ဃုထံၣ်န့ၢ်ကသံၣ်သရၣ်တၢ်သံကွၢ်ညီနုၢ် (FAQs)

နမ့ၢ်အဲၣ်ဒိးန့ၢ်ဘၣ်အဘျုးအါကတၢၢ်လၢနတၢ်တိာ်ကျဲၤတၢ်ဟ့ၣ်အဘူးအလဲအဂီၢ်န့ၣ် မ့ၢ်ဒၣ်တၢ်အရ့ဒိၣ်လၢ နကထံၣ်ဒီးကသံၣ်သရၣ်တဖၣ် လၢနဆူၣ်ချ့တၢ်တိာ်ကျဲၤဘျးစဲပူၤန့ၣ်လီၤ.

တၢ်ဃုထံၣ်ကသံၣ်သရၣ်အဂီၢ် ဘၣ်မနုၤအဃိယကဘၣ်ဆဲးနုာ်လီၤမံၤလဲၣ်.

ပပှာ်ယဲၤဘျးစဲတဖၣ်အလဲၢ်ဝဲသနာ်က့ ကသံၣ်သရၣ်လီၤလီၤဆီဆီ ဒီးပှၤဟ့ၣ်ဆူၣ်ချ့တၢ်ကွၢ်ထွဲလၢအဘၣ်တၢ် ကွဲးစရီလီၤအမံၤလၢပီးလီအပူၤအံၤန့ၣ်, တအိၣ်ဝဲဒၣ်လၢနဆူၣ်ချ့တၢ်တိာ်ကျဲၤဘျးစဲပူၤကိးဂၤဒဲးဘၣ်. မ့ၢ်ဒၣ်တၢ်အရ့ဒိၣ်လၢ နကနုာ်လီၤကွၢ်နပှာ်ယဲၤကဘျံး ဒီးဃုကွၢ်ပှာ်ယဲၤဘျးစဲလၢအကြၢးအဘၣ်, ဒီးမၤလီၤတံၢ်နကထံၣ်ဘၣ်ဒီးကသံၣ်သရၣ်တဖၣ်, ကသံၣ်ဝဲၤဒၢးဒီးတၢ်ဆါဟံၣ်တဖၣ်လၢဘၣ်တၢ်ဟ့ၣ်အဘူးအလဲအအါကတၢၢ်လၢနဆူၣ်ချ့တၢ်တိာ်ကျဲၤအဂီၢ်န့ၣ်လီၤ. နမ့ၢ်လဲၤဘၣ်လၢပှၤဟ့ၣ်တၢ်ကွၢ်ထွဲ လၢတအိၣ်ဖဲနပှာ်ယဲၤဘျးစဲန့ၣ်, ဘၣ်သ့ၣ်သ့ၣ်တၢ်အဘူးအလဲလၢ တၢ်ဟ့ၣ်အီၤလၢနီၢ်ကစၢ်စ့တဖၣ်အါဝဲဒၣ်ဒိၣ်မးလီၤ.

နုာ်လီၤဒ်သိးကဃုဒိးန့ၢ်ကသံၣ်သရၣ်တဂၤ

 

ယဘၣ်ဃုထၢတၢ်တိာ်ကျဲၤဘျးစဲဖဲလဲၣ်တခါလဲၣ် ယကသ့ၣ်ညါဘၣ်ဒ်လဲၣ်.

ကျဲအဂ့ၤကတၢၢ်လၢ နကမၤလီၤတံၢ်က့ၤ နတၢ်ဃုကွၢ် ပှာ်ဘျးစဲသန့လၢအဘၣ်န့ၣ် မ့ၢ်ဝဲ ခီဖျိ တၢ်ဆဲးလီၤမံၤနုာ်လီၤ န့ၣ်လီၤ. ခီဖျိနဟ့ၣ်လီၤတၢ်ဂ့ၢ်တၢ်ကျိၤလၢ နတၢ်ကွၢ်နီၣ်ကွၢ်ဃါခးက့(ID)န့ၣ်ဒီး, ပကသ့ၣ်ညါဝဲဒၣ်နပှာ်ယဲၤဘျးစဲဒီးတၢ်ဃုကွၢ်အစၢတဖၣ်ကဟဲဖျါထီၣ်ဝဲထဲတၢ်လၢဘၣ်ဃးနပှာ်ယဲၤဘျးစဲအပူၤတဖၣ်ဖဲလၢနနုာ်လီၤဒီးနမံၤန့ၣ်လီၤ. တကးဒံးဘၣ်နမၤသ့၀ဲဒၣ်: 

  • ကွၢ်ဖဲနတၢ်တိာ်ကျဲၤအပီးအလီတဖၣ်, ဘၣ်ဃးလၢတၢ်ဟ့ၣ်ကသံၣ်လံာ်က့အတၢ်ကွဲးဖှိၣ်, တၢ်တိာ်ကျဲၤလံာ်ဃံးဃာ်, မ့တမ့ၢ်တၢ်အပီးအလီလၢတၢ်ဆါအီၤတဖၣ်လၢနပှၤဟ့ၣ်တၢ်တိစၢၤမၤစၢၤတၢ်အမံၤပှာ်ယဲၤဘျးစဲတဖၣ်န့ၣ်တက့ၢ်.
  • ဆဲးကျိး တၢ်တိစၢၤမၤစၢၤလၢပှၤစူးကါတၢ်ဖိအဂီၢ် ဖဲလီတဲစိနီၢ်ဂံၢ်လၢအအိၣ်၀ဲၣ်ဒၣ်လၢန ကရူၢ်ဖိ (ID) ခး တၢ်ကွၢ်နီၣ်ကွၢ်ဃါခးက့က့ၢ်အလီၢ်ခံတဖျၢၣ်န့ၣ်တက့ၢ်.

ယကဘၣ်ဃုကွၢ်ပှၤဟ့ၣ်တၢ်တိစၢၤမၤစၢၤဘၣ်ဃးဆူၣ်ချ့တၢ်ကွၢ်ထွဲတဖၣ်ဒ်လဲၣ်.

တၢ်အစၢလၢနထံၣ်အီၤန့ၣ် မ့ၢ်ဖျါစှၤကိာ်ဖိန့ၣ်, မၤဘၣ်က့ၤနတၢ်ဃုကွၢ်တဖၣ်:

  • စူးကါလံာ်မဲာ်ဖျၢၣ်စှၤန့ၢ်အန့ၣ် မ့တမ့ၢ်တၢ်ကတိၤအဖျၢၣ်ထီရီၤ
  • မၤဘၣ်က့ၤတၢ်ဂ့ၢ်ဘၣ်ဃးတၢ်လီၢ်တၢ်ကျဲၤမ့တမ့ၢ်အမံၤလာ်တဖၣ်
  • ဃုကွၢ်ခီဖျိတၢ်ဂ့ၢ်လီၤဆီ (အဒိ—ကသံၣ်သရၣ်ကွၢ်ဖိသၣ်) 
  • စူးကါဝ့ၢ်ဒီးကီၢ်စဲၣ်အမံၤဖဲလၢဝ့ၢ်တဖျၢၣ်အိၣ်ဒီးစံးနီၣ်ဂံၢ်(ZIP)အါန့ၢ်တခါတဖၣ်အဂီၢ်
  • နမ့ၢ်မၤစှၤလီၤတၢ်ဂ့ၢ်ခိၣ်တီလၢနဃုကွၢ်အီၤ ခီဖျိတၢ်အစၢလၢနလိၣ်ဘၣ်အသိး (အဒိ—ဃုထၢမုၣ်ခွါ)န့ၣ်, ဘှီဘၣ်က့ၤတၢ်ဂ့ၢ်လၢနလိၣ်ဘၣ်တဖၣ်
  • မၤပိာ်ထွဲတၢ်နဲၣ်ကျဲလၢတၢ်ဃုကွၢ်တၢ်ဂ့ၢ်ကလုာ်လီၤဆီတဖၣ် 

တၢ်ကူးကွဲးယါဘျါကျိၤကျဲၤတဖၣ်အဂီၢ် ယကဃုကွၢ်တၢ်လၢာ်ဘူၣ်လၢာ်စ့ၤဒ်လဲၣ်.

ပှၤလၢအဒိးန့ၢ်ဘၣ်ပှၤတဂၤစုာ်စုာ် ဒီးဟံၣ်ဖိဃီဖိအတၢ်တိာ်ကျဲၤတဖၣ် ခီဖျိတၢ်မၤလီၢ်—ဟ့ၣ်မၤစၢၤတၢ်တဖၣ်န့ၣ် စူးကါဝဲပီးလီတမံၤအံၤသ့ဝဲဒၣ် လၢကဃုတယာ်ကွၢ်တၢ်လၢာ်ဘူၣ်လၢစ့ၤလၢ1,700+ တၢ်ကူးကွဲးယါဘျါဒီးတၢ်တိစၢၤမၤစၢၤတဖၣ်အဂီၢ်န့ၣ်လီၤ. တၢ်တဖၣ်အံၤန့ၣ်, တၢ်စူးကါလၢ Medicare ကရူၢ်ဖိတဖၣ်အဂီၢ် အခဲအံၤတသ့ဒံးဘၣ်.

အပတီၢ် 1: နုာ်လီၤမ့တမ့ၢ် ဆဲးလီၤမံၤနုာ်လီၤ လၢကရူၢ်ဖိပှာ်ယဲၤသန့ မ့တမ့ၢ်ကရူၢ်ဖိအဲး(ပ)အခီးမံၤစရီ(account)န့ၣ်တက့ၢ်.

အပတီၢ် 2: တၢ်ဒုးနဲၣ်ဃုဒိးန့ၢ်ကသံၣ်သရၣ်တဂၤ

အပတီၢ် 3: ပၢနုာ်လီၤတၢ်ယါဘျါကျိၤကျဲအမံၤလၢ "ဃုဒိးန့ၢ်ကသံၣ်သရၣ်တဂၤ" တၢ်ဃုကွၢ်အလီၢ်န့ၣ်

အပတီၢ် 4: ခိးကွၢ်စှၤစဲးကီးလၢတၢ်အမံၤစရီကဟဲဖျါထီၣ်အဂီၢ်န့ၣ်

အပတီၢ် 5:ဃုထၢ တၢ်ကူးကွဲးယါဘျါအမံၤလၢနလိၣ်ဘၣ်

အပတီၢ်6: ကွၢ်သမံသမိးတၢ်အဘူးအလဲထီရီၤလၢတၢ်တယာ်ပာ်အီၤ ဒီးဃုထၢပှၤဟ့ၣ်တၢ်ကွၢ်ထွဲ ၤဒ်သိးနကကွၢ်လီၤတံၢ်အါထီၣ်အဂ့ၢ်အကျိၤ

နဃုထၢ "တၢ်ကွၢ်ထွဲအဘူးအလဲတၢ်တယာ်ကွၢ်" ဒီး မၤထွဲတၢ်နဲၣ်ကျဲဘၣ်ဃးတၢ်ကူးကွဲးယါဘျါအမံၤဃုာ်ဒီးတၢ်တယာ်ပာ်အဘူးအလဲန့ၣ်တက့ၢ်. 

ဃုကွၢ်ဘၣ်ဃးတၢ်ကူစါတၢ်အကျိၤအကွာ်

တၢ်ဃုကွၢ်နီၣ်ထိၣ်တၢ်ဂ့ၢ်နီၤဖးတဖၣ်အခီပညီမ့ၢ်မနုၤလဲၣ်ဒီးပှၤလၢအဟ့ၣ်လီၤတၢ်ဂ့ၢ်တၢ်ကျိၤတဖၣ်မ့ၢ်မတၤလဲၣ်.

တၢ်ဃုဒိးန့ၢ်ကသံၣ်သရၣ်တဂၤအဂ့ၢ်အကျိၤန့ၣ် ဘၣ်တၢ်ဟ့ၣ်လီၤခီဖျိလၢ ဆူၣ်ချ့တၢ်ကွၢ်ထွဲကသံၣ်သရၣ်တဂၤစုာ်စုာ်မ့တမ့ၢ်တၢ်တိစၢၤမၤစၢၤတၢ်အလီၢ်တဖၣ် ဒီးတၢ်ဂ့ၢ်တဖၣ်န့ၣ်, ဘၣ်တၢ်မၤဘၣ်မၤသီထီၣ်ဒ်အလီၢ်အိၣ်အသိး ခီဖျိတၢ်မၤလံာ်ဃံးဃာ်ကျိၤကျဲဃုာ်ဒီး Blue Cross န့ၣ်လီၤ.

ပှၤစဲၣ်နီၤလီၤဆီ - တၢ်အံၤမ့ၢ်ဝဲကသံၣ်ကသီအတၢ်လီၤဆီလၢဆူၣ်ချ့တၢ်ကွၢ်ထွဲ, လၢကသံၣ်သရၣ်ယါဘျါတၢ်တဖၣ်အကံၢ်စီတၢ်အုၣ်ကီၤအိၣ်လၢကဟ့ၣ်ဆူၣ်ချ့တၢ်ယါဘျါအတၢ်မၤစၢၤတဖၣ် ဆူပပှၤကရူၢ်ဖိတဖၣ်အဂီၢ်န့ၣ်လီၤ. ပှၤစဲၣ်နီၤလီၤဆီအကံၢ်စီတဖၣ်န့ၣ် ဘၣ်တၢ်မၤလီၤတံၢ်ခီဖျိတၢ်လီၤဆီအကရၢမိၢ်ပှၢ်လၢအကြၢးဝဲဘၣ်ဝဲအသိး မ့တမ့ၢ်ခီဖျိ ကသံၣ်တၢ်မၤလိလီၤဆီလၢကသံၣ်သရၣ်အဂီၢ်တၢ်ရဲၣ်တၢ်ကျဲၤန့ၣ်လီၤ. 

တၢ်ဆါဟံၣ်တၢ်ဘျးစဲမၤသကိး - တၢ်ဆါဟံၣ်တဖၣ်အံၤအိၣ်ဝဲဒၣ်လၢဆူၣ်ချ့တၢ်တိာ်ကျဲၤပှာ်ယဲၤဘျးစဲပူၤ, လၢပှၤဟ့ၣ်ဆူၣ်ချ့တၢ်ကွၢ်ထွဲမၤစၢၤတၢ်တဖၣ်တူၢ်လိာ်ဝဲမ့တမ့ၢ်မၤန့ၢ်ဝဲတၢ်ဘၣ်ဘျုးတဖၣ်န့ၣ်လီၤ. ဝံသးစူၤတိၢ်နီၣ်လၢတၢ်ဆါဟံၣ်တဖၣ် မ့ၢ်တအိၣ်ဒီးလံာ်ဃံးဃာ်လၢဆူၣ်ချ့တၢ်တိာ်ကျဲၤန့ၣ်, တၢ်တပာ်ဖျါအမံၤဖဲတၢ်နဲၣ်ကျဲတခါအံၤဘၣ်.

Medical ကရူၢ်တၢ်ဘျးစဲမၤသကိတဖၣ် - ကသံၣ်ကသီကရူၢ်ကရၢအမံၤစရီခဲလၢာ်ဘၣ်ဃးဆူၣ်ချ့တၢ်ကွၢ်ထွဲကသံၣ်သရၣ်ဖဲလဲၣ်တဂၤအတၢ်ဘျးစဲအိၣ်ဝဲတဖၣ် (ဒ်အအိၣ်ဝဲကြၢးဝဲအသိး)န့ၣ်လီၤ. ကသံၣ်သရၣ်ကွၢ်ပှၤဆါမ့ၢ်တဟ့ၣ်လီၤအဂ့ၢ်အကျိၤဘၣ်န့ၣ်, တၢ်တပၢနုာ်အီၤဖဲတၢ်နဲၣ်ကျဲတခါအံၤဘၣ်.

ကမံးတံာ်မိၢ်ပှၢ်လံာ်အုၣ်သး - ဖဲလၢကသံၣ်သရၣ်တဂၤမၤလၢပှဲၤဝဲတၢ်ရဲၣ်တၢ်ကျဲၤဝံၤဒီးတၢ်ဒိးစဲးကွၢ်တၢ်သ့တၢ်ဘၣ်စဲၣ်နီၤလီၤဆီတဖၣ်ဝံၤန့ၣ်, အဝဲကဒိးန့ၢ်ဘၣ်ဝဲကမံးတံာ်မိၢ်ပှၢ်လံာ်အုၣ်သးန့ၣ်လီၤ. ကမံးတံာ်မိၢ်ပှၢ်လံာ်အုၣ်သးဒုးနဲၣ်ဖျါထီၣ်ဝဲ ကသံၣ်သရၣ်ကွၢ်ပှၤဆါအံၤမ့ၢ်ပှၤစဲၣ်နီၤလၢတၢ်ယါဘျါလီၤလီၤဆီဆီတမံၤမံၤ ဒီး/မ့တမ့ၢ် စဲၣ်နီၤခံတပတီၢ်ဘၣ်ဃးကသံၣ်တၢ်ယါဘျါတဖၣ်န့ၣ်လီၤ. ကသံၣ်သရၣ်ကွၢ်ပှၤဆါအကမံးတံာ်မိၢ်ပှၢ်လံာ်အုၣ်သးအတၢ်အိၣ်သးပတီၢ်, ပၣ်ဃုာ်ဒီးမုၢ်နံၤလၢအကတၢၢ်ကွံာ် (မ့ၢ်အိၣ်ဝဲ)န့ၣ်, ဘၣ်တၢ်မၤလီၤတံၢ်ခီဖျိအမဲရကၤကသံၣ်ကသီပှၤစဲၣ်နီၤကမံးတံာ်မိၢ်ပှၢ် (ABMS) န့ၣ်လီၤ.

ကသံၣ်သရၣ်ကွၢ်ပှၤဆါလၢအဒိးန့ၢ်ဘၣ်တၢ်ယါဘျါစဲၣ်နီၤလီၤဆီတၢ်အုၣ်သးန့ၣ်, တၢ်စဲၣ်နီၤလီၤဆီအဂ့ၢ်အကျိၤဘၣ်တၢ်ပာ်ဖျါထီၣ်ဝဲလၢ "ကမံးတံာ်မိၢ်ပှၢ်အုၣ်သးပာ်ပနီၣ်လံ" န့ၣ်လီၤ. ကမံးတံာ်မိၢ်ပှၢ်လံာ်အုၣ်သးအတၢ်အိၣ်သးပတီၢ်န့ၣ်, ဘၣ်တၢ်မၤဘၣ်မၤသီထီၣ်ဃုာ်ဒီး မုၢ်နံၤလၢအကတၢၢ်ကွံာ်တဖၣ်, ဘၣ်ဆၣ်တဘျီဘျီတၢ်ဂ့ၢ်တၢ်ကျိၤတဖၣ်တချုးကိးဆၢကတီၢ်ဘၣ် ခီဖျိတၢ်မၤဘၣ်က့ၤတၢ်ဂ့ၢ်တၢ်ကျိၤလၢပှာ်ယဲၤသန့အပူၤတဖၣ် အဆၢကတီၢ်တၢ်အိၣ်သးလီၤဆီအဃိန့ၣ်လီၤ.
ကသံၣ်သရၣ်ယါဘျါပှၤဆါအါဂၤန့ၣ်, နဃုမၤလီၤတံၢ်အကသံၣ်သရၣ်ကမံးတံာ်မိၢ်ပှၢ်လံာ်အုၣ်အတၢ်အိၣ်သးသ့ဝဲဒၣ် ခီဖျိအမဲရကၤကသံၣ်ကသီပှၤစဲၣ်နီၤအကမံးတံာ်မိၢ်ပှၢ်သ့ဝဲဒၣ်န့ၣ်လီၤ. ကသံၣ်သရၣ်အမံၤမ့ၢ်အိၣ်ဖျါလၢစရီ ABMS အပှာ်ယဲၤသန့ပူၤန့ၣ် ကမံးတံာ်မိၢ်ပှၢ်တၢ်အုၣ်သးအိၣ်ဝဲအခဲအံၤ, ဒ်အမ့ၢ်တၢ်ပာ်ပနီၣ်ကံၢ်စီလၢ "ထီရီၤ" မ့တမ့ၢ် "စဲၣ်နီၤလီၤဆီ" န့ၣ်လီၤ.

တၢ်တူၢ်လိာ်ပှၤဆါအသီ - ဒုးနဲၣ်ဝဲဒၣ်ကသံၣ်သရၣ်အံၤတူၢ်လိာ်ဝဲဒၣ် မ့တမ့ၢ်တတူၢ်လိာ်ဝဲဒၣ်ပှၤဆါလၢအကတီၢ်ခဲအံၤန့ၣ်လီၤ. တၢ်ဂ့ၢ်တၢ်ကျိၤအံၤမၤတၢ်မၤသီမၤဘၣ်က့ၤ ဒ်ကသံၣ်သရၣ်ယါဘျါတၢ် ဒုးသ့ၣ်ညါဝဲအသိးန့ၣ်လီၤ.

ကျိာ်လၢဆူၣ်ချ့တၢ်ကွၢ်ထွဲကသံၣ်သရၣ်မ့တမ့ၢ်ကသံၣ်ဝဲၤကျိၤပှၤမၤတၢ်ဖိကတိၤတဖၣ် - ဒုးနဲၣ်ကျိာ်တၢ်ကတိၤတခါခါ (တမ့ၢ်အဲကလံး) လၢကသံၣ်သရၣ်မ့တမ့ၢ်ကသံၣ်ဝဲၤဒၢးပှၤမၤတၢ်ဖိကတိၤအီၤတဖၣ်န့ၣ်လီၤ. တၢ်ဂ့ၢ်တၢ်ကျိၤတဖၣ်အံၤ တၢ်မၤသီမၤဘၣ်က့ၤဒ်အဆၢကတီၢ်ဒၣ်ဝဲခီဖျိ တၢ်လဲၤထံၣ်ဒီးဆူၣ်ချ့တၢ်ကွၢ်ထွဲကသံၣ်သရၣ်တဖၣ်န့ၣ်လီၤ.

တၢ်လီၢ် - တၢ်ဆဲးကျိးလီၢ်ကျဲဘၣ်ဃးကသံၣ်သရၣ်အဝဲၤဒၢးမ့တမ့ၢ်တၢ်ဆါဟံၣ်. တၢ်အံၤဘၣ်တၢ်မၤဘၣ်က့ၤအီၤ ဖဲကသံၣ်သရၣ်မ့တမ့ၢ်တၢ်ဆါဟံၣ်တဖၣ်ဆီတလဲအတၢ်အိၣ်ဆိးလီၢ်ကျဲန့ၣ်လီၤ.

တၢ်ဆါဟံၣ်တၢ်တူၢ်လိာ်ပာ်ပနီၣ် - တၢ်တူၢ်လိာ်ပာ်ပနီၣ်န့ၣ် မ့ၢ်တၢ်ဖံးတၢ်မၤတခါလၢနီၢ်ကစၢ်အတၢ်သးအိၣ်မၤဘၣ်ဃးတၢ်သမံးသမိးကွၢ်က့ၤဝဲတၢ်ဆါဟံၣ်တခါအံၤအကံၢ်စီပတီၢ် တုၤထီၣ်ဘးလၢဆူၣ်ချ့ဒီးတၢ်ပူၤဖျဲးအိၣ်တအိၣ်န့ၣ်လီၤ. တၢ်ဆါဟံၣ်တၢ်တူၢ်လိာ်ပာ်ပနီၣ်အတၢ်အိၣ်သးန့ၣ် တၢ်မၤလီၤတံၢ်ခီဖျိ Joint Commission န့ၣ်လီၤ.

တၢ်တူၢ်လိာ်ပာ်ပနီၣ်တၢ်န့ၣ် ဘၣ်တၢ်မၤလီၤတံၢ်အီၤသၢနံၣ်တဘျီသနာ်က့ တၢ်ဆီတလဲမ့ၢ်အိၣ်ထီၣ်၀ဲဒၣ်န့ၣ် တၢ်ဆါဟံၣ် မၤဘၣ်က့ၤအီၤလၢတၢ်နဲၣ်ကျဲအဆိအချ့တသ့ဖဲအသ့န့ၣ်လီၤ. ကသံၣ်သရၣ်တဖၣ်လၢ Minnesota အတၢ်ချၢအဂ့ၢ်အကျိၤန့ၣ် ဘၣ်တၢ်မၤဘၣ်က့ၤအီၤအဆၢကတီၢ်လီၤဆီလိာ်အသးန့ၣ်လီၤ.

Blue Distinction အလီၢ်ခၢၣ်သး (BDC)န့ၣ် မ့ၢ်တၢ်မနုၤလဲၣ်.

Blue Distinction အလီၢ်ခၢၣ်သးန့ၣ် မ့ၢ်တၢ်ဆါဟံၣ်တဖၣ်လၢတၢ်ပာ်ပနီၣ်ဝဲဒၣ် ဘၣ်ဃးအတၢ်သ့တၢ်ဘၣ်ကံၢ်စီလၢဟ့ၣ်တၢ်ကွၢ်ထွဲလီၤဆီန့ၣ်လီၤ.

ကသံၣ်သရၣ်, တၢ်ဆါဟံၣ်ဒီးကသံၣ်ဝဲၤဒၢး လၢယတၢ်တိာ်ကျဲၤဘျးစဲပူၤန့ၣ် မ့ၢ်ယစဲးကျံးထီၣ်အစရီကသ့ဧါ.

ဖဲပတၢ်တိာ်ကျဲၤဘျးစဲန့ၣ် အိၣ်ဒီးကသံၣ်သရၣ်, ကသံၣ်ဝဲၤဒၢးဒီးတၢ်ဆါဟံၣ်အါမးန့ၣ်လီၤ. ကသံၣ်သရၣ်ဟဲနုာ်ဟးထီၣ်လၢပတၢ်တိာ်ကျဲၤဘျးစဲပူၤအဃိ, ဆူၣ်ချ့ကသံၣ်သရၣ်စရီလၢတၢ်စဲးကျံးထုးထီၣ်အီၤန့ၣ်ကအါဝဲဒၣ် ဒီးတၢ်ဂ့ၢ်အိၣ်ဖျါတဖၣ်အမုၢ်နံၤတလၢကွံာ်ချ့မးန့ၣ်လီၤ. ဒ်သိးနကစဲးကျံးထုးထီၣ်တၢ်ဃုကွၢ်အစၢတဖၣ်န့ၣ်, စူးကါ "Save as PDF" လ့း(link)အိၣ်ဖျါဖဲတၢ်ဃုကွၢ်အစၢလံာ်ကဘျံးအခီၣ်ထံးန့ၣ်တက့ၢ်.

ဆူၣ်ချ့တၢ်ကွၢ်ထွဲကသံၣ်သရၣ်အဂ့ၢ်အကျိၤတဖၣ်နဒိးန့ၢ်ဘၣ်ဒ်လဲၣ်.

ဆူၣ်ချ့တၢ်ကွၢ်ထွဲကသံၣ်သရၣ်ပှၤမၤစၢၤတၢ်တဖၣ်(လၢအမ့ၢ်ကသံၣ်သရၣ်)ဒီးတၢ်ဆါဟံၣ်တဖၣ်လၢပမၤလံာ်ဃံးဃာ်န့ၣ်, ဟ့ၣ်လီၤပှၤတၢ်ဂ့ၢ်တၢ်ကျိၤတဖၣ်အံၤဖဲလၢ တၢ်မၤလီၤတံၢ်တၢ်အုၣ်သးတၢ်ဖံးတၢ်မၤအကတီၢ်န့ၣ်လီၤ. တၢ်မၤလီၤတံၢ်တၢ်ပာ်ပနီၣ်လံာ်အုၣ်သးန့ၣ် မ့ၢ်တၢ်သမံသမိးလီၤတံၢ်ကံၢ်စီလၢဘၣ်တၢ်တီၢ်ဖျါအီၤတဖၣ် အတၢ်မ့ၢ်တၢ်တီဘၣ်ဃးအတၢ်ဒိးန့ၢ်လံာ်အုၣ်သးတၢ်ပျဲ ဒ်ဆူၣ်ချ့ပှၤစဲၣ်နီၤတဂၤ မ့တမ့ၢ်တၢ်ကရၢကရိအသိးအဂီၢ်န့ၣ်လီၤ. တၢ်အံၤပၣ်ဃုာ်ဒီးတၢ်သမံသမိးကွၢ်ဆူၣ်ချ့တၢ်ကွၢ်ထွဲကသံၣ်သရၣ် အတၢ်စံၣ်စိၤ, ဒ်အမ့ၢ်တၢ်ကူၣ်သ့ဒီးတၢ်မၤလိ, တၢ်မၤလီၤတံၢ်အကံၢ်စီတုၤထီၣ်ဘးဒ်ပှၤစဲၣ်နီၤအတၢ်လိၣ်ဘၣ်တဖၣ်န့ၣ်လီၤ.

တၢ်မၤလီၤတံၢ်တၢ်ပာ်ပနီၣ်လံာ်အုၣ်သးန့ၣ်, ကဲထီၣ်ဝဲဒၣ်ဖဲလၢ ဆူၣ်ချ့တၢ်ကွၢ်ထွဲကသံၣ်သရၣ် မ့တမ့ၢ်တၢ်ဆါဟံၣ်ပတံထီၣ်တၢ်အဆိကတၢၢ်လၢကဟ့ၣ်တၢ်တိစၢၤမၤစၢၤဆူကရူၢ်ဖိလၢတၢ်တိာ်ကျဲၤဘျးစဲပူၤတဖၣ်အခါန့ၣ်လီၤ. လၢ Minnesota ဆူၣ်ချ့ကသံၣ်သရၣ်တဖၣ်, တၢ်မၤလီၤတံၢ်ကဒါက့ၤတၢ်ပာ်ပနီၣ်လံာ်အုၣ်သးန့ၣ်, ကဲထီၣ်ဝဲအစှၤကတၢၢ်သၢနံၣ်တဘျီန့ၣ်လီၤ. တၢ်အံၤကလီၤဆီဝဲဒၣ်လၢကီၢ်စဲၣ်အဂုၤဂၤတဖၣ်န့ၣ်လီၤ.

တၢ်မၤလံာ်ဃံးဃာ်အကတီၢ်န့ၣ်, ပဒိးန့ၢ်တၢ်ဂ့ၢ်တၢ်ကျိၤလၢဆူၣ်ချ့ကသံၣ်သရၣ်တဖၣ်စ့ၢ်ကီးန့ၣ်လီၤ. တၢ်မၤလံာ်ဃံးဃာ်န့ၣ်, ဘၣ်တၢ်မၤအီၤဖဲဆူၣ်ချ့တၢ်ကွၢ်ထွဲကသံၣ်သရၣ် မ့တမ့ၢ်တၢ်ဆါဟံၣ်အၢၣ်လီၤလၢ အကဟ့ၣ်တၢ်တိစၢၤမၤစၢၤလၢပပှၤကရူၢ်ဖိအဂီၢ် ဒီးတၢ်အံၤဘၣ်တၢ်မၤအီၤသၢနံၣ်တဘျီန့ၣ်လီၤ.

တၢ်ဂ့ၢ်တၢ်ကျိၤတဖၣ်ဘၣ်တၢ်မၤလီၤတံၢ်အီၤဒ်လဲၣ်.

တၢ်ဂ့ၢ်တၢ်ကျိၤတဖၣ်တၢ်မၤလီၤတံၢ်အီၤခီဖျိ လၢတၢ်အုၣ်သးပာ်ပနီၣ်တၢ်အလီၢ်ဒီး/မ့တမ့ၢ်ဖဲလၢတၢ်မၤလံာ်ဃံးဃာ်တၢ်မၤကျိၤကျဲကတီၢ် ဒ်တၢ်ပာ်ဖျါလၢထးန့ၣ်လီၤ.

တၢ်ဂ့ၢ်တၢ်ကျိၤတဖၣ်တၢ်မၤလီၤတံၢ်အီၤဆံးယံာ်တဘျီလဲၣ်.

တၢ်ဂ့ၢ်တၢ်ကျိၤတဖၣ်တၢ်မၤလီၤတံၢ်အီၤ လၢတၢ်အုၣ်သးပာ်ပနီၣ်တၢ်အလီၢ်ဒီး/မ့တမ့ၢ် ဖဲလၢတၢ်မၤလံာ်ဃံးဃာ်ဒီးသၢနံၣ်တဘျီလၢတၢ်မၤသီထီၣ်က့ၤတၢ်အုၣ်သးပာ်ပနီၣ်လၢဆူၣ်ချ့ကသံၣ်သရၣ်တဖၣ်ဖဲ Minnesota န့ၣ်လီၤ. တၢ်အံၤကလီၤဆီဝဲဒၣ်လၢကသံၣ်ကရၣ်လၢ တၢ်လီၢ်အဂုၤဂၤတဖၣ်န့ၣ်လီၤ. ဖဲတၢ်မၤနီၣ်ပာ်ဝဲလၢတၢ်သံကွၢ်ဆူညါတခါန့ၣ်, တၢ်ထၢနုာ်မၤဘၣ်တၢ်ဂ့ၢ်ဒီးမၤလီၤတံၢ်က့ၤလၢခါဆူညါန့ၣ်လီၤ.

ဃုထံၣ်န့ၢ်ကသံၣ်သရၣ်

ဃုကွၢ်ကသံၣ်သရၣ်တဖၣ်, တၢ်ဆါဟံၣ်တဖၣ်ဒီးတၢ်ဆါဒၢးတဖၣ်တက့ၢ်.

ဃုကွၢ်