ဆူၣ်ချ့တၢ်တိာ်ကျဲၤဃုာ်ဒီးစ့စရီအကီးလၢဘၣ်တၢ်သုအီၤလၢဆူၣ်ချ့သနၢၣ်အဂီၢ်န့ၣ် မၤစၢၤနၤလၢနဆူၣ်ချ့ဘူးလဲကလီၤစှၤဒီးမၤလီၤစှၤနခိနသွဲၣ်အဂီၢ်လီၤ.
စ့စရီအကီးလၢဘၣ်တၢ်သုအီၤလၢဆူၣ်ချ့သနၢၣ်အဂီၢ်(MSA)န့ၣ် ဘၣ်တၢ်သူအီၤဃုာ်အီၤဒီး ဆူၣ်ချ့တၢ်တိာ်ကျဲၤလၢပှၤပှ့ၤအီၤအါတနီၤ (CDHP) အကျါသ့ဝဲလီၤ. ညီနုၢ်ဆူၣ်ချ့တၢ်တိာ်ကျဲၤတဖၣ်အံၤအတၢ်ဟ့ၣ်ဆိအဘူးအလဲအါဝဲန့ၣ်လီၤ. အအံၤမၤစၢၤနၤလၢနကပာ်ကီၤစ့လၢစ့စရီပူၤ တချုးနခိနသွဲၣ်ဘၣ်တၢ်ထုးထီၣ်အီၤဒံးဘၣ်လီၤ. နသုးကျဲၤကတဲာ်ကတီၤတၢ်လၢ နဆူၣ်ချ့တၢ်ကွၢ်ထွဲအဘူးအလဲတဖၣ်အဂီၢ်သ့ခီဖျိ တၢ်စူးကါစ့မိၢ်ပှၢ်တဖၣ်ဒ်သိးကဟ့ၣ်၀ဲဒၣ် တၢ်ဟ့ၣ်အဘူးအလဲလၢနီၢ်ကစၢ်စ့လၢအကြၢးဘၣ်၀ဲအဂီၢ်န့ၣ်လီၤႉ
တၢ်ပၢၤဃာ်စ့အကီးလၢဆူၣ်ချ့ဂီၢ် မ့ၢ်ကြၢးဝဲဘၣ်ဝဲလၢနဂီၢ်န့ၣ်,လဲၤဆူ Further (ဘၣ်တၢ်သ့ၣ်ညါအီၤဒ် SelectAccount® လၢညါ)န့ၣ်တက့ၢ်.
ဃုသ့ၣ်ညါအါထီၣ်ဘၣ်ဃးဒီး စ့အကီးတဖၣ်တၢ်သူအီၤအဂီၢ်
HSA စံးတၢ်န့ၣ် မ့ၢ်မနုၤလဲၣ် ဒီးမၤတၤမၤဒ်လဲၣ်.
HSA န့ၣ် မ့ၢ်၀ဲတၢ်ပၢၤဃာ်စ့အကီးလၢဆူၣ်ချ့ဂီၢ်လၢအမၤသကိးတၢ်ဒီးဆူၣ်ချ့တၢ်တိာ်ကျဲၤလၢတၢ်ဟ့ၣ်ဆိအဘူးအလဲ အါန့ၣ်လီၤ. နစူးကါစ့ပာ်ဖှိၣ်တဖၣ်သ့ ဒ်သိးကဟ့ၣ်စၢၤနီၢ်ကစၢ်စ့လၢဆူၣ်ချ့တၢ်ကွၢ်ထွဲအဘူးအလဲတဖၣ်အဂီၢ် လၢနဆူၣ်ချ့တၢ်အုၣ်ကီၤတဟ့ၣ်န့ၢ်၀ဲတဖၣ်န့ၣ်လီၤ.
နသူစ့လၢ HSA ပူၤလၢကဟ့ၣ် တၢ်ဟ့ၣ်အဘူးအလဲလၢနီၢ်ကစၢ်စ့ လီၤဂာ်ဒ် တၢ်ဟ့ၣ်ဆိအဘူးအလဲ, တၢ်ဟ့ၣ်သဃဲၤ, ဒီးတၢ်အုၣ်ကီၤဟ့ၣ်သဃဲၤအဂီၢ်လီၤ. တကးဒံးဘၣ် နသူစ့လၢ HSA ပူၤလၢကဟ့ၣ် မဲဒီးမဲာ်ချံအတၢ်ကွၢ်ထွဲအဂီၢ်လီၤ.
HSA အတၢ်ကဲဘျုးကဲဖှိၣ်တဖၣ်
HSA န့ၣ် ကကဲဘျုး၀ဲ မ့ၢ်လၢနတဘၣ်ဂံၢ်အီၤဃုာ်နခိနသွဲၣ်အကျါဘၣ်လီၤ. နပာ်ကီၤစ့လၢ HSA အကီး တချုးလၢနခိနသွဲဘၣ်တၢ်ဒွးဃုာ်အီၤဒံးဘၣ် ဒီး နကဒိးန့ၢ်ဘၣ်စ့အအ့ၣ်လၢပူၤဖျဲးဒီးတၢ်အခိအသွဲန့ၣ်လီၤ. နတဘၣ်ဟ့ၣ်တၢ်အခိအသွဲဖဲနသူစ့လၢ HSA စရီပူၤလၢကဟ့ၣ်၀ဲဒၣ် ဆူၣ်ချ့တၢ်ကွၢ်ထွဲအဘူးအလဲလၢအကြၢးဘၣ်၀ဲတဖၣ် အဂီၢ်အခါဘၣ်.
HSA ကတၢ်ကဲဘျုးကဲဖှိၣ်တနီၤမ့ၢ်ဝဲ:
- တၢ်တလိၣ်ဂံၢ်အီၤလၢနခိနသွဲအကျါဘၣ်: တလိၣ်နဟ့ၣ်တၢ်အခိအသွဲလၢ စ့လၢနထၢနုာ်လီၤဆူနအကီးပူၤန့ၣ်လီၤႉ
- ပူၤဖျဲးဒီးတၢ်အခိအသွဲ - စ့လၢနထုးထီၣ်ဟ့ၣ် ဆူၣ်ချ့တၢ်ကွၢ်ထွဲအဘူးအလဲလၢအကြၢးဘၣ်၀ဲတဖၣ်အဂီၢ်န့ၣ် တလိၣ်ဟ့ၣ်တၢ်အခိအသွဲဘၣ်
- ဒိးန့ၢ်စ့အ့ၣ်လၢပူၤဒီးတၢ်အခိအသွဲ: စ့အိၣ်လၢန HSA အပူၤန့ၣ် အအ့ၣ်ကအါထီၣ်၀ဲ
- စ့လဲၤခီဂာ်ဝဲ: နံၣ်ကတၢၢ်တုၤဒီးစ့မ့ၢ်အိၣ်လၢန HSA စရီအပူၤဒံးန့ၣ် ကလဲၤခီဂာ်ဝဲဆူညါတနံၣ်အဃိ ကျိၣ်စ့လၢနတသူဘၣ်အီၤတဖၣ်န့ၣ် တလီၤမၢ်ကွံာ်ဝဲဘၣ်
- ကျိၣ်စ့သုးအသးသ့: နမ့ၢ်ဆီတလဲနတၢ်အုၣ်ကီၤ ဒီး တၢ်ဟ့ၣ်ဆိအဘူးအလဲ အါအတၢ်တိာ်ကျဲၤ မ့တမ့ၢ် နမၤတၢ်မၤလၢအလီၢ်သီ နဆဲးဃံးဃာ်န HSA သ့ဝဲဒၣ်လီၤ
- တၢ်အိၣ်ဘှံးက့ၤလၢတၢ်မၤ - ဖဲနသးအိၣ် 65 နံၣ်န့ၣ် နသူကျိၣ်စ့လၢန HSA ပူၤလၢတၢ်ဂ့ၤတမံၤလၢ်လၢ်အဂီၢ်သ့, တမ့ၢ်ထဲလၢဆူၣ်ချ့တၢ်ကွၢ်ထွဲအဂီၢ်ဘၣ် - တလိၣ်တၢ်ဘၣ်လိးက့ၤတၢ်ဘၣ်ႉ
- တၢ်ဘျၢလီၤစ့: ဖဲနကျိၣ်နစ့တလၢကွံာ်ဝဲ $1, 000 အခါန့ၣ် ကျိၣ်စ့လၢအတလၢကွံာ်ဝဲန့ၣ် နဘျၢလီၤအီၤလၢ စ့မိၢ်ပှၢ်ပူၤ, ခီပနံာ်အစ့မိၢ်ပှၢ်ပူၤ, မ့တမ့ၢ်နဒိးလဲအီၤဒီးခီပနံာ်လၢကဟ့ၣ်က့ၤနၤစ့အအ့ၣ်လၢခံသ့
HSA န့ၣ် လီၤဆီလိာ်သး ဒီး HRA မ့တမၢ် FSA လၢကျဲဒ်လဲၣ်.
HRA န့ၣ် မ့ၢ်ဒၣ်တၢ်ရဲၣ်တၢ်ကျဲၤလၢနတၢ်မၤလီၢ်ဟ့ၣ်လီၤဝဲဒၣ်လၢ ကဟ့ၣ်က့ၤကဒါက့ၤ ဆူၣ်ချ့တၢ်ဘူးတၢ်လဲအဂီၢ်န့ၣ်လီၤ. တၢ်မၤကစၢ်တဖၣ်န့ၣ် ဆီၣ်ထွဲမၤစၢၤ HRA အတၢ်ရဲၣ်တၢ်ကျဲၤတဖၣ်လီၤ. နတၢ်ဟ့ၣ်ဆိအဘူးအလဲလၢ နတၢ်တိာ်ကျၢၤပူၤခီဖျိနတၢ်မၤလီၢ်မ့ၢ်အါအဃိန့ၣ်, နသူကျိၣ်စ့လၢ HRA ပူၤလၢ ကဟ့ၣ်က့ၤဆူၣ်ချ့တၢ်ကွၢ်ထွဲအဘူးအလဲအဂီၢ်သ့ဝဲန့ၣ်လီၤ. နဘၣ်သူစ့လၢန HRA အပူၤခဲလၢာ်ဖဲနံၣ်တချုးလၢာ်ဒံးဘၣ်န့ၣ်လီၤ. စ့လၢအအိၣ်တ့ၢ်ဝဲဒၣ်န့ၣ် တဘၣ်တၢ်ဆှၢဃီၤအီၤဆူနစ့စရီလၢဆူညါတနံၣ်အဂီၢ်ဘၣ်.
FSA န့ၣ်မ့ၢ်၀ဲဒၣ်စ့စရီဟ့ၣ်အဘူးအလဲတခါလၢ အအိၣ်ဘၣ်ဘျီးဘၣ်ဒါလၢ အဒုးကဲထီၣ်စ့ပူၤဖျဲးဒီးတၢ်အခိအသွဲဒ်သိး ကဟ့ၣ်န့ၢ်တၢ်အဘူးအလဲလၢအကြၢးဘၣ်၀ဲတဖၣ်အဂီၢ်, ဒ်သိးဒီးတၢ်အံးထွဲကွၢ်ထွဲဖဲမုၢ်နံၤကတီၢ်ဒီး ဆူၣ်ချ့တၢ်ကွၢ်ထွဲပနံာ်တဖၣ်ဒီး တၢ်ဟ့ၣ်မၤစၢၤတဖၣ်လၢနဆူၣ်ချ့တၢ်တိာ်ကျဲၤ တဟ့ၣ်န့ၢ်၀ဲတဖၣ် (ဒ်သိးဒီးမဲာ်ချံတၢ်ထံၣ်ဒီး မဲအတၢ်ကွၢ်ထွဲ) အဂီၢ်န့ၣ်လီၤႉ FSA တခါန့ၢ်တၢ်ဒိးန့ၢ်အီၤသ့ထဲလၢ ဆူၣ်ချ့တၢ်တိာ်ကျဲၤတဖၣ်လၢနဒိးန့ၢ်လၢ နတၢ်မၤကစၢ်အအိၣ်လီၤႉ
နဒုးဘျးစဲ FSA ဃုာ်ဒီး HSA သ့ဝဲလီၤ. ဘၣ်ဆၣ်သနာ်က့, နကဘၣ်သူ HSA လၢကဟ့ၣ်န့ၢ် ဆူၣ်ချ့တၢ်ကွၢ်ထွဲအဘူးအလဲတဖၣ်အဂီၢ်လီၤ. နသူစ့လၢ FSA ပူၤလၢတၢ်ဘူးတၢ်လဲကြၢး၀ဲဘၣ်၀ဲအဂၤ အဂီၢ် လီၤဂာ်ဒ် မဲာ်ချံဒီးမဲတၢ်ကွၢ်ထွဲအဂီၢ်လီၤ.
ထိၣ်သတြီၤ HSA, HRA ဒီး FSA အတၢ်တိာ်ကျဲၤတဖၣ်
စ့စရီအကလုာ် | သူအီၤလၢ ဆူၣ်ချ့တၢ်ကွၢ်ထွဲအဘူးအလဲတဖၣ် |
ထၢနုာ်လီၤစ့ (ပူၤဒီးခိသွဲ) |
ဒိးန့ၢ်စ့အအ့ၣ် | တၢ်စိာ်အီၤညီ | ဖဲနသးအိၣ်65နံၣ် လၢတၢ်ဘူးတၢ်လဲတမံၤဂ့ၤတမံၤဂ့ၤ |
---|---|---|---|---|---|
HSA | မ့ၢ် | မ့ၢ် | မ့ၢ် | မ့ၢ် | မ့ၢ် |
HRA | မ့ၢ် | တၢ်မၤကစၢ် ဟ့ၣ် |
တမ့ၢ်ဘၣ် | တမ့ၢ်ဘၣ် | တမ့ၢ်ဘၣ် |
FSA | မ့ၢ် | မ့ၢ် | တမ့ၢ်ဘၣ် | တမ့ၢ်ဘၣ် | တမ့ၢ်ဘၣ် |
ယမၤန့ၢ် HSA မ့တမၢ်ဆူၣ်ချ့တၢ်ပာ်ကီးစ့စရီအဂၤ ကသ့ဒ်လဲၣ်.
နုာ်လီၤကွၢ်ပတၢ်တိာ်ကျဲၤတဖၣ်လၢ ပှၤတဂၤစုာ်စုာ် ဒီးဟံၣ်ဖိဃီဖိအတၢ်တိာ်ကျဲၤတဖၣ် ဖဲနမ့ၢ်ဃုကွၢ်ဆူၣ်ချ့တၢ်တိာ်ကျဲၤလၢနၤဒီးနဟံၣ်ဖိဃီဖိအဂီၢ်န့ၣ်တက့ၢ်. နမ့ၢ်ဃုထၢပာ် HSA အတၢ်တိာ်ကျဲၤန့ၣ် Blue Cross ကဟ့ၣ်န့ၢ်နၤလၢတၢ်ဂ့ၢ်တၢ်ကျိၤလၢအလိၣ်ဝဲဒၣ်လၢ ကအိးထီၣ်န HSA အစရီအဂီၢ်န့ၣ်လီၤ.
ကွၢ်ပှၤတဂၤစုာ်စုာ် ဒီးဟံၣ်ဖိဃီဖိအတၢ်တိာ်ကျဲၤတဖၣ်
နတၢ်မၤလီၢ်မ့ၢ်ဟ့ၣ်န့ၢ်နၤလၢ နဆူၣ်ချ့တၢ်တိာ်ကျဲၤ န့ၣ် တဲတၢ်ဒီးနခီပနံာ်တၢ်ဒိးလဲဒီးတၢ်သိၣ်လိမၤယူၤပှၤဝဲၤကျိၤ လၢကမၤလိဘၣ် HSA, HRA မ့တမ့ၢ် FSA အတၢ်ဃုထၢတဖၣ် ဒီးနအိးထီၣ်အကီးကသ့ဒ်လဲၣ်အဂ့ၢ်န့ၣ်လီၤ.
ကျိၣ်စ့လၢယ HSA, HRA မ့တမ့ၢ် FSA အိၣ်ထဲလဲၣ်န့ၣ် ယဃုကွၢ်ဝဲကသ့ဒ်လဲၣ်.
နမ့ၢ်ကဲ Blue Cross အကရူၢ်ဖိ ဒီးန HSA, HRA မ့တမ့ၢ် FSA အိၣ်ပာ်ဝဲဒၣ်န့ၣ် ဆဲးလီၤမံၤ မ့တမ့ၢ် နုာ်လီၤကွၢ် လၢကရူၢ်ဖိအပှာ်ယဲၤကဘျံးလၢကကွၢ်စ့အိၣ်ထဲလဲၣ်အဂ့ၢ်န့ၣ်တက့ၢ်.
မၤလိအါထီၣ်လၢ HSA အဂ့ၢ်
6 တၢ်အဘျူးတဖၣ်လၢ တၢ်ဃုထၢ HSA အဂ့ၢ်
ကျဲ 7 ဘိလၢ ကမၤစှၤလီၤဆူၣ်ချ့တၢ်ကွၢ်ထွဲအဘူးအလဲအဂီၢ်
တၢ်ပၢၤဃာ်စ့အကီးလၢဆူၣ်ချ့ဂီၢ်တခါန့ၣ်မၤတၢ်မၤဒ်လဲၣ်.
တၢ်ပာ်ဖှိၣ်ကျိာ်စ့ဖဲ တၢ်အိၣ်ဘှံးက့ၤလၢတၢ်မၤဝံၤအလီၢ်ခံအဂီၢ် ခီဖျိ HSA
နတၢ်တိာ်ကျဲၤအန့ၢ်ဘျုးန့ၢ်ဖှိၣ်တဖၣ်အမၤတၢ်ဒ်လဲၣ်အတၢ်ဂ့ၢ်ကျိၤညီနုၢ်တဖၣ်. ကွၢ်ကဒါက့ၤတၢ်ဘျုးတၢ်ဖှိၣ်ဒီး တၢ်ဟ့ၣ်အဘူးအလဲ တၢ်ကွဲးကျၢၢ်တံၢ် ဒီး ဆူၣ်ချ့တၢ်တိာ်ကျဲၤ တၢ်န့ၢ်ဘျုးအလံာ်ဆံးဖိ လၢကမၤလိအါထီၣ်လၢ နတၢ်တိာ်ကျဲၤမၤတၢ်ဒ်လဲၣ်အဂ့ၢ်န့ၣ်တက့ၢ်.