တၢ်တဲသကိးတၢ်ဂ့ၢ်ဘၣ်ဃး တၢ်တကွၢ်ဒိၣ်ဆံးအါစှၤတၢ်, တၢ်ပာ်တီပာ်လိၤပှၤကိးဂၤဒီး တၢ်ထံၣ်ဒိၣ်အဲကလံးန့ၣ် တမ့ၢ်တၢ်လၢအညီထီဘိဘၣ်. လီၤဆီဒၣ်တၢ် ဖဲပတသ့ၣ်ညါနၢ်ပၢၢ်ဘၣ်ကျိာ်ခဲလၢာ်ဘၣ် ဒီးလိၣ်ဝဲဒၣ်လၢ တၢ်တဲသကိးကီဝဲသ့ၣ်တဖၣ်န့ၣ်အဂီၢ်န့ၣ်လီၤ. တၢ်ဂီၤမူဒီးတၢ်ဂ့ၢ်တၢ်ကျိၤပၣ်ဃုာ်ဝဲတဖၣ်န့ၣ် မ့ၢ်ဒၣ်တၢ်တဲသကိးအဂံၢ်ခီၣ်ထံး လၢတၢ်သိၣ်လိမၤယုၤဒီးတၢ်ဆိကမိၣ်ထံက့ၤတၢ်အဂီၢ်န့ၣ်လီၤ.
တၢ်ဂီၤမူ
တၢ်ထီဒါတၢ်ကဲပှၤသူဖံးဖိ
တၢ်ထီဒါတၢ်ကဲပှၤသူဖံးဖိအခီပညီမ့ၢ်ဝဲ တၢ်ကွၢ်တလီၤကလုာ်ဒူၣ်ဒီးတၢ်ဆီၣ်ဘံၣ်ဆီၣ်ဘၢလၢအိၣ်ဒီးကရၢကရိတၢ်သုးတၢ်ကျဲၤ လၢအကွၢ်ကပၤပှၤသူဖံးဖိတဖၣ် ဒီးပၣ်ဃုာ်သ့ဝဲတၢ်စုဆူၣ်ခီၣ်တကး,တၢ်ကွၢ်မဲာ်,တၢ်မၤစှၤလီၤပှၤကညီအသူးအသ့ၣ်,ပၢၤကီၢ်အတၢ်မၤဆူၣ်မၤဒၢၣ်,တၢ်နီၤဖးပာ်ဖးတၢ်,တၢ်ထၢနုာ်ပှၤအါမးဆူဃိာ်ပူၤ,တၢ်မၤဆံးလီၤစှၤလီၤပှၤသူဖံးဖိတဖၣ်အလုၢ်အပှ့ၤဒီးတၢ်အဂၤတဖၣ်န့ၣ်လီၤ.
ပှၤဝါဖံးဖိအတၢ်အိၣ်ထီၣ်ထီန့ၢ်စိန့ၢ်ကမီၤ
ပှၤဝါဖံးဖိအတၢ်အိၣ်ထီၣ်ထီန့ၢ်စိန့ၢ်ကမီၤမ့ၢ်ဝဲ ဖဲပှၤဝါဖံးဖိအတၢ်ဆဲးတၢ်လၤန့ၣ် ဘၣ်တၢ်ပာ်ဒိၣ်ပာ်ထီအီၤဒ် အလုၢ်အပှ့ၤဒိၣ်အါန့ၢ်တၢ်ဆဲးတၢ်လၤအဂၤတဖၣ်န့ၣ်လီၤ.
တၢ်ဟံးန့ၢ်စူးကါတၢ်ဆဲးတၢ်လၤတမံၤလၢတၢ်တပာ်ကဲအပူၤ
တၢ်ဟံးန့ၢ်စူးကါတၢ်ဆဲးတၢ်လၤတမံၤလၢတၢ်တပာ်ကဲအပူၤမ့ၢ်ဝဲ ဖဲပှၤတဂၤဂၤ လၢတၢ်ပညိၣ်အိၣ် မ့တမ့ၢ်တၢ်ပညိၣ်တအိၣ်အပူၤ ဟံးန့ၢ်ဒီးအီၣ်တူာ်အီၣ်ကလိၤတၢ်ဆဲးတၢ်လၤအကူာ်တမံၤ လၢတမ့ၢ်အတၢ်ဘၣ်အခါန့ၣ်လီၤ.
ပှၤထီဒါပှၤဒုးကဲထီၣ်ကလုာ်ဒူၣ်တၢ်သဘံၣ်ဘုၣ်
ဒ်သိးကကဲထီၣ်ပှၤထီဒါပှၤဒုးကဲထီၣ်ကလုာ်ဒူၣ်တၢ်သဘံၣ်ဘုၣ်အဂီၢ် အခီၣ်ထံးန့ၣ်ပလိၣ်ဘၣ် တၢ်သ့ၣ်ညါနၢ်ပၢၢ်လၢ တၢ်ကွၢ်တလီၤကလုာ်ဒူၣ်န့ၣ် မ့ၢ်ဝဲအနီၣ်ကီၢ် ဒီးအဂံၢ်အိၣ်ဖးယိာ်ညါလၢ ပပှၤတဝၢအပူၤ ဒီးလုၢ်ဘၢကယဲၢ်တၢ်လၢပမၤခဲလၢာ် ဒီးလဲၤခီဖျိလၢတၢ်အိၣ်ဖျါဒီးတၢ်တအိၣ်ဖျါအပူၤန့ၣ်လီၤ.
ပှၤဝါဖံးဖိအခွဲးအယာ်
တၢ်ကွၢ်ဒိၣ်ပှၤဝါဖံးဖိန့ၣ် မ့ၢ်ဒၣ်တၢ်ခွဲးတၢ်ယာ်လၢအ၀ဲဒိးန့ၢ်ကလီဘၣ်အီၤတဘျီဃီ, တၢ်န့ၢ်ဘျုးန့ၢ်ဖှိၣ်ဒီးတၢ်ဆၢတဲာ်လၢအဟံးန့ၢ်၀ဲဒၣ် မ့ၢ်လၢအကဲပှၤဝါဖံးဖိအဃိန့ၣ်လီၤ.
တၢ်ကွၢ်တလီၤကလုာ်ဒူၣ်
တၢ်ကွၢ်တလီၤကလုာ်ဒူၣ်လၢတၢ်ရဲၣ်တၢ်ကျဲၤအပူၤန့ၣ် မ့ၢ်ဒၣ် တၢ်ရဲၣ်တၢ်ကျဲၤအကျိအကျဲလၢအဟ့ၣ်ဘၣ်ပှၤ၀ါဖံးဖိလၢတၢ်ခွဲးတၢ်ယာ်အါန့ၢ်ဒံး ပှၤသူဖံးဖိ, ထူလံၤဖိဒီးကလုၢ်ဒူအဂၤတဖၣ် - လီၤဂာ်ဒ် တၢ်ကူၣ်ဘၣ်ကူၣ်သ့အပတီၢ်ထီ, တၢ်ထူးတၢ်တီၤ, ဒီးဆူၣ်ချ့တၢ်ကွၢ်ထွဲလီၤ.
တၢ်ပဲာ်ဖးကလုာ်ဒူၣ်
တၢ်ပဲာ်ဖးကလုာ်ဒူၣ်န့ၣ် မ့ၢ်ဒၣ်တၢ်တဲမ့တမ့ၢ်တၢ်မၤလၢပမၤ၀ဲဒၣ်လၢတၢ်တပာ်သူၤပာ်သးအပူၤဒၣ်လဲာ် - လၢအတဲတလီၤမ့တမ့ၢ်မၤဆါပှၤဂၤသ့၀ဲ ခီဖျိအကလုာ်ဒူၣ်, မုၣ်ခွါ, တၢ်အပတီၢ်မ့တမ့တၢ်ဂ့ၢ်အဂၤအဃိန့ၣ်လီၤ.
တၢ်ပာ်လုၢ်ပာ်ပှ့ၤပှၤသူဖံးဖိအသးသမူ
တၢ်ပာ်လုၢ်ပာ်ပှ့ၤပှၤသူဖံးဖိအသးသမူန့ၣ် မ့ၢ်ဒၣ်ကျဲလၢကဘှီဘၣ်ထီၣ်က့ၤတၢ်ကွၢ်တလီၤကလုာ်ဒူၣ် ဒီးတၢ်မၤဆူၤမၤစိးတၢ်တဖၣ် ထီဒါပှၤသူဖံးဖိ ဒ်သိးကပာ်တီၤပာ်လိၤက့ၤ, မၤဘျါဒီးမၤပူၤမၤဖျဲးထီၣ်ပှၤသူဖံးဖိလၢဟီၣ်ခိၣ်ဒီဘ့ၣ်အဂီၢ်န့ၣ်လီၤ.
တၢ်ထံၣ်တခီတၢၤလၢတၢ်တပာ်သူၣ်ပာ်သးအပူၤ
တၢ်ထံၣ်တခီတၢၤလၢတၢ်တပာ်သူၣ်ပာ်သးအပူၤန့ၣ် ဘၣ်တၢ်သူအီၤလၢကပာ်ဖျါထီၣ်ပ တၢ်ပာ်သူၣ်ပာ်သးမ့တမ့ၢ် တၢ်ထံၣ်လၢပှၤဂၤအကလုာ်ဒူၣ်အဖီခိၣ်, တဘျီတခီၣ်ကဲထီၣ်၀ဲဒ်န့ၣ် လၢတၢ်တပာ်သူၣ်ပာ်သးအပူၤဘၣ်ဒၣ်လဲာ်န့ၣ်လီၤ.
ကလုာ်ဒူၣ်ဒီး တၢ်ကွၢ်တလီၤကလုာ်ဒူၣ်
ပှၤအကလုာ်ဒူၣ်န့ၣ် ပှဲၤဒီးတၢ်စိကမီၤလီၤ. တၢ်ထံၣ်ပှၤအကလုာ်တဒူၣ်ဒ်လဲၣ်ဒ်လဲၣ်န့ၣ် ဟဲကဲထီၣ်အသး လၢကဆီၣ်ထွဲမၤစၢၤပှၤကရူၢ်တနီၤအိၣ်ဒီးတၢ်ထံၣ်လၢ တၢ်ကွၢ်ဒိၣ်ဆံးအါစှၤကလုာ်ဒူၣ်တဖၣ်အဂီၢ်န့ၣ်လီၤ.
တၢ်သ့ၣ်ညါဘၣ်ပှၤကညီအတၢ်ခီတူာ်လိာ်သး
ပှၤကညီခီတူာ်လိာ်သးအကျိၤကျဲန့ၣ် ပာ်ဖျါထီၣ်လၢကလုာ်ဒူၣ်, တၢ်ကဲမုၣ်ကဲခွါ, ပှၤအိၣ်ဟဲတတီၤ, တၢ်အဲၣ်မုၣ်အဲၣ်ခွါ, ဒီးတၢ်လဲၤခီဖျိအဂၤတဖၣ် ခီတူာ်လိာ်အသးဒီးမၤဘၣ်ထွဲလိာ်အသးဒ်လဲၣ်ဒ်လဲၣ်န့ၣ်လီၤ. ပှၤလဲၤခီဖျိဘၣ်တၢ်အိၣ်သးလီၤလီၤဆီဆီအဃိ အတၢ်ထံၣ်လၢဟီၣ်ခိၣ်အဖီခိၣ်န့ၣ် ကလီၤဆီလိာ်အသးလီၤ. အအံၤ မ့ၢ်ဒၣ်ကျဲလၢကဃုသ့ၣ်ညါ၀ဲဒၣ်လၢ ပအိၣ်ဟဲဖဲလဲၣ် ဒီးပှၤလၢအန့ၢ်စိန့ၢ်ကမီၤတၢ်လၢတ၀ၢပူၤမ့ၢ်မတၤတမ့ၢ်မတၤအဂ့ၢ်န့ၣ်လီၤ.
တၢ်သုးလီၤသးလၢထံဂုၤကီၢ်ဂၤပူၤ
တၢ်သုးဆူၣ်လီၤသးလၢထံဂုၤကီၢ်ဂၤပူၤန့ၣ် မ့ၢ်ဒၣ်တၢ်မၤမ့တမ့ၢ်တၢ်မၤအကျိအကျဲလၢ ပှၤကလုာ်တဒူၣ်ဟံး၀ဲဒၣ်လၢ ကဖီၣ်န့ၢ်ပၢဘၣ်ထံကီၢ်, ပှၤအကလုာ်ဒူၣ်ဒီးတၢ်တိစၢၤမၤစၢၤတဖၣ်အဂီၢ်န့ၣ်လီၤ.
တၢ်ပာ်ဖှိၣ်ထီၣ်လိာ်သး
တၢ်ပာ်ဖှိၣ်ထီၣ်လိာ်သးန့ၣ် အဲၣ်ဒိးစံး၀ဲဒၣ်လၢ နသ့ၣ်ညါဘၣ်တၢ်ခွဲးတၢ်ယာ်ဒီးတၢ်န့ၢ်ဘျုးန့ၢ်ဖှိၣ်လၢတဂၤဒီးတဂၤဟံးန့ၢ်၀ဲတဖၣ် ဒီးဟံးတန့ၢ်ဘၣ်တဖၣ် အဃိ နအဲၣ်ဒိးဟ့ၣ်ကၣ်ပာ်တီာ်ပာ်လိၤက့ၤတၢ်အဂီၢ်န့ၣ်လီၤ.
ပှၤလၢအတၢ်ဂီၤတအိၣ်ဘၣ်တဂၤ
ပှၤလၢအတၢ်ဂီၤတအိၣ်ဘၣ်တဂၤန့ၣ် မ့ၢ်ဒၣ် ပှၤလၢအဆဲးအိၣ်ဆိး၀ဲဒၣ်လၢကီၢ်အမဲရကၤအပူၤ ဒီးထံကီၢ်တၢ်ဂီၤတအိၣ်ဘၣ်.
ကလုာ်ဒူၣ်အတၢ်ထဲသိးတုၤသိး
ကလုာ်ဒူၣ်အတၢ်ထဲသိးတုၤသိးမ့ၢ်ဝဲ တၢ်လၢပကမၤန့ၢ်အီၤဖဲကလုာ်ဒူၣ် - နီၢ်ခိဒီးပှၤတဝၢအကံၢ်အစီတမံၤ - တမ့ၢ်ဝဲတၢ်လုၢ်ဘၢတမံၤလၢ ကဆဲးကျိးဒိးန့ၢ်တၢ်ဒ်သိး ဆူၣ်ချ့တၢ်ကွၢ်ထွဲ,ကူၣ်သ့,စုလီၢ်ခီၣ်ခိၣ် ဒီးတၢ်ခွဲးတၢ်ယာ်အဂၤတဖၣ်န့ၣ်လီၤ.
BIPOC
BIPOC အခီပညီမ့ၢ်ဝဲ ပှၤသူဖံးဖိ,ပှၤအိၣ်ထူအိၣ်လံၤ,ပှၤအိၣ်ဒီးဖံးလွဲၢ်တဖၣ်န့ၣ်လီၤ. အဝဲအခီပညီမ့ၢ်ဝဲ တၢ်ဒုးပၣ်ဃုာ်ပှၤလၢအိၣ်ဒီးဖံးလွဲၢ်ခဲလၢာ်လၢ တၢ်မၤပူၤဖျဲးတၢ်မၤ ဖဲသ့ၣ်ညါပာ်ပနီၣ်ဝဲလၢ ပှၤလၢအိၣ်ဒီးဖံးလွဲၢ်ခဲလၢာ်န့ၣ် တကွၢ်ဆၢၣ်မဲာ်ဘၣ်တၢ်တတီတလိအပတီၢ်ဒ်သိးသိးဘၣ်န့ၣ်လီၤ.
ကွဲၤလ့လိၤး ကီၢ်စဲၣ်လၢပအိၣ်၀ဲဒၣ်တတီၤ
ကွဲၤလ့လိၤလၢအရၤလီၤတၢ်ကစီၣ်ဘၣ်ဃးဒီး ဆူၣ်ချ့, ဆူၣ်ချ့အတၢ်ထဲသိးတုၤသိး ဒီးပှၤတ၀ၢအဂ့ၢ်လီၤ. စးထီၣ်ကတိၤသကိးလိာ်နသးဒီးပှၤလီၤ.
တၢ်ဖးလံာ်စရီ
မံၤစရီလၢလံာ်တဖၣ်လၢကြၢးဖးဘၣ်ဃး ဒီးကလုာ်ဒူၣ်တၢ်ဂ့ၢ်ဒီးတၢ်ကွၢ်တလီၤကလုာ်ဒူၣ်လၢဘၣ်တၢ်ကွဲးအီၤလၢပှၤစဲၣ်နီၢ်တဖၣ်လၢမ့ၢ်ဝဲပှၤသူဖံးဖိ,ပှၤထူလံာ်ဖိ,ပှၤမိဖိဒီးပှၤလဲၣ်တ့ၣ်ဖိဒီးကလုာ်အလွဲၢ်အဂၤ
တၢ်သံကွၢ်တဖၣ်အိၣ်ဧါ.
ပမၤစၢၤသ့လီၤ. ဝံသးစူၤဆှၢလီၤပှၤလီပရၢဖဲRHE@bluecrossmn.comတက့ၢ်.