီၤ.

Engel မ့ၢ်ဝဲဒၣ် Women's Health Leadership TRUST အပှၤပၢၤလီၢ်ဆ့ၣ်နီၤလီၢ်လံၤတဂၤ, ကရူၢ်ဖိတဂၤလၢအဂဲၤလိာ်လၢ Women Business Leaders အပူၤတဂၤ ဒီး ကမံးတံာ်ကရူၢ်ဖိတဂၤလၢ Hennepin Healthcare Foundation, Lifespark, Signify ဒီး Minnesota ဆူၣ်ချ့ တၢ်တိာ်ကျဲၤတဖၣ် ပှၤကူၣ်လိာ်တၢ်ကရၢ အပူၤလီၤ. ဖဲ 2017 နံၣ်န့ၣ်, Dakota County Regional Chamber ဘၣ်ထွဲဒီး တၢ်မၤပနံာ်တၢ်ကၤန့ၣ် ဟ့ၣ်လၤဟ့ၣ်ကပီၤ Engel လၢ "ပိာ်မုၣ်လၢအဖျိးစိ" ခိၣ်ဖးန့ၣ်လီၤ. ဖဲ 2020 န့ၣ်, Women's Health Leadership TRUST မၤလၤမၤကပီၤအီၤလၢ Jean Harris ခိၣ်ဖး, လၢအမ့ၢ်ဝဲဒၣ် တၢ်ဟ့ၣ်လီၤကရူၢ်ဖိတဂၤလၢ အဖျိးစိလၢဆူၣ်ချ့တၢ်ကွၢ်ထွဲအပူၤဒီး ကဲထီၣ်တၢ်ဒိဂ့ၤတဲာ်ဘၣ်လၢ TRUST အတၢ်ထံၣ်စိအပူၤ ဒ်သိးကဒုးအိၣ်ထီၣ် ပှၤတဝၢလၢအဆူၣ်ချ့ဂ့ၤဒိၣ်ထီၣ် ခီဖျိတၢ်သ့ၣ်ညါ ပိာ်မုၣ်ပိာ်မၢၤအတၢ်သ့ကဲခိၣ်ကဲနၢ်လၢ ကဂုၤထီၣ်ပသီထီၣ်ခါဆူညါန့ၣ်လီၤ.