Medicareတၢ်ဟ့ၣ်ကသံၣ်အလံာ်က့တၢ်ဟ့ၣ်အပှ့ၤတၢ်တိာ်ကျဲၤ

တၢ်ဟ့ၣ်ကသံၣ်အလံာ်က့တၢ်ဟ့ၣ်အပှ့ၤတၢ်တိာ်ကျဲၤမ့ၢ်ဝဲတၢ်ရဲၣ်တၢ်ကျဲၤလၢတၢ်စးထီၣ်မၤအီၤဖဲ2025ဒ်သိးကမၤစၢၤနၤလၢတၢ်ရဲၣ်ကျဲၤနီၢ်ကစၢ်-ကဘၣ်ထုးထီၣ်ဟ့ၣ်-တၢ်အပှ့ၤMedicare တၢ်နီၤဖး D ကသံၣ်ကသီတၢ်လၢာ်ဘူၣ်လၢာ်စ့ၤခီဖျိတၢ်ရၤလီၤအီၤလၢတနံၣ်အတီၢ်ပူၤ(လါယနူၤအါရံၤ-လါဒံၣ်စဲဘၢၣ်)န့ၣ်လီၤ. တၢ်အံၤကဲဘျုးကဲဖှိၣ်ဝဲဖဲလၢနကသံၣ်ကသီတၢ်လၢာ်ဘူၣ်လၢာ်စ့ၤအါဝဲအခါ,လီၤဆီဒၣ်တၢ်ဖဲလၢနံၣ်အခီၣ်ထံးအခါန့ၣ်လီၤ.

နမ့ၢ်သးမံသးမုာ်ဝဲဒၣ်ခါခဲအံၤကျိၤကျဲလၢနဟ့ၣ်တၢ်အပှ့ၤဘၣ်ဃးMedicare တၢ်နီၤဖး D ကသံၣ်ကသီတဖၣ်, နကသံၣ်ကသီတၢ်လၢာ်ဘူၣ်လၢာ်စ့ၤစှၤဝဲမ့တမ့ၢ်တလါဘၣ်တလါထဲသိးသိး,မ့တမ့ၢ်နမ့ၢ်ဒိးန့ၢ်တၢ်မၤစၢၤလၢနကဟ့ၣ်ကသံၣ်အပှ့ၤခီဖျိတၢ်ရဲၣ်တၢ်ကျဲၤအဂုၤအဂၤဒ်အမ့ၢ်တၢ်မၤစၢၤလီၤဆီလၢတၢ်မၤအါထီၣ်, တၢ်ဟ့ၣ်အပှ့ၤအခွဲးအယာ်တမံၤအံၤတမ့ၢ်ဝဲတၢ်ဃုထၢအဂ့ၤကတၢၢ်လၢနဂီၢ်ဘၣ်.

တၢ်အံၤမ့ၢ်ဝဲဒၣ်နီၢ်ကစၢ်တၢ်သးအိၣ်တၢ်ဟ့ၣ်အပှ့ၤအခွဲးအယာ်လၢတၢ်ဟ့ၣ်လီၤခီဖျိMedicare တၢ်နီၤဖး Dတၢ်တိာ်ကျဲၤတဖၣ်န့ၣ်လီၤ. လၢတၢ်ကနုာ်လီၤပၣ်ဃုာ်အဂီၢ်တၢ်လၢာ်ဘူၣ်လၢာ်စ့ၤတအိၣ်ဘၣ်. တၢ်ရဲၣ်တၢ်ကျဲၤတမံၤအံၤကကဲထီၣ်ဝဲဒၣ်တၢ်မၤစၢၤဒ်သိးနကရဲၣ်ကျဲၤတလါဘၣ်တလါတၢ်လၢာ်ဘူၣ်လၢာ်စ့ၤတဖၣ်, ဘၣ်ဆၣ်တမ့ၢ်လၢနကပူၤဖျဲးလၢတၢ်ဘၣ်ဟ့ၣ်စ့ဘၣ်မ့တမ့ၢ်တမ့ၢ်လၢကထုးစှၤလီၤနကသံၣ်ကသီတၢ်လၢာ်ဘူၣ်လၢာ်စ့ၤတဖၣ်ဘၣ်.

ကသံၣ်လၢကသံၣ်သရၣ်ဟ့ၣ်လီၤ​​​​​​​ သဲစးတၢ်ဘျၢပာ်ပနီၣ်ဃာ်ဝဲဒၣ် တၢ်အဘူးအလဲလၢ တၢ်ဟ့ၣ်အီၤလၢနီၢ်ကစၢ်စ့တဖၣ် ဖဲ$2,000 in 2025. အခီပညီန့ၣ်နတဘၣ်ဟ့ၣ်ဝဲအါန့ၢ် $2,000 ဖဲတၢ်အဘူးအလဲလၢတၢ်ဟ့ၣ်အီၤလၢနီၢ်ကစၢ်စ့တဖၣ်လၢMedicare တၢ်နီၤဖး D ကသံၣ်ကသီတၢ်လၢာ်ဘူၣ်လၢာ်စ့ၤလၢ 2025 နီတဘျီဘၣ်န့ၣ်လီၤ. တၢ်အံၤတၢ်မ့ၢ်တၢ်တီလၢပှၤကိးဂၤဒဲးလၢအိၣ်ဒီးMedicare တၢ်နီၤဖး D ကသံၣ်ကသီ တၢ်ဟ့ၣ်အဘူးအလဲ တဖၣ်အဂီၢ်, ဖဲလၢနတဃုထၢဝဲဒၣ် တၢ်ပၣ်ဃုာ်ဝဲဖဲတၢ်ဟ့ၣ်တၢ်အပှ့ၤအခွဲးအယာ်တမံၤအံၤဒၣ်လဲာ်န့ၣ်လီၤ.

• နကဘၣ်ဟ့ၣ်ဒံးဝဲဒၣ် Medicare တၢ်နီၤဖး D တၢ်တိာ်ကျဲၤ တၢ်အုၣ်ကီၤအဘူးအလဲ (နမ့ၢ်အိၣ်ပာ်တခါန့ၣ်) ဒ်လၢခါခဲအံၤနမၤပာ်အသိးန့ၣ်လီၤ. ထီဘိဟ့ၣ်တလါဘၣ်တလါန တၢ်အုၣ်ကီၤအဘူးအလဲ အဆိ(နမ့ၢ်အိၣ်ပာ်တခါန့ၣ်), ဒ်သိးနကကသံၣ် တၢ်ဟ့ၣ်အဘူးအလဲ သုတလီၤမၣ်ကွံာ်တဂ့ၤန့ၣ်လီၤ.
• နမ့ၢ်ဆဲးလီၤမံၤလၢMedicare တၢ်ဟ့ၣ်ကသံၣ်အလံာ်က့တၢ်ဟ့ၣ်အပှ့ၤတၢ်တိာ်ကျဲၤဖဲ 2024,န့ၣ်, နတၢ်နုာ်လီၤပၣ်ဃုာ်ကစးထီၣ်ဝဲလၢ လါယနူၤအါရံၤ, 1, 2025 န့ၣ်လီၤ. ဖဲလါယနူၤအါရံၤအလီၢ်ခံ 1, 2025န့ၣ်, နဆဲးလီၤမံၤတဘျီလၢ်လၢ်လၢဒီတနံၣ်ညါအတီၢ်ပူၤသ့ဝဲဒၣ်န့ၣ်လီၤ.
• နတၢ်နုာ်လီၤပၣ်ဃုာ်အဂီၢ်တၢ်တူၢ်လိာ်အီၤမ့ၢ်ဝံၤန့ၣ်, နကဒိးန့ၢ်ဘၣ်လံာ်တဘ့ၣ်ဃုာ်ဒီးတၢ်ဂ့ၢ်တၢ်ကျိၤဘၣ်ဃးနကဘၣ်ဟ့ၣ်နတၢ်ဘူးတၢ်လဲဒ်လဲၣ်န့ၣ်လီၤ. ဖဲလၢ ပှၤဆါကသံၣ်ကသီ ဆှၢထီၣ် တၢ်ဃ့က့ၤအဘူးအလဲ လၢနတၢ် တၢ်ဟ့ၣ်ကသံၣ်အလံာ်က့ အဂီၢ်န့ၣ်, ပကဒုးသ့ၣ်ညါဘၣ် ကသံၣ်ကျး လၢ နမ့ၢ်ပှၤနုာ်လီၤပၣ်ဃုာ်ဖဲတၢ်ဟ့ၣ်တၢ်အပှ့ၤအခွဲးအယာ်တမံၤအံၤန့ၣ်လီၤ.
• ဖဲလၢနမၤပှဲၤတၢ်ဟ့ၣ်ကသံၣ်အလံာ်က့ ဘၣ်ဃးကသံၣ်လၢ တၢ်ဟ့ၣ်အဘူးအလဲကျၢၢ်ဘၢခီဖျိ Medicare တၢ်နီၤဖး Dန့ၣ်, တၢ်လၢနဘၣ်ဟ့ၣ်ဖဲကသံၣ်ကျးတဖၣ်အလီၢ်န့ၣ်, နကဒိးန့ၢ်ဘၣ် တၢ်ဆှၢန့ၢ်နၤတၢ်ဘူးတၢ်လဲတလါဘၣ်တလါ (ပၣ်ဃုာ်ဒီးတၢ်ဆှၢပရၢမၤလိာ်တၢ်ဒီးကသံၣ်ကျးလၢတၢ်လိၣ်ဘၣ်လီၤလီၤဆီဆီတဖၣ်) န့ၣ်လီၤ.
• နတၢ်ဘူးတၢ်လဲတလါဘၣ်တလါအဂီၢ်န့ၣ်ဒိးသန့ၤထီၣ်အသးလၢတၢ်လၢာ်ဘူၣ်လၢာ်စ့ၤဖဲကသံၣ်လၢကသံၣ်သရၣ်ဟ့ၣ်လီၤတဖၣ်, ဃုာ်ဒီး အပူၤကွံာ်အလါတဖၣ်စ့အိၣ်တ့ၢ်, နီၤဖးဒီးလါအနီၣ်ဂံၢ်ပှဲၤလါလၢအအိၣ်တ့ၢ်ဖဲတနံၣ်အတီၢ်ပူၤန့ၣ်လီၤ.
• နမူဒါအိၣ်ဒံးဝဲဒၣ်ဘၣ်ဃး Medicare တၢ်နီၤဖး D နီၢ်ကစၢ်ကဘၣ်ထုးထီၣ်ဟ့ၣ်တၢ်အပှ့ၤ လၢကသံၣ်ကသီတၢ်လၢာ်ဘူၣ်လၢာ်စ့တဖၣ်ခဲလၢာ်န့ၣ်လီၤ. နမ့ၢ်အဲၣ်ဒိးသ့ၣ်ညါဘၣ်ဃး တၢ်ဟ့ၣ်ကသံၣ်အလံာ်က့ မနုၤလၢနကစၢ်ကဘၣ်ဟ့ၣ်ဝဲဒၣ်လဲၣ်န့ၣ်, ဆဲးကျိးဘၣ် Medicare တၢ်နီၤဖး D တၢ်တိာ်ကျဲၤ မ့တမ့ၢ် သံကွၢ် ပှၤဆါကသံၣ်ကသီ​​​​​​​ န့ၣ်တက့ၢ်.

တၢ်ဃ့ထီၣ်ဘၣ်ဃးတၢ်ဃုထၢနုာ်လီၤ Medicare တၢ်ဟ့ၣ်ကသံၣ်အလံာ်က့ တၢ်ဟ့ၣ်အပှ့ၤတၢ်တိာ်ကျဲၤတဖၣ်န့ၣ် တၢ်ဖံးမၤအီၤလၢ24နၣ်ရံၣ်အတီၢ်ပူၤန့ၣ်လီၤ. နမ့ၢ်လိၣ်ဘၣ်ဝဲဒၣ်လၢတၢ်ကဘၣ်ဟံးန့ၢ်တၢ်ဟ့ၣ်ကသံၣ်အလံာ်က့ လၢအချ့န့ၣ်, ဆဲးကျိးတၢ်ဆီၣ်ထွဲမၤစၢၤပှၤပှ့ၤစူးကါတၢ်ဖိဖဲ1-833-696-2087, TTY 711 ဒ်သိးနကတဲသကိးနတၢ်ဃုထၢအခွဲးအယာ်တဖၣ်န့ၣ်တက့ၢ်.

တၢ်ဖံးမၤတၢ်အဆၢကတီၢ်မ့ၢ်ယံာ်နီၢ်လၢတၢ်ကမၤပှဲၤ တၢ်ဟ့ၣ်ကသံၣ်အလံာ်က့ အဂီၢ် ဒီး တၢ်ဆၢကတီၢ်အယံာ်အံၤ မ့ၢ်ဒုးအိၣ်ထီၣ်တၢ်မၤဘၣ်ဒိနတၢ်အိၣ်ဆူၣ်အိၣ်ချ့န့ၣ်, နဃ့ထီၣ် တၢ်ဃုထၢလၢတၢ်ကကွၢ်ကဒါက့ၤတၢ်ဖံးတၢ်မၤလၢခံအဂီၢ်လၢ72နၣ်ရံၣ်အတီၢ်ပူၤစးထီၣ်ဖဲလၢ တၢ်မၤလၢပှဲၤဝဲကသံၣ်လၢကသံၣ်သရၣ်ဟ့ၣ်လီၤ တၢ်ဃ့က့ၤအဘူးအလဲ တၢ်ဖံးမၤအီၤဝံၤအလီၢ်ခံန့ၣ်လီၤ.

နတၢ်ဃ့ထီၣ်န့ၣ်မ့ၢ်ဘၣ်တၢ်တူၢ်လိာ်အီၤဒီး, နကဒိးန့ၢ်ဘၣ်က့ၤ တၢ်ဟ့ၣ်သကိးတၢ်လၢာ်ဘူၣ်လၢာ်စ့ခဲလၢာ်လၢတၢ်မၤပှဲၤကသံၣ်လၢကသံၣ်သရၣ်ဟ့ၣ်လီၤတဖၣ်လၢ 45သီအတီၢ်ပူၤဖဲတၢ်နုာ်လီၤပၣ်ဃုာ်ဖဲMedicare တၢ်ဟ့ၣ်ကသံၣ်အလံာ်က့ တၢ်ဟ့ၣ်အပှ့ၤတၢ်တိာ်ကျဲၤန့ၣ်လီၤ.

နမ့ၢ်တဟ့ၣ်တၢ်အဘူးအလဲလၢနကဘၣ်ဟ့ၣ်တခါန့ၣ်ဒီးနကဒိးန့ၢ်ဘၣ်တၢ်မၤသ့ၣ်နီၣ်ထီၣ်နၤန့ၣ်လီၤ. နမ့ၢ်တဟ့ၣ်တၢ်အဘူးအလဲလၢနကဘၣ်ဟ့ၣ်တခါဖဲမုၢ်နံၤမုၢ်သီလၢအိၣ်ဖျါဖဲတၢ်မၤသ့ၣ်နီၣ်ထီၣ်အပူၤန့ၣ်ဒီး, ကဘၣ်တၢ်ထုးကွံာ်နၤလၢMedicare တၢ်ဟ့ၣ်ကသံၣ်အလံာ်က့ တၢ်ဟ့ၣ်အပှ့ၤတၢ်တိာ်ကျဲၤန့ၣ်လီၤ.

နတၢ်ဟ့ၣ်လိးအပှ့ၤမ့ၢ်စဲၤခံသနာ်က့, အလီၢ်အိၣ်လၢနကဟ့ၣ်တၢ်အပှ့ၤနီၣ်ဂံၢ်လၢနကဘၣ်ဟ့ၣ်, ဘၣ်ဆၣ်တဘၣ်ဟ့ၣ်ဝဲစ့အအ့ၣ်မ့တမ့ၢ်တၢ်အဘူးအလဲတဖၣ်ဘၣ်. နဟ့ၣ်လိးတၢ်အပှ့ၤနီၣ်ဂံၢ်ခဲလၢာ်တဘျီဃီမ့တမ့ၢ်, နဟ့ၣ်ဝဲတၢ်ဘူးတၢ်လဲလၢတလါဘၣ်တလါသ့န့ၣ်လီၤ.

တၢ်မ့ၢ်ထုးကွံာ်နၤလၢMedicare တၢ်ဟ့ၣ်ကသံၣ်အလံာ်က့ တၢ်ဟ့ၣ်အပှ့ၤတၢ်တိာ်ကျဲၤန့ၣ်, နနုာ်လီၤဆဲးလီၤမံၤလၢMedicare တၢ်နီၤဖး D တၢ်တိာ်ကျဲၤသ့ဒံးဝဲဒၣ်န့ၣ်လီၤ.

မၤလၢာ်စှၤလီၤတၢ်ဘၣ်ဃးကသံၣ်ကသီလၢကသံၣ်သရၣ်ဟ့ၣ်လီၤခီဖျိMedicareတၢ်မၤစၢၤလီၤဆီလၢတၢ်မၤအါထီၣ်အတၢ်ရဲၣ်တၢ်ကျဲၤ

တၢ်မၤစၢၤလီၤဆီလၢတၢ်မၤအါထီၣ်န့ၣ်မ့ၢ်ကျိၣ်စ့တၢ်ဆီၣ်ထွဲမၤစၢၤတၢ်ရဲၣ်တၢ်ကျဲၤလၢတၢ်ဒိးန့ၢ်ဘၣ်သ့လၢMedicareအပှၤန့ၢ်ဘၣ်ဘျုးတဖၣ်လၢအအိၣ်ဒီးဂံၢ်ထံးသန့ဒီးတၢ်ဟဲနုာ်တဖၣ်စှၤဝဲအဂီၢ်န့ၣ်လီၤ. တၢ်ရဲၣ်တၢ်ကျဲၤအံၤမၤစၢၤကရၢဖိတဖၣ်ဒ်သိးကဟ့ၣ်တၢ်အပှ့ၤလၢMedicare တၢ်နီၤဖး D တၢ်လၢာ်ဘူၣ်လၢာ်စ့ၤဒီးဘၣ်တၢ်မၤအါထီၣ်အီၤဖဲ 2024ဒ်သိးကဟ့ၣ်တၢ်သ့ဒိးန့ၢ်ဘၣ်တၢ်ဘၣ်ဘျုးတဖၣ်အါထီၣ်အဂီၢ်န့ၣ်လီၤ.

တၢ်မၤစၢၤလီၤဆီလၢတၢ်မၤအါထီၣ်န့ၣ်မၤစၢၤနၤဒ်သိးနကဟ့ၣ်တၢ်အပှ့ၤဘၣ်ဃးတလါဘၣ်တလါMedicare တၢ်နီၤဖး D တၢ်တိာ်ကျဲၤ တၢ်အုၣ်ကီၤအဘူးအလဲ, တၢ်ဟ့ၣ်သဃဲၤ, ဒီး တၢ်အုၣ်ကီၤဟ့ၣ်သဃဲၤအပှ့ၤအနီၣ်ဂံၢ်တဖၣ်န့ၣ်လီၤ. နမ့ၢ်အိၣ်ဒီးတၢ်မၤစၢၤလီၤဆီလၢတၢ်မၤအါထီၣ်န့ၣ်, နဆဲးလီၤမံၤလၢMedicare တၢ်ဟ့ၣ်ကသံၣ်အလံာ်က့တၢ်ဟ့ၣ်အပှ့ၤတၢ်တိာ်ကျဲၤသ့ဝဲ, ဘၣ်ဆၣ်နဒိးန့ၢ်ဘၣ်တၢ်ဘၣ်ဘျုးအါထီၣ်သ့ခီဖျိတၢ်မၤစၢၤလီၤဆီလၢတၢ်မၤအါထီၣ်အတၢ်ရဲၣ်တၢ်ကျဲၤန့ၣ်လီၤ.

ဃုသ့ၣ်ညါအါထီၣ်ဘၣ်ဃးတၢ်မၤစၢၤလီၤဆီလၢတၢ်မၤအါထီၣ်

နဆဲးကျိးနဟီၣ်ကဝီၤ ကီၢ်စဲၣ်ဆူၣ်ချ့တၢ်အုၣ်ကီၤတၢ်ဆီၣ်ထွဲမၤစၢၤတၢ်ရဲၣ်တၢ်ကျဲၤ (SHIP) ဒ်သိးနကန့ၢ်ဘၣ်တၢ်မၤစၢၤအကလီဘၣ်ဃးတၢ်ပတံထီၣ်အဂီၢ်သ့န့ၣ်လီၤ.